San Lucas 8:44 - Wounaan Meu

⁴⁴ Mag ʉʉi mag simua Jesús eugarmua beewia i khajũahidam gaaipai pʉrchejim anʉm. Mag irua pʉrbarm bʉrre chi phõmie thʉbabaadeewai warre ich mag monaau sĩsijim anaabá.

Woun Meu

⁴⁴ Mag hʌʌi mag simua Jesús hëugarmua bëewia hi k'ajũahidam gaaipai pʌrchëjim hanʌm. Mag hirua pʌrbarm bʌ̈rre chi p'õmie t'ʌbabaadeewai warre hich mag monaau sĩsijim hanaabá.

San Lucas 8:44 Iomraidhean Croise

San Mateo 20:34

Magbaa chadcha Jesuu am dau aug khaugwi, am dauheu aaithʉ aaithʉ abaawai, warre daujã wajaug sĩi bi eewe ich magta thaabatarrjo nʉisijim. Mag amach dau monaaubapäaiwai warag i dʉi ereubaadejim.

San Mateo 8:3

Magbaa Jesuu i gaai pʉrnaa, —Mua pʉ monaaupʉim khõsi chirʉm; monaau chirsí magan ajim anʉm irig. Magbarm bʉrre chi phĩe kha dodos chirarr monaau sĩsiewai mor wajappha aadejim anaabá.

San Mateo 9:20

Pari mag wetum ee, ʉʉi ãb phõmieu bar sim beewi meraa eugarmua i khajũa i gaai pʉrchejim, ich odegpai “Nau i khajũa gaai pʉrbarmuapai mʉ monaauju” a khĩirjuwia. Ich mag ʉʉi doce años mag phõmie dʉi sĩejim, bʉ̃ʉrjã chugpaa khaugba.

San Marcos 6:56

Jesús nʉrrʉmpierr phobor ee didam khapan khaba nʉnʉidʉm ee maimua sĩi durr didam ãhãbdo nʉnʉidʉm eem magwe i na kaaijã ee amach aaunaan aubeenaa irig, —Maar aaunaanag pʉch khajũahidam gaaipai khãijã pʉrpibá aajeejim anʉm, monaaumkhĩir. Mag chadcha thum i khajũa gaai pʉrmam khʉʉnan warre monaaukha maajeejim aajem, mag sĩi pʉrbarmuapai.

San Lucas 13:13

“Mua pʉ monaaukhim” anaa, i ʉ̃r jua ausĩubarm bʉrre phõ thʉrrkha khajappha oo dʉnʉisijim anaabá, monakkha. Mag ich monaaubapäaiwai onegau Ẽwandamag, “Ẽwandam, ĩsin chadau pua mʉ ʉuta abarm. Pʉjo jua theegkham chan mʉg jẽb gaai chukhum. Ʉu abarmgui” ajim anʉm.

San Lucas 7:38

Mag beewia i eugarmua i bʉkhʉrr phõbkhachewia bĩemamua i bʉ ʉ̃r ich daucho theutkhamam ich porbʉʉupai jãrpʉimajim anʉm. Magnaa i bʉ ʉ̃ʉ au, ʉ̃ʉ aunaa, jʉ̃gdeeu choomajim anaabá, i bʉ gaai.

San Lucas 8:43

Mamʉ õor pom mag thʉnʉm ee, ĩchab ʉʉi ãb sĩejim aajem, doce años sĩi phõmieu bar sim. Mag ʉʉirau ich phatkhondam thum gastaapʉiwia sĩejim anaabá, doctornaanag ich ewaupi simua. Mamʉ ãbmuajã pod i monaau auba aajeejim aajem.

San Lucas 8:45

Magbaawai Jesuu, —¿Khaíuta mʉ gaai pʉrbaichema? ajim anʉm. Mamʉ ãbmuajã jaauba aawai Pedroou ich khapeen dʉimua, —Maestro, khaíu abarjugui ajim anʉm. Pʉch aig õor phẽeudʉdʉkham khʉʉnau khabahab, pua mag chirʉm.

San Juan 5:13

Pari mag i monaaupʉiwia ich Jesujã sĩi õor khapanag ee dubbaaderr aawai pod i khaugpʉiba arr gaaimua, ĩs mag thʉ̃r thʉ̃rnaa mag wounauta mʉrʉg mag jaaujimjã abajim aajem.

Hechos 19:12

Mag õor monawaag nem jua theeg sĩewai sĩi i khĩir jãarjem wa irua khajũa jũajem khãijã chi aaunaan aar arrwia, ag ʉ̃r ausĩubarmuapai kha machag chugpaanaa ĩchab mor ee ben khaigbam wai sĩsidʉmjã chadcha obeerpʉi maajeejim aajem.

Hechos 5:15

Amach daúa mag oo nʉm dʉi ich Jesuucha ich i jaaumkhĩir jʉr autarr khʉʉnau õor dakhĩir ag na maadeu nem ooba aajempa mag dau daau wau nʉm oowai, waragta aaunaan khapan pa bʉʉrkham gaai dawag phe aumaajeejim aajem, Pedro dichmamua i akharaupai khãijã chi aaunaan ʉ̃r khĩsu dichdimaawai magbarmuapai monaaumamkhĩir.