San Lucas 7:43 - Wounaan Meu

⁴³ Magbaawai Simonau, —Mua oowain chi phatkhon dʉrrcha paraa sĩerraujoo simgui ajim anʉm. Magbaawai Jesuu jũrr irig, —Simón, maiguin chadcha pua ag eyaa jaaubarmgui ajim anʉm.

Woun Meu

⁴³ Magbaawai Simonau, —Mua hoowain chi p'atk'on dʌ̈rrcha paraa sĩerraujöo simgui hajim hanʌm. Magbaawai Jesuu jũrr hirig, —Simón, maiguin chadcha pua hag heyaa jaaubarmgui hajim hanʌm.

San Lucas 7:43 Iomraidhean Croise

San Mateo 18:27

Pari mag ichig chaigpa jochkherʉm oobaawai, chi reíu i dau aug khaugwi, mag debpaar pom sĩerrjã tag ichig phagpiba, sĩi warag khĩir okhoopi jaaunaa, phãarju arrjã phãarba, sĩi ʉu mapijim aajem.

San Marcos 12:34

Jesuu oowai mag wounau chadcha agcha ich iek ʉkhabaawai irig, —Pʉʉn pom waaurba chirʉmgui ajim anʉm, Ẽwandamta pʉch Porkhapieg. Bigaaum khʉʉnau mag oobaawai ãbmuajã tag irig jeeubajierram aajem.

San Lucas 10:38

Maigmua igbaadeeu ich khapeen dʉi ãba mamua deeum phobordam pom khaba khitʉm ee barwia ʉʉi ãb Marta anʉm di aig jẽerimajim aajem.

San Lucas 7:42

Mamʉ amau phagpʉyaag chukhu narr aawai, “Ideu mua sĩi ich jãg okhoopikhim; oob mʉrʉg phagmiet” ajim anʉm, chi morkhʉʉu. Mag jaauwia Simonag, —¿Chijãgua pua khĩirjuawai ʉ̃rcha i daupii aju khai? a jeeujim aajem.

San Lucas 7:44

Magnaa chi ʉʉirag eerpanaa Simonag magjim aajem: —Simón, ¿pua mʉg ʉʉi oo chirabá? Pʉde khĩirjubarí. Pʉ di aig mʉ barcheewai pua mʉrʉg dodamjã joi deebajimgui ajim anʉm, mʉ bʉ sũgamkhĩir. Mag khãyau mʉg ʉʉirau ich dauchooupai mʉ bʉ ompʉiwia ich porbʉʉupai deeu jãrbapʉim.

San Lucas 7:47

Ĩs mʉgbarm pʉde khĩirjubarí ajim anʉm, chi Simonag. Mʉg ʉʉirau mʉ dʉi mʉgbaichemʉn ich pekau pooma sĩerr thum chugpaabapʉim jũrrta “Ʉu ajim” a sim khabahab. Chi pekaujã bʉ̃rʉʉm khaba arr aawai ichdeu agjo dʉrrcha mʉ kha khõsi ʉm a sim khabahab ajim anʉm, jãg sim aig. Ich jãgta sĩebahab cha mua pʉrʉg nem ĩgkha chirʉmjã. Ãbmua khãijã ichig debpaar paar nʉm khʉʉnag tag phagpiba perdonaamʉn, chi debpaar poomacha sĩerr garmua ʉ̃rʉʉcha i daupii aju. Maagwai bʉ̃rʉʉpai paraa sĩerrau i daupii ajup mamʉ, warm denjocha khabaju. Magua ich perdonaatarrpierrpai sĩi irig “Ʉu ajim” ajugui ajim anʉm.