San Lucas 8:25 - Wounaan Meu

²⁵ Maimua jũrr ichdeu amag, —Keena ajim anʉm, ¿mʉg pãar mʉ dʉi khodjorromjã nem okhota nʉ? Jãgan pãrau chan mʉ pãach dʉi chitʉmjã khaugbata naab ajim anʉm, jãgcha jãphierraag. Mag amach dakhĩir phũ dʉi phũaspa warre thumba atham oobaawai jãphierrnaa dauderraa nʉmua amach appai okharii, —Keena, ¿khanim wounta mʉg phũugjã iekhanaa phũasagjã iekhaawai i ipierraa aajẽma? ajierram anʉm.

Woun Meu

²⁵ Maimua jũrr hichdëu hamag, —Keena hajim hanʌm, ¿mʌg pãar mʌ dʌ̈i k'odjörrömjã nem hök'öta nʌ? Jãgan pãrau chan mʌ pãach dʌ̈i chitʌmjã k'augbata naab hajim hanʌm, jãgcha jãp'ierraag. Mag hamach dak'ĩir p'ũ dʌ̈i p'ũaspa warre t'umba hat'am hoobaawai jãp'ierrnaa dauderraa nʌmua hamach happai hök'arii, —Keena, ¿k'anim wounta mʌg p'ũugjã hiek'anaa p'ũasagjã hiek'aawai hi hipierraa haajẽma? hajierram hanʌm.

San Lucas 8:25 Iomraidhean Croise

San Mateo 14:31

Magbarm bʉrre Jesuu i jua gaai pʉrnaa, —¿Khanthee pua pʉch ierrpaju khĩirjujĩ? Jãgan pua chan mua pʉchig nem mag aawaijã mʉ iek ʉkhaba chirabma ajim irig.

San Mateo 17:20

Magbaawai ich Jesuu marag magjim: —Jãan pãachdeu mʉg chaai Ẽwandamau monaaujujã khĩirjuba narr gaaimuaugui ajim. Pãrau Ẽwandam jua theeg sim khaphʉnaa pãachdeu nem mag abarmjo apiju khĩirjunaata nem waukhiin, Ẽwandam athee chan phithurm nem chukhu aajeewai, chadcha pãachdeu jajaaukhampierr ich mag pãachdeu jaau nʉmjo apiju. Pãar khĩirjug oojem anaa chi pomag mostaza daudam ar maach dau ee paba khitaajemjo khãijã khitakhiin, chag durrsĩig khãijã, “Jopai mʉigmua mawia chum dʉnʉʉubaimá” abaawai chadcha phithurg chukhu mawia pãar ipierr pãachdeu jaaubarm aar dʉnʉʉuwimajugui ajim. [

San Mateo 6:30

Pamaar jãg ooihmʉ thʉnʉm edau wʉʉbaademuapai khiugphebaadeewai sĩi khʉʉijemjã Ẽwandamau jãg ooihmʉ wai sĩejemta, ¿jãgwi pãar pamaar khãai ʉ̃rcha balee nʉmua nem jeeu nʉmta irua deeba abarju? ¿Wa pãachdeu jeeu nʉmjã pod deebajupii aajẽwa? ajim anʉm.

San Mateo 8:10

Chi capitanau ich jʉ̃g daar mag iekhabaawai jʉ̃gderraa aademua ich ẽudee wetmarr khʉʉnagta, —Keena, pãade oobat: Mʉg maach israelnaan ee mʉg woun denjo ʉkha nʉm chan mua agtha ooba chitʉmgui ajim anʉm ich Jesuu.

San Mateo 8:26

Magbaawai ichdeu amag, —¿Khantheeta atcha jãphierr nʉma? ajim anaabá. Jãgan pãrau chan mʉ pãach dʉi chitʉmjã khaugbata naab ajim anʉm, jãgcha jãphierraag. Magnaa phiidʉwia phũug meeurrau sĩunaa ĩchab chi phũasagjã meeurrau sĩubaawai, tag phũjã weba, phũasdaujã baupa khaba, warre sĩi dojã meuu joisijim anaabá.

San Marcos 4:35

Ich ag edpai ya kheeuraa aadem ee, Jesuu ich khapeenag, —Wettarrau ajim aajem, do khĩijãr thʉrrdo igaau.

San Lucas 12:28

Pamaar jãg ooimʉ thʉnʉm edau wʉʉbaademuapai khiugphebaadeewai sĩi khʉʉijemjã Ẽwandamau jãg ooimʉ wai sĩejemta, ¿jãgwia pãar pamaar khãyaujã ʉ̃rʉʉcha balee nʉmua nem jeeu nʉmta irua deeba abarju? ¿Wa pãachdeu jeeu nʉmjã pod deebajupii aajẽwa? ajim anaabá.

San Lucas 8:24

Amachdeu mag oophobaadeewai i khãi jorrom aar mawia, —¡Maestro, phiidʉbaad! Ya maachin khoogpamgui ajierram anʉm. Magbaawai phiidʉwia, phũ theeg thʉnʉmʉg meeurrau sĩunaa, ĩchab chi phũasagjã meeurrau sĩubaawai, tag phũjã weba phũasdaujã baupa khaba, warre sĩi dojã meuu joisijim anaabá.

San Lucas 8:26

Mag wetmamua khodjorroo awia Gerasa durr barjierram aajem, ich ag thʉrrdo eepai thoom igar Galilea khĩirphee.

San Juan 11:40

Magbaawai Jesuu irig, —Mamʉ mua khabá chaigjã pʉrʉg, mua i phiriu auju pʉch thãar ee khaphʉ ʉm khai, pua chadcha Ẽwandam jua theeg ooju a chirajimgui ajim.