San Lucas 8:21 - Wounaan Meu

²¹ Mamʉ magbaawai ichig mag jaauchetarr khʉʉnag Jesuu magjim: —Mʉrʉgan mʉig Ẽwandam iek ũrwia ag ipierraa nʉm khʉʉnta ĩchab mʉ eeugpeenjonaa mʉ ãdjo sĩsidʉmgui ajim anʉm.

Woun Meu

²¹ Mamʌ magbaawai hichig mag jaauchëtarr k'ʌʌnag Jesuu magjim: —Mʌrʌgan mʌig Hẽwandam hiek hũrwia hag hipierraa nʌm k'ʌʌnta hĩchab mʌ heeugpeenjönaa mʌ hãdjö sĩsidʌmgui hajim hanʌm.

San Lucas 8:21 Iomraidhean Croise

San Mateo 17:5

Mamʉ Pedro mag iekha dʉnʉm ee, jʉʉnthumie baug beewi am joodʉ athaichejim anaabá. Magbarm ee mag chi jʉʉnthumie eemuata woun iekjo, “Chamʉʉta mʉ Iewaa mʉchdeu jãsehne wai chitʉmʉu, õor peerdʉ aumkhĩir mʉchdeu jʉr autarr. Irua nem jaau simta ipierraa abat” a iekhabarm ũrjierram anʉm.

San Mateo 25:40

Magbaawai deeu ich Jesuu amag, “Pãrau chadcha mʉchcha chan oobajierram, pari pãrau jãg dau aphʉʉ khithee arr khʉʉndam dau aug khaugwi am dʉi jãgtarr aig, mʉchchata dau aug khaug nʉmjo naabajieb” aju aajem amag.

San Mateo 25:45

Pari ichig magbaawai, makhʉʉnagjã irua magju anʉm: “Chadcha mʉkhʉʉn wounaan dau aphʉʉ wenʉrraawai pãrau bʉ̃ʉrjã am dau aug khaugba arran, jãan mʉchchata pãrau dau aug khaugba nʉm khabajieb, am mʉchdeu pʉiwiata jãg wenʉrrarr aawai” aju anʉm ĩchab amachigcha.

San Mateo 28:10

Magbaawai ichdeu amag, —Oob nem okho amiet ajim anʉm. Jãg jãphierr wenʉrraju khãai, mʉ khapeen aar wetwi Galileaag wetpi jaaubat, nau jamta amau mʉ ooimaju a jaaubaimat ajim anʉm.

San Lucas 8:15

Mamʉ jũrr chi nemjĩir jẽb ajaug ee burrtarr, ar õrau Ẽwandam iek amach thãraucha ʉkhaa chaar ʉkhaajem khʉʉnta jaau simgui ajim anʉm. Magʉm khʉʉnau sĩi par jʉ̃gʉupai ũrba aajem. Amachdeu ʉkha nʉm gaaimua dau aug wauju akhiinjã, majã am gaai mas khaba simgui ajim anʉm, Ẽwandam athee nem ajapha waum khõchgau.

San Lucas 8:20

Magbaawai õrau irig, —Pʉ eeugpeen pʉ ãd dʉi daaugajãr nʉm. Am iek pʉ dʉi oom khõsi nʉm aajem ajierram anʉm.

San Juan 13:17

Pãrau ya mʉ iek ũrbarm; pãrauta mua nem jaautarr khĩirjunaa chadcha mʉ ipierraa mʉch denjo nem wau wenʉrrʉmʉn, pãar onee wenʉrrajugui ajim.

San Juan 20:17

Mag ich gaai pʉrjopbaimaawaita Jesuu irig, —Oob mʉ gaai pʉrm; agtha mʉ mʉch Aai aar maba chirabahab ajim anʉm. Magnaa jũrr maar ich dʉi wenʉrraajerr khʉʉn igwiata, —Mawia, jũrr mʉ khodnaanag jaaubaimá ajim anʉm, “mʉ mʉch Aai dʉi ãba chiraimaag i aar mam; ich mag Ẽwandampai ĩchab pãar Aai anaa pãar Ẽwandamaugui” a jaaubaimá amag ajim aajem.

2 Corintios 5:16

Warran muan chadcha Cristo sĩi parhoobam khʉʉnjopaita simpii chirajim, pari ĩs ya i iek ʉkha chiraawai mua khaphʉ chirʉm, í chadcha Ẽwandam Iewaau. Magua warramjo khaigba khĩirjuba chitaawai mua chan sĩi parhoobam khʉʉnau iekhaajemjo õor eugar “Jãkhʉʉnan magta sĩerrjeem” a jaauba chitʉm.

2 Corintios 6:18

magbaawai mʉchta pãar Aaikha chirsiewai pãar jũrr mʉ chaainkha nʉisiju” a sim Ẽwandam maach Por chi jua thierriu. (2 S. 7:14; 1 Cr. 17:13; Is. 43:6; Jr. 31:9)

Santiago 1:22

Ich Ẽwandamau jaau simjo aag chan sĩi par jʉ̃gʉupai mag i iek jaau nʉm ũr nʉʉ aju khaba, chadcha ich iek gaai waupi jaau simjota aju aai nʉm. Magba nʉm chan magan pãran pãachdeupaita sĩi pãach khũgur wai nʉm, mag ũr nʉmpaita ʉu simpii awi.

1 Juan 2:29

Pãrau khaphʉ nʉm, maach Por Jesucristoou nem agchata ichdeu khap nem waaujem. Maagwai ĩchab khaphʉ aju aai nʉm, thum nem agcha nem waaujem khʉʉnjã agjo Ẽwandam chaainkha nʉm.

3 Juan 1:11

Hermano, oob pua ejemplo khaigbam chan au chitam; mag khãai ejemplo wajaphamta athá. Pua khaphʉ sim, ar chi nem khaigbam waaujem khʉʉnan Ẽwandamjã khaugba naawaita mag nem khaigba wau sĩerrjeem; pari nem wajapha wau nʉm khʉʉnan Ẽwandam dʉi naawaita mag nem wajapha waaujem.