San Lucas 8:17 - Wounaan Meu

¹⁷ Ĩswe chan õrau agtha ajap khaugba nʉm, jãga Ẽwandamau õor peerdʉ auju. Mamʉ mʉg atagta amach daúacha õt bʉʉg nem waibeenaa oo nʉmjo amau khap aju. Chi mag khaugba nʉm khʉʉnan agtha khĩchag ee nem oo nʉmjota nʉm, bʉ̃ʉrjã khaugba.

Woun Meu

¹⁷ Hĩswe chan hõrau hagt'a hajap k'augba nʌm, jãga Hẽwandamau hõor peerdʌ hauju. Mamʌ mʌg hatagta hamach daúacha hõt bʌ̈ʌg nem waibëenaa hoo nʌmjö hamau k'ap haju. Chi mag k'augba nʌm k'ʌʌnan hagt'a k'ĩchag hee nem hoo nʌmjöta nʌm, bʌ̃ʌrjã k'augba.

San Lucas 8:17 Iomraidhean Croise

San Mateo 10:26

’Mʉg jẽb gaai maach wounaan ãba thʉnʉm khʉʉn oob ogkhamiet, pãach thõoju khĩirjuwia. Amaun mʉig eegar amachdeu pãar dʉi mag khaigbanaa parhooba khãijã iekhabarmjã sĩi ich mag khĩir okhoojupii aju. Mamʉ magtarr iekhan mʉg atag paawai Ẽwandamau deeu eeupemjo eudʉ auwia thumaam khʉʉnag ũrpijugui ajim.

San Marcos 4:22

Ich jãgta sĩebahab ajim anʉm agjo Ẽwandam iekjã. Ĩswe chan õrau agtha wajappai khaugba nʉm, jãga Ẽwandamau õor peerdʉ auju. Mamʉ jãg õt bʉʉg nem oowai dawaa oojemjo, mʉg atagta amau wajapcha khaphʉ nʉisijugui ajim anʉm. Chi mag khaugba nʉm khʉʉnan agtha khĩchag ee nem oo nʉmjota nʉmgui ajim anʉm, bʉ̃ʉrjã khaugba.

1 Corintios 4:5

Magua mua pãrag, “Oob chikham jaau chithee amiet” a chirʉm. Magju khãai ideu maach Por Jesucristo beepi athat. Ich pierrwaita irua ichdeu khap õrau nem meraa wautarrjã khĩchag ee narrta araragag phe athamjo abaawai thumaam khʉʉnau khakhapdo aju. Maigta ĩchab õrau amach thãar eepai khĩirju sĩsidʉmjã thumaam khʉʉnag khaphʉ apiju. Ya mag jaau dichwian chadau õrau amachdeu nem wajapha nem waumaajerr igwia ichdeucha am wajapha ig iekhaju.