San Lucas 7:8 - Wounaan Meu

⁸ I iek iruajã ich gaaita khaphʉ chitʉm aajem, ichjã ĩchab ich pornaan jua eegpai chitaawai. Mag chirab mamʉ, iruajã ĩchab soldaaun ich jua eegar phe wai chirʉm aajem. Makhʉʉnag ãbamʉg khãijã “Pet” aawai maajem aajem, ipierraa. Maimua deeumʉgjã “Pidú” aawai beejem aajem. Maimua ich chogagjã “Mʉgta abá” abaawai i ipierraa aajem aajem. Magua, maupaimua pua i chog monaaupi jaaumʉn, chadcha monaauju irua khaphʉ chirʉm aajem a jaauchejierram aajem, Jesús aig.

Woun Meu

⁸ Hi hiek hiruajã hich gaaita k'ap'ʌ chitʌm haajem, hichjã hĩchab hich pörnaan jua heegpai chitaawai. Mag chirab mamʌ, hiruajã hĩchab soldaaun hich jua heegar p'ë wai chirʌm haajem. Mak'ʌʌnag hãbamʌg k'ãijã “Pet” haawai maajem haajem, hipierraa. Maimua deeumʌgjã “Pidú” haawai bëejem haajem. Maimua hich chogagjã “Mʌgta habá” habaawai hi hipierraa haajem haajem. Magua, maupaimua pua hi chog monaaupi jaaumʌn, chadcha monaauju hirua k'ap'ʌ chirʌm haajem ha jaauchëjierram haajem, Jesús haig.

San Lucas 7:8 Iomraidhean Croise

San Lucas 7:7

Ich mag chirʉm khap, ichcha pʉ aig beeba abarm aajem, pod pʉ dʉi khĩircha iyʉʉ aju khaba aawai. Mamʉ pua khõs akhiin, ich maupaimua ich chog monaaupi naajim. I iek pʉch iiu aawai chadcha monaauju aajem.

San Lucas 7:9

Capitán judío khaba simuata mag iek jaaupʉitarr warm khʉʉnau ichig jaaubaichem ũrbaawai Jesús jʉ̃gderraa aademua ich ẽudee õor pos wenʉrrarr khʉʉnagta, —Keena, pãade oobat. Mʉg maach israelnaan ee mʉg woun denjo ʉkha nʉm chan agtha mua ooba chitʉmgui ajim anʉm.

Hechos 23:17

Magbaawai Pabloou capitán ãb ich aig thʉ̃rnaa magʉg, —Chamʉg woundam comandante aar athaad ajim anʉm. Nau irua ichdeu khap comandanteeg nem ĩgkhaimaju.

Hechos 23:23

Magbaawai chi comandanteeu capitannaan numí thʉ̃rkha auwi amag nem thum khĩir khaugamkhĩir magjim aajem: —Soldaaun sĩi bʉʉupai wetju khʉʉn doscientos jʉr athat; cabaai gaai wetju khʉʉn setenta, maimua soldaaun thutkher panjã ĩchab doscientos jʉr athat ajim anʉm. Makhʉʉn dʉi nau kheutarr khur nʉʉ awi edaram las nuevenaa pãar Cesareaag wetjugui ajim anʉm, Pablo deen.

Hechos 23:26

“Excelentísimo Gobernador Félix, ¿Jãgpai chirʉ́? Mʉ, comandante Claudio Lisiaauta pʉrʉg mʉg ẽsap phã deepʉi chirʉm. Mʉ saluddam deepʉi chirʉm athá.

Hechos 23:31

Maimua chadcha edau kheutarr khur nʉʉ awi ya amach wetju arr ora aadeewai, amachig jaautarrjo soldaaunau Pablo dawag auwi phobor Antipatris anʉmʉg athaadejierram.

Hechos 24:23

Maimua warag chi capitanag Pablo chig apiba jaauwia sĩi oopaar apijim aajem. Mamʉ mag nʉm dʉi ĩchab sĩi preso khaba simjo i khapkhʉʉnagjã ʉdʉraa i oon beepinaa irua nemdam igbarmjã parhooba au deepi jaaujim aajem.

Hechos 25:26

Mag i deepʉiju a chirʉmjã agtha khaugba chirʉmgui ajim anʉm, khan ata maach por emperadorrag mua jaaupʉiju khai, mʉg i preso wai nʉm khap amkhĩir. Mamʉ rey Agripa, pʉʉta rey aawai, pʉrʉgta ʉ̃rcha khap amkhĩir thʉ̃rpʉiwi cha simgui ajim anʉm chi Festoou. Pʉchdeucha ich dʉi iyʉʉ awia wajapha khaphʉ aadeewai mʉrʉg jaaubá ajim anʉm, muajã jãga emperadorrag ẽsap gaai phã deepʉiju aai chirʉ́ a khap aag.

Colosenses 3:22

Ar mʉg jẽb gaai sĩi chikham chogkha nʉm khʉʉn, pãach patronnaanau pãachig nem jaau nʉmpierr am ipierraa abat. Mamʉ mag am ipierraa nʉm chan mag sĩi pãach dʉi aairaa amkhĩir pãach oo naawaipai khaba, am meer awiajã ichiita chadcha nem waum khõsi ich magta abat, maach Por Cristo dau na nem khaigba wauju okho.