San Lucas 7:48 - Wounaan Meu

⁴⁸ Maimua jũrr chi ʉʉiragta oonaa, —Pʉ khaibag thum chugpaa sĩsimgui ajim anʉm.

Woun Meu

⁴⁸ Maimua jũrr chi hʌʌiragta hoonaa, —Pʌ k'aibag t'um chugpaa sĩsimgui hajim hanʌm.

San Lucas 7:48 Iomraidhean Croise

San Mateo 9:2

Mag i barbaichem khaug athaawai woun ãb sĩi khapá jʉser khitʉmta pa bʉʉrkham gaai i aig aibeejierram aajem. Mag ich aig aaunaan wai barbaichem oowia, chi wounaan o akhaar ãba iruata amach aaunaan monaaupʉiju khaphʉ sĩerr aawai, chi khapá jʉser khitʉmʉgta, —Onee abá, pʉ pekau ya thum chugpaa sĩsimgui ajim anʉm.

San Mateo 9:5

¿Wa mag pekau chugpaabarmjã dau daau ooba naawai pãrau khĩirjuawai chadcha phithurg chukhu thumaam khʉʉnau mag iekhaju aai nʉm a nʉwa? Chadcha thumaam khʉʉnau mag iekhaju aaima. Mamʉ mua irig “Phiidʉwi dʉrdʉr abá” akhiin, õrau amach daúacha ooju, i monaau sĩsi wa monaauba khãijã ich mag sĩsim. Magua pãrau cha mua jawaagpamjo chan abaju.

San Marcos 2:5

Jesuu amau mag khĩirju nʉmjã khaphʉ sĩerr aawai chi khapá jʉser khitʉmʉgta, —Pʉ pekau thum ya mua chugpaabapʉimgui ajim anʉm.

San Marcos 2:9

¿Wa mag pekau chugpaabarmjã dau daau ooba naawai pãrau khĩirjuawai chadcha phithurg chukhu thumaam khʉʉnau mag iekhaju aai nʉm a nʉwa? Mamʉ mua irig, “Phiidʉwia pʉch pa bʉʉrkham ãbamʉg phe auwia petá” akhiin, õrau amach daúacha ooju, i monaau sĩsi wa monaauba khãijã ich mag sĩsim. Magua pãrau mʉ denjo chan cha mua jawaagpamjo abajugui ajim anʉm.

San Lucas 5:20

Mag ich aig wai burrbaichem oobaawai, irua chi wounaan o akhaar ãba iruata amach aaunaan monaaupʉiju khĩirju nʉm khaphʉ sĩerr aawai, chi khapá jʉser khitʉmʉgta, —Pʉ pekau thum ya chugpaa sĩsimgui ajim anʉm.

San Lucas 5:23

¿Wa mag pekau chugpaabarmjã dau daau ooba naawai pãrau khĩirjuawai chadcha phithurg chukhu thumaam khʉʉnau mag iekhaju aai nʉm a nʉwa? Chadcha thumaam khʉʉnau mag iekhaju aaima. Mamʉ mua irig “Phiidʉwi dʉrdʉr abá” akhiin, õrau amach daúacha ooju, i monaau sĩsi wa monaauba khãijã ich mag sĩsim. Magua pãrau mʉ denjo chan cha mua jawaagpamjo abajugui ajim anʉm.

San Lucas 7:47

Ĩs mʉgbarm pʉde khĩirjubarí ajim anʉm, chi Simonag. Mʉg ʉʉirau mʉ dʉi mʉgbaichemʉn ich pekau pooma sĩerr thum chugpaabapʉim jũrrta “Ʉu ajim” a sim khabahab. Chi pekaujã bʉ̃rʉʉm khaba arr aawai ichdeu agjo dʉrrcha mʉ kha khõsi ʉm a sim khabahab ajim anʉm, jãg sim aig. Ich jãgta sĩebahab cha mua pʉrʉg nem ĩgkha chirʉmjã. Ãbmua khãijã ichig debpaar paar nʉm khʉʉnag tag phagpiba perdonaamʉn, chi debpaar poomacha sĩerr garmua ʉ̃rʉʉcha i daupii aju. Maagwai bʉ̃rʉʉpai paraa sĩerrau i daupii ajup mamʉ, warm denjocha khabaju. Magua ich perdonaatarrpierrpai sĩi irig “Ʉu ajim” ajugui ajim anʉm.