San Lucas 8:15 - Wounaan Meu

¹⁵ Mamʉ jũrr chi nemjĩir jẽb ajaug ee burrtarr, ar õrau Ẽwandam iek amach thãraucha ʉkhaa chaar ʉkhaajem khʉʉnta jaau simgui ajim anʉm. Magʉm khʉʉnau sĩi par jʉ̃gʉupai ũrba aajem. Amachdeu ʉkha nʉm gaaimua dau aug wauju akhiinjã, majã am gaai mas khaba simgui ajim anʉm, Ẽwandam athee nem ajapha waum khõchgau.

Woun Meu

¹⁵ Mamʌ jũrr chi nemjĩir jẽb hajaug hee burrtarr, har hõrau Hẽwandam hiek hamach t'ãraucha hʌ̈k'aa chaar hʌ̈k'aajem k'ʌʌnta jaau simgui hajim hanʌm. Magʌm k'ʌʌnau sĩi par jʌ̃gʌupai hũrba haajem. Hamachdëu hʌ̈k'a nʌm gaaimua dau haug wauju hak'iinjã, majã ham gaai mas k'aba simgui hajim hanʌm, Hẽwandam hat'ee nem hajap'a waum k'õchgau.

San Lucas 8:15 Iomraidhean Croise

San Mateo 24:13

Pari warm khʉʉn mag thʉnʉm ee, ʉu ichdeu mʉ iek ʉkhatarr gaaita ogdʉba kherʉm wounan ʉu peerdʉjugui ajim.

San Lucas 11:28

Magbaawai jũrr ichdeu, —Jãan chadaugui ajim anʉm, mamʉ mag khãyau ar Ẽwandam iek jaau nʉm ũrwia i ipierraa nʉm khʉʉnta ʉ̃rʉʉcha onee aju aai nʉmgui ajim anʉm.

San Lucas 6:45

Ich agjota nʉm ĩchab maach wounaanjã. Õor khĩirjug ajapham khʉʉnau nem ajapham nemta iekha nʉm, amau nem ajaphata wauju khĩirju naawai; mamʉ o ãkhãraam khʉʉnaun iekhaawaijã nem khaigbamta iekha nʉm, am odi sĩi nem khaigbamta wauju khĩirju sĩsid aawai. Magta õraun maach iyʉʉ nʉm ũr nʉm gaaipai warre khaphʉ aajem, khanim woun agá: woun ajapham wa woun khaigbam.

San Lucas 8:14

Maagwai nemjĩir dau sirphʉg dʉi oberwia õt khaba bãautarr, jũrr ar maach khapeen ihãsisisdom khʉʉnta jaau simgui ajim anʉm. Amau Ẽwandam iek ũrm khõsi ũr nʉm, mamʉ deeu amach khĩirjug eepai, “Jãgʉm gaaimua pod mʉ phatkhon auba khãijã chitaju,” wa magbam khai, “Mua chadcha ʉkhakhiinjã pod parhooba mʉchdeu ampierr abaju” a khĩirjuajem. Mag gaaimua mag nemjĩirdam aphʉʉ bãauwia pod cheba arrjo ĩchab Ẽwandam athee nem ajapha wawaagjã podba, sĩi serbiibata nʉmgui ajim anʉm.

San Lucas 8:16

’Ya pãachig jaaubaawai pãrau khaphʉ nʉisim, mamʉ ĩchab mʉg pãachdeu ũrbarmjã pãrau sĩi pãach atheepai wai naaju aai khaba nʉmgui ajim anʉm. ¿Khaíu õtdau paanaa bathẽe eegar wa sĩi nem bʉ ee khãijã ausĩiujẽ? Õtdaun paanaa warre dijã garta ausĩiujemgui ajim anʉm, thumaam khʉʉn dau araraa amkhĩir.

San Juan 14:15

Mag iekhakhagmamua ĩchab marag, —Pãrau chadcha mʉ daupii nʉm khai, mua pãachig nem jaautarr thum ipierraa abat ajim.

San Juan 15:10

Ich jãg mʉjã mʉch Ayau jaautarr ipierraa chitʉm gaaimua mʉ Ayau mʉch khõsi wai sĩejemjo, pãraujã mua pãachig jaautarr ipierraata wenʉrrʉmʉn, pãrau khaphʉ ajugui ajim, chadcha mua pãach khõsi chirʉm.

Romanos 2:7

Ar ʉ̃gthar oberwia bʉ̃ʉrjã meeba ich mag wajapha wenʉrraju khĩirju nʉm dʉi Ẽwandamagta amach tho iyʉʉ apim khõchgau warag nem wajapham appai wauju ẽkhaajem khʉʉnan, irua ich denkha auju, ich mag ich dʉi wenʉrramkhĩir.

Romanos 6:22

Pari ĩs chan pãar warr pekau chogkha narrjo khaba nʉm; ĩsin pãran jũrr Ẽwandam chognaanau. Pari mag i chogkha nʉmʉn chadau ante maach athee wajaugta sim, mag nʉmuata i õorkha i atheepai wenʉrranaa i aar oberwi i dʉi naaimaju aawai.

Romanos 7:18

Mua khaphʉ chirʉm, mʉg chirʉm aig chan bʉ̃ʉrjã thãar wajaug chukhu chirʉm Ẽwandam dau na. Magua, nem wajapha waum khõsi chirʉmjã pod wauba aajem.

Romanos 7:4

Khodamnaan, pãarjã ĩchab ich agjota naabahab: Warran leita pãar jaaijo sĩejim. Magua ichiita pãrau ag gaai jaau sim ipierraa ab khaba aajeejim. Pari tag pekau waumaaugau ya pãar Cristo dʉi meetarrjo naawai ya mag ley pãar dʉi tag iek theeg chukhu sĩsim. Ya ĩsin pãran jũrr Cristo deneu, ar meewia deeu iiu phiidʉtarr denma. Mag i denkha naawaita Ẽwandam dau na nem wajapha wau wenʉrraju.

Romanos 8:25

Mamʉ ich agjo mag dichdeu oom khõchag thʉnʉmjã chadcha agtha ooba sim khai, magan oobam aigjã nem pʉabaju. Magua, mag dau aug wau wenʉrrawiajã ãba Ẽwandamau mʉg atag maach dʉi wajapha ajuuta khĩirju wenʉrrʉm.

1 Corintios 7:19

Judionaan denjo phʉʉrbich sim khai, ʉu sim; pari phʉʉrbichba sĩewiajã ich agjo nem wajaug sim. Mamʉ Ẽwandamau magʉm gaaimuata maach ig sim abam. Magarrau chadcha wajapha simʉn, Ẽwandamau ich iek gaai jaau sim ipierraa nʉmʉn chadau wajapcha sim magʉm phʉʉrbich nʉm khãaijã.

Efesios 2:8

Pãran mag Ẽwandam ajaug khitʉm gaaimuata ʉu Cristo iek ʉkhawi peerdʉwi nʉm; pari mag nʉm chan sĩi pãach khĩrauta peerdʉju ẽkhatarr gaaimua khaba, ich Ẽwandamau ich garmuata pãar peerdʉ aum khõsi arr aawaita ʉu pãar peerdʉ aujim.

Filipenses 1:11

Mag amʉn magan ĩchab ich Jesucristoouta pãrag nem ajapham pom waau khaugpiju. Õrau pãar mag oobaawai amaujã ĩchab Ẽwandamag jeeumamua, “Ʉuta pua am jãg phe wai chirʉm; pʉjom chan chukhum” a iekhaju.

Colosenses 1:10

Irigta pãar kõit jeeujem, chadcha maach Por Cristo denkha nʉm khʉʉnjo pãach nem wau nʉmpierr irua nem khõsimta wau nʉmua dich khapeen dʉi nem ajapha aju ayaamjã waub khaba waumkhĩir; mag nem wau nʉm gaaimua warag ich Ẽwandamjã ajapcha pãachig khap amkhĩir.

Colosenses 1:6

Ich jãg pãachig jaaubaawai pãrau ʉkhatarr iekpaita ĩchab deeum khʉʉn eejã durrpierr aaidʉmam. Mag jaau nʉm ũrwi ʉkhamam khʉʉnjã khapaana paaukhamam dʉi ĩchab õor pooma warr amach khaigba wenʉrraajerr khĩirjug isegwi õor wäjäaunag paaukha thʉnʉm, ich jãg ʉu Ẽwandamau chadcha ich garmua maach khõsi aajem iek jaau nʉm ũrwi pãachdeu ʉkhatarrjo. Pãrau khaphʉ nʉm, mag Ẽwandamau ich garmua maach khõsi aajemʉn chadcharau.

Hebreos 10:36

Mamʉ mag ich Ẽwandamau khõsimjo nem wawaagan, dau aug wau wenʉrrʉmjã magʉm aba, ichiita warag ãwat wenʉrraju aai nʉm. Mag nʉmʉn chadau ichdeu jaau simjo pãar dʉi ajaphanaa ich dʉi ich mag wenʉrrapiju.

Hebreos 2:1

Keena, mag ich chi Iewaata ʉ̃rpai sĩerraawai i iek chi jaau durrum khʉʉnau maachig jaau nʉmta wajapha ũrwi ʉkhaju aai nʉm, eeu magba akhiin sĩi par jʉ̃gʉupai ũurwai ewag mawi warr ʉkhaba naawai aajerrjo sĩi parhoob adukham.

Santiago 1:4

Mamʉ mag prueba ãwat wenʉrrʉmuata ideu Ẽwandamag pãach wajaug paapinaa pãachig khĩirjugjã deepibat, ichdeu khõsimjo nʉisieg.

1 Juan 2:3

Maachta Ẽwandamau nem jaau sim ipierraa nʉmʉn magan chadcha maadeu khaphʉ nʉm, ya maach i denkha nʉm.