San Lucas 7:39 - Wounaan Meu

³⁹ Chi Jesús thʉ̃rpʉitarr wounau mag oobaawai ich odegpai, “Mʉg woun chadcha Ẽwandam i jaaumie chaar akhiin, irua warre khaug aukhamgui ajim anʉm, khanim ʉʉirauta jãg ich bʉ gaai pʉrbaiche. Majã pekau pooma simua ich gaai pʉr simta bʉ̃ʉrjã khaugba simgui” ajim anʉm ich odegpai.

Woun Meu

³⁹ Chi Jesús t'ʌ̃rpʌ̈itarr wounau mag hoobaawai hich hödegpai, “Mʌg woun chadcha Hẽwandam hi jaaumie chaar hak'iin, hirua warre k'aug hauk'amgui hajim hanʌm, k'anim hʌʌirauta jãg hich bʌ̈ gaai pʌrbaichë. Majã pekau pöoma simua hich gaai pʌr simta bʌ̃ʌrjã k'augba simgui” hajim hanʌm hich hödegpai.

San Lucas 7:39 Iomraidhean Croise

San Mateo 20:16

Mag nem ĩgkhaadam jaauwi ich Jesuupai, —Ich jãgta ajugui ajim ĩchab mʉg atagjã. Ẽudeecha phidag ee dubtarr khʉʉnagta nacha dubtarr khʉʉnag phagtarrjo, ẽudeecha mʉch iek ʉkhatarr khʉʉnagjã nacha ʉkhatarr khʉʉnagamjo agdaujo nem deemaju. Maiguin Ẽwandam athee pom nem wauba arr khʉʉnagjã warm khʉʉnagamjo phagmajugui ajim.

San Mateo 21:11

Magbaawai mag i dʉi õor pom wenʉrrʉm khʉʉnau, —Ẽwandam i jaaumie Jesús khabahab aajeejim, Galilea durr Nazaret phobor ee bãautarr.

San Marcos 7:21

¿Khan jãgwia mag sĩ? Thãar eeta magʉm khĩirjugjã thum ompaa auwia mammuata dawag ober thʉnaawaima ajim anʉm. Mammuata ober thʉnʉm: dich ʉʉi khabam dʉi khapes aju khĩirjug, nem jĩgkhaju khĩirjug, maimua õor thõoju khĩirjug.

San Lucas 12:17

Magbaawai khĩirju oo sĩi awia ich wir aigpai, “¿Mua jãgata abarkhiina?” ajim anʉm, “ya mʉg mʉ nem ãkhaajem dijã phẽu thʉnʉm.”

San Lucas 15:2

Magbaawai chi ajapha Ẽwandamau Moiseeg iek phãpitarr ʉʉrkhaajem khʉʉn, maimua ag iek jawaag athee chi machnaan dʉimua Jesús igwia, —I den mʉg wounau chan pekau pom sĩsidʉm khʉʉn awiajã isegba ich jãg warag am dʉi thach kho nʉrraajem anaajim aajem.

San Lucas 16:3

Magbaawai chi rik nem thʉa chirarr wounau khĩirju sĩi awia, ich odegpai, “¿Nau mʉ jãga ajuutaa mʉgbaadema?” ajim anʉm, “mʉg mʉ patronaujã mʉ jʉrbaadem. Sirphʉg ee thuthui dʉi phidkhaju serbiiba chirʉm. Parhooba sĩi atcha kaaijã ee nem jeeu chitaagjã khaba chirʉm” ajim anʉm ichdeupai ichig.

San Lucas 18:4

Mag khoopaa ũan dau aphʉʉ ich aig udkhʉrrkhakhakhamjã bʉ̃ʉrjã i iek asekasmapha sĩi awia khãai ãb magjim aajem: “Mua chadcha Ẽwandam igbanaa mʉch khapeenjã ogkhaba chitab mamʉ,

San Lucas 3:8

Sĩi pãach por choopi nʉmuapai chan irua pãar aubam. Ẽwandam jua machgau dau aphʉʉ amapha nʉm khai, pãach khaibag thumaa ãsie ewag khĩirjuwia, Ẽwandamag isegpi jeeuwia, chadcha Ẽwandam iek ʉkhaajem khʉʉnjo abat ajim anʉm, pãach khapeen dʉijã. Oob pãrau chikhamnaan denjo, pãachjã warrgar pãach jooi Abrán khararrjo Ẽwandam dʉi khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet. Sĩi mag Abrán chaainkha nʉm gaaimuapaita mag ʉ̃gthar obeerjem akhiin, mokdau mʉg thʉnʉmjã Ẽwandamau õrag paapʉiwia makhʉʉnjã ĩchab Abrán chaainau aju aai sim. Abrán chaai chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jeeubat ajim anʉm.

San Lucas 7:16

Magbaawai thumaam khʉʉn jãphierr nʉm iekhau Ẽwandamag jeeumamua, “Chadcha Ẽwandam, ʉu pua maar eeg oo chirʉm. Ʉu pua jãg chaai chi meem arr phiriu atham” ajierram anʉm. Magnaa ĩchab amach wir aigpai, “Keena, ĩsin chadchata maach ee jooingarmjo Ẽwandam i jaaumie sĩeichechem” khajierram aajem.

San Lucas 7:37

Maagwai ag phobor ee sĩejim aajem, kachaloo ʉʉi ãb parhoobam emkhooin dʉi sĩerrarr. Mag ʉʉirau Jesús Simón di aig thach kho sim khaug athaawai jʉ̃gdee didam durrkhudau alabastro anʉm den boteedidam wau khitʉm dʉi beejim aajem i aig.

San Lucas 7:38

Mag beewia i eugarmua i bʉkhʉrr phõbkhachewia bĩemamua i bʉ ʉ̃r ich daucho theutkhamam ich porbʉʉupai jãrpʉimajim anʉm. Magnaa i bʉ ʉ̃ʉ au, ʉ̃ʉ aunaa, jʉ̃gdeeu choomajim anaabá, i bʉ gaai.

San Lucas 7:40

Magbaawai Jesuu chi Simonag, —Simón, pʉde mʉ iek ũrbarí ajim anʉm. Magbaawai jũrr chi Simonau Jesuug, —Maestro, magan mʉrʉg jaaubarim ¿khan agá? ajim anʉm.

San Juan 4:19

Mag ich obeerbapʉim ũrbaawaita irig, —Mua oowai pʉjã dau bʉ̃ʉmjota simgui ajim anʉm, mʉ mag ʉrrʉm khap aag.

San Juan 7:12

Mag nʉm dʉi ĩchab sĩi bigaaum khʉʉnaujã i igwia, “Jãg wounan ãba nem wajaphampaita wau khitaajem” a iyʉʉ aawai, jũrr ãaur khʉʉnau, “Ʉ̃hʉ̃, ¿jãga õor wajapham abarju jãg sĩi õor khũgur nʉrraajem?” aajeejim aajem jũrram khʉʉnau.

San Juan 9:24

Magbaawai i iek chi thethemnaanau deeu ichchata thʉ̃r aunaa, —Chadcha Ẽwandam dakhĩir meerba marag jaaubá ajierram anʉm. Oob Jesuuta pʉch monaaujim am. Marau khaphʉ nʉmgui ajierram anʉm, jãan pekau pom sĩerrʉm.