San Lucas 7:42 - Wounaan Meu

⁴² Mamʉ amau phagpʉyaag chukhu narr aawai, “Ideu mua sĩi ich jãg okhoopikhim; oob mʉrʉg phagmiet” ajim anʉm, chi morkhʉʉu. Mag jaauwia Simonag, —¿Chijãgua pua khĩirjuawai ʉ̃rcha i daupii aju khai? a jeeujim aajem.

Woun Meu

⁴² Mamʌ hamau p'agpʌ̈yaag chuk'u narr haawai, “Hidëu mua sĩi hich jãg hok'oopik'im; hoob mʌrʌg p'agmiet” hajim hanʌm, chi mork'ʌʌu. Mag jaauwia Simonag, —¿Chijãgua pua k'ĩirjuawai hʌ̃rcha hi daupii haju k'ai? ha jëeujim haajem.

San Lucas 7:42 Iomraidhean Croise

San Mateo 18:27

Pari mag ichig chaigpa jochkherʉm oobaawai, chi reíu i dau aug khaugwi, mag debpaar pom sĩerrjã tag ichig phagpiba, sĩi warag khĩir okhoopi jaaunaa, phãarju arrjã phãarba, sĩi ʉu mapijim aajem.

San Mateo 18:34

Mag, warag chi rey meeukhabaadewi mag debpaar sĩi khĩir okhoopiju atarrta deeu eeupemjo thumaa phagpi jaaujim anaabá.

San Mateo 6:12

Ẽwandam, maar pekau thum chugpaabapʉi, maimua ar marau maach dʉi khaigba abarm khʉʉn dʉi tag magʉm iek igba ich mag khĩir okhoopäaijemjo, maar denjã khĩir okhoobapʉi.

San Lucas 7:43

Magbaawai Simonau, —Mua oowain chi phatkhon dʉrrcha paraa sĩerraujoo simgui ajim anʉm. Magbaawai Jesuu jũrr irig, —Simón, maiguin chadcha pua ag eyaa jaaubarmgui ajim anʉm.

Romanos 3:24

Mag Ẽwandam warpta wenʉrrʉmjo naab mamʉ, í thumaam khʉʉn dʉi wajapha khitaawai mag dichdeu nem ajapha wau nʉm paarjã khaba, ich garmuata mag maach i dʉi iekkhõr pom narrjã igba, Jesucristo gaaimua maach pekau chugpaawia iekkhõr chukhu sĩi ich dʉi dau parii apiejem.

Romanos 5:6

Dich juapadamaupai chan pod dich pekau eemua oberaagjã jua theeg chukhu narrta, mag i oob khaba ooju khap amkhĩirta Cristo beewia maach thumaam khʉʉn kõit meechejim, magbarmua maach chi khaigbam khʉʉn peerdʉ awaag.

Gálatas 3:10

Pari magba ar Moiseeu ley phã pʉatarr ʉʉrkha nʉmuata amach peerdʉju awi ãba aata ig nʉm khʉʉnan, ya Ẽwandamau khaibag waujuuta nʉm, mag leíu jaau sim thum pod ʉʉrkha auba nʉmta ãba aata ig naawai. Ẽwandamau ichdeu ley deetarr gaai jaauwai, mag leita ʉʉrkhaju khai warre thumaata ʉʉrkhapi sim; magbamʉn ichiita i jua ãwatab khaba ãwatju a phã sim.

Efesios 1:7

Maach pekau gaaimua Ẽwandam dʉi iekkhõr pom narrta, sĩi khajapham debpaar phag nʉmjo Jesucristoouta maach daupigau ich bagau maach phag athaawai, ʉu Ẽwandamau maach khaibagjã chugpaawi warre magʉm khĩir okhoopʉijim.

Efesios 4:32

O ajaphata aajeethʉ̃ pãach khapeen dʉi, agdaujo chikham dau aug khaug paraa. Iwiir ãbam garmua khãijã khaigba aawai, magʉm iekjã tag igba, sĩi khĩir okhoopʉpʉi abat, ich jãg Ẽwandamaujã Cristo gaaimua maach khaibag chugpaapʉiwia ich mag khĩir okhoopʉitarrjo.

Colosenses 3:13

Mag agdaujo ãwaat khaphʉnaa iwiir ãb khãijã bibigag paraa sim khai, agdaujo perdonaawi magʉm iek tag igba warre khĩir okhoobapʉit. Ich jãg maach Por Cristooujã maach perdonaatarrjo, pãachdeujã agjo pãach khapeen perdonaabat.