San Lucas 8:11 - Wounaan Meu

¹¹ Maimua amag, —Mua pãrag jaaukhimgui ajim anʉm, ich Jesuu. Pãrau pãachig jaaupi nʉmʉn mʉgaugui ajim anʉm: Chi nemjĩir dau wounau phothurtarr, Ẽwandam iek õrag jaau nʉmta jaau simgui ajim anʉm.

Woun Meu

¹¹ Maimua hamag, ’Mua pãrag jaauk'imgui hajim hanʌm, hich Jesuu. Pãrau pãachig jaaupi nʌmʌn mʌgaugui hajim hanʌm: Chi nemjĩir dau wounau p'öt'urtarr, Hẽwandam hiek hõrag jaau nʌmta jaau simgui hajim hanʌm.

San Lucas 8:11 Iomraidhean Croise

San Mateo 13:18

Maimuan chadau ich Jesuu, —Ũrbat, mua pãrag jaaukhimgui ajim, khani jaau sĩ chaig mʉchdeu nemjĩir dau jaau chirarr ag ejemploou.

San Mateo 13:19

Ar mʉg Ẽwandam iek jaau nʉm ũr nʉmjã pod khaugbam khʉʉnan, chi nemjĩir daudam khʉdjã ee burrwia nemchaainau khopʉitarrjota nʉmgui ajim: Meperau beewia, sĩi khũgurbaicheewai, Ẽwandam iek ʉkhatarrdam deeu ũrba arrjo apäaijem.

San Marcos 4:13

Maimua amag, —¿Mʉg nem ĩgkhaadam merag chukhu khitʉmjã pãrau khaugbata nʉ? ajim anʉm. Mʉg phithur khaba simjã khaugba nʉm chan magan deeum nem jaaukhiinjã ¿pãrau jãga khaugjuma? ajim anʉm.

San Lucas 8:12

Maagwai chi nemjĩir dau khʉdjã ee burrmarr, õor Ẽwandam iek sĩi par jʉ̃gʉupai ũurjem khʉʉnaugui ajim anʉm. Amau Ẽwandam iek jaau nʉm ũr nʉm, mamʉ meperau beewia khũgurbaicheewai ũrba arrjo thãar ee Ẽwandam iek chukhu thʉba nʉm, khʉdjã eem nemjĩir dau nemchaainau khopʉitarrjo.

Santiago 1:21

Magua mua pãrag mag chirʉm: Jãg Ẽwandam na parhooba maach ãrpiejem nem pãach gaai sĩsidʉm thum warre isegbapʉit. Magnaan chadau khĩir machag chukhu Ẽwandam iek pãach thãar ee autarrta warag bãaupibat, ũr nʉmua. Jãg iekta nem jua theeg sim, pãar peerdʉ awaag.