San Lucas 7:25 - Wounaan Meu

²⁵ Magan ¿khanim wounta oon wetjierráma? ¿Woun khajũa ajappha jũa simta oojupii awia oon wetjierrá? Pãrau khaphʉ nʉmgui ajim anʉm, khajũa ajapha jũanaa thach biwaa khoojem khʉʉnan sĩi phobor ee di ooimʉm eeta naajem, reinaan dʉi ãba.

Woun Meu

²⁵ Magan ¿k'anim wounta hoon wëtjierráma? ¿Woun k'ajũa hajapp'a jũa simta hoojupii hawia hoon wëtjierrá? Pãrau k'ap'ʌ nʌmgui hajim hanʌm, k'ajũa hajap'a jũanaa t'ach biwaa k'oojem k'ʌʌnan sĩi p'öbör hee di hooimʌm heeta naajem, reinaan dʌ̈i hãba.

San Lucas 7:25 Iomraidhean Croise

San Mateo 11:8

Magan, ¿khanim wounta oon wetjĩma? ajim anʉm amag. ¿Woun khajũa wajapha jũa simta oojupii awi oon wetjierrá? Pãrau khaphʉ nʉmgui ajim anʉm, khajũa wajapha jũajem khʉʉnan sĩi phobor ee di ooimʉm eeta naajem, reinaan dʉi ãba.

San Mateo 3:4

Ich chi Juan khajũa camello khaar denta kha sĩejim aajem; maagwai i ãi jʉ̃ajemjã nemheu den ajim aajem. Ichin pabʉ ee asphitjo sim langosta anʉmta pa miel dʉi kho nʉrrʉm iiuta sĩejeejim aajem, tag deeum nem khoojem chukhu aawai.

San Mateo 6:29

Mag naab mamʉ õor ãbmuajã am dʉi barba aajem, ooimʉg athee. Warrgar rey Salomón khararraujã phatkhon pom paraanaa nem wajapham pom paraa aajerraujã pamaardam ooimʉgjo chan pod khajũa jũaba aajeejimgui ajim anʉm.

San Lucas 16:19

Maimua ĩchab mʉg nem ĩgkhaadam jaaujim aajem Jesuu: —Woun ãb sĩejim aajem, rik. Maan sĩi khajũa parhẽpagkham apphata jũajeejim aajem. Maimua mag nʉm dʉi ed eepierr sĩi nemkhoo jaramjota thachjã wau khoojeejim aajem.

San Lucas 7:24

Maimua chi Juanau chogpʉitarr khʉʉn ereu phobaadeewai chi Juan igwiata Jesuu õrag magjim anʉm: —Pãrau Jordán igaau woun õrag Ẽwandam i jaau nʉrrʉm oon weetwai, ¿sĩi woun iek theeg chukhu phũu choomaar sõsõii jũurba ahau aajemjokhamta oon wetjierrá? Magʉm woun khabajimgui ajim anʉm.

San Lucas 7:26

Mamʉ pãrau magjomta ooimabajierram. Pãrau ooimatarran woun ãb Ẽwandam i jaau nʉrrʉm ajim. Mamʉ mua pãrag jaaukhimgui ajim anʉm: Juan chan warrgar Ẽwandam i jaaujerr khʉʉnjopai khaba, am khãyaujã ʉ̃rʉʉchata sim.