Biblia Todo Logo
Bìoball air-loidhne

- Sanasan -




San Lucas 7:37 - Wounaan Meu

37 Maagwai ag phobor ee sĩejim aajem, kachaloo ʉʉi ãb parhoobam emkhooin dʉi sĩerrarr. Mag ʉʉirau Jesús Simón di aig thach kho sim khaug athaawai jʉ̃gdee didam durrkhudau alabastro anʉm den boteedidam wau khitʉm dʉi beejim aajem i aig.

Faic an caibideil Dèan lethbhreac

Woun Meu

37 Maagwai hag p'öbör hee sĩejim haajem, kachaloo hʌʌi hãb parhoobam hemk'ooin dʌ̈i sĩerrarr. Mag hʌʌirau Jesús Simón di haig t'ach k'ö sim k'aug hat'aawai jʌ̃gdee didam durrk'udau alabastro hanʌm dën boteedidam wau k'itʌm dʌ̈i bëejim haajem hi haig.

Faic an caibideil Dèan lethbhreac




San Lucas 7:37
18 Iomraidhean Croise  

Mag nem ĩgkhaadam jaauwia, aig ũr narr khʉʉnag jũrr, —¿Chijãgua pãrau oowai ich ayau khõsi sĩerrjo i ipierraa ajĩ? a jeeujim ich Jesuu. Magbaa, —Chi iewaa chi jooirau ajierram, chi cuento ũr narr khʉʉnau. Magbaa deeu ich Jesuupai iekhakhagmamua, —Roma durram gobierno athee debpaar jeeujem khʉʉn chi khaigbam khʉʉnta ʉʉin amach durpa theegau parhooba sĩerrjeem khʉʉn dʉi pãar khãai ʉ̃gtharcha oberjugui ajim.


Maagwai jũrr chi gobiernoog paar nʉm khʉʉnag jeeujemdam ich appai ag warphaa oothẽu kherʉmua agjo Ẽwandamag jeeu sĩejim aajem. Mamʉ maan, jũrr ichdeupaijã ich pekau pom khitʉm khaphʉ sĩerr aawai, gaai machgau warag eeg ʉ̃thʉnaa por jõjõikhamuata maagjeejim anʉm Ẽwandamag: “Ẽwandam, mʉch chadcha pekau pom chitʉm khap, pʉrʉg jeeu chirʉm; mʉ ap chitʉm mʉ eeg oobá” aajeejim anʉm.


Mamʉ chi dʉi wenʉrrarr khʉʉnau oowai, Jesús Zaqueo degta jẽerimaag waaidʉbaadem oobaawai, thumaam khʉʉnau, —Keena, pãade oobat. Jesuun, pekau pooma sim degta waaidʉbaademwai anaajim anʉm.


Mamʉ magbaawai chi ajapcha Moiseeu Ẽwandam iek phã pʉatarr ʉʉrkhaajem khʉʉnau Ẽwandam iek athee chi machnaan dʉimua Jesús khapeenagta, —¿Khan jãgwiata pãar jãg gobierno debpaar jeeujem khʉʉn dʉi pekau pom sĩsidʉm khʉʉnpa ãba thach kho nʉma? a jeeujierram anʉm.


Mʉ chan bʉ̃ʉrjã pekau chukhu ajappha khitheem aajem khʉʉn jʉraanjã beeba, mʉʉn õor pekau pooma khitheem khʉʉn peerdʉ awaanta beejimgui ajim anʉm, khĩirjug iiur aumkhĩir. Maguata mag am pekau pom nʉmjã igba, am dʉi mʉ thach kho chirabahab ajim anʉm, amjã Ẽwandam denkha awaag.


Mamʉ ĩs mʉch chi Emkhooi Iewaa chaar beewia pãach dʉi parhooba thachdam khonaa vinodamjã do khitaawai jũrr magjã khõchkhaba, warag pãrau mʉ eugar thach bipom khonaa vino pigjã chitʉm aajem. Magnaa gobierno debpaar jeeu nʉmua õor khũguurjem khʉʉn dʉijã khapeerkhanaa pekau pom sĩsidʉm khʉʉn dʉipa khapeerkha chitʉm a iekhaajerramgui ajim anʉm, mʉjã iseg nʉm iekhau.


Biek ãb chi ajapcha Moiseeu Ẽwandam iek phã pʉatarr ʉʉrkhaajem khʉʉn eem woun ãb Simón anʉmua Jesús ich dʉi ãba thach khomkhĩir ich di aar eeurrjim aajem. Magbaawai chadcha mag woun di aig beewia, ich atheem thoi kherʉm aig jupwia, dijã ee ãba phʉʉr khophobaadejim aajem.


Ich mag Lázaro ʉ̃phʉi Mariaau ajim, maach Por Jesús bʉ ʉ̃r jʉ̃gdeeu choonaa ich porbʉʉupai jʉʉupʉitarr.


Magbaawai i iek chi thethemnaanau deeu ichchata thʉ̃r aunaa, —Chadcha Ẽwandam dakhĩir meerba marag jaaubá ajierram anʉm. Oob Jesuuta pʉch monaaujim am. Marau khaphʉ nʉmgui ajierram anʉm, jãan pekau pom sĩerrʉm.


Maadeu khaphʉ nʉmgui ajim anʉm, sĩi parhooba pekau pomkham khʉʉn iek Ẽwandamau ũrba aajem. Irua ũurjemʉn, ichig jeeunaa ich ipierraa nem wau nʉm khʉʉn iekta ũurjem.


Pari Ẽwandamau magbajim maach dʉi. Maach pekau pom nʉm ãba, Cristo pʉijim maach kõit thõmkhĩir. Mag pʉibarmuata irua ich garmua chadcha maach khõsi sim khap apijim.


Dich in iekhõoin thumaam khʉʉnau khaphʉ aju aai nʉm: “Jesucristo mʉg jẽb gaai beewain pekau paraam khʉʉn peerdʉ awaanta beejim.” Ma chan seukhaawaijã khabam. Warran mʉʉn mʉchta ʉ̃rcha pekau pom chitajim, tagam khʉʉn khãaijã.


¿Pãrau khĩirjuawai nem ajapha waaujem khʉʉnag tag nem waupiba aagta Moiseeu mag ley phã pʉajĩ? Mag khabam. Moiseeu mag Ẽwandam ley phã pʉatarran, ar nem jaau nʉmjã ũrba warag chaaur ʉkha ʉkha sĩerrjeem khʉʉn atheyau: nem khaibag sĩi pekau waujupai khĩirjuajem khʉʉn athee; ar Ẽwandam ogkhabanaa i iekjã ʉkhaba, warag i wau iekhaajem khʉʉn athee; ar amach dennaanjã wir aig thõojem khʉʉn athee; maimua ar thum chikham juau thõojem khʉʉn atheeta phã pʉajim.


Ẽwandamau õor dʉi magju igwi, ãbmua i iek phã sim gaai, “Mag chi ajapha ʉkha sim wounjã ajap phithurg auwiata ʉu peerdʉ sim khai, magan ¿jãga peerdʉagáwa” ajim, “ar bʉ̃ʉrjã maach Por Ẽwandam ipierraa khaba nʉm gaaimua amach pekau ee mee nʉm khʉʉn?” (Pr. 11:31)


Lean sinn:

Sanasan


Sanasan