San Lucas 7:2 - Wounaan Meu

² Mag Capernaum phobor ee capitán ãb sĩejim aajem, soldaaun por. Mag capitán chog ãb irua ʉ̃rcha daupii aajerrta mor mas parhba tag ãwatbajujo thʉnaajim anaabá.

Woun Meu

² Mag Capernaum p'öbör hee capitán hãb sĩejim haajem, soldaaun pör. Mag capitán chog hãb hirua hʌ̃rcha daupii haajerrta mor mas parhba tag hãwatbajujö t'ʌnaajim hanaabá.

San Lucas 7:2 Iomraidhean Croise

San Mateo 27:54

Magbaawaita capitán soldaaun dʉi Jesús pakuls gaai jiir wejom eegar narr khʉʉnau mag ʉʉur theeg duuibaadem ee, mamagkham oophobaadee jãphierr nʉm iekhau warag, —Mʉg wounan chadchata Ẽwandam Iewaa ajim ajierram.

San Lucas 23:47

Magbaawai capitán Romapierr aig sĩerrau ichdeu mag oobaawai, —Chadchata jãgan mʉg wounan chi ajapham ajimgui ajim anʉm, Ẽwandam na.

San Lucas 7:1

Mag õor pom wejorrag iek jaau o dichtarr khur Capernaum phoborog petajim aajem.

San Lucas 7:3

Mag nʉm ee chi capitanau ũurwai Jesuu õor monaau nʉrrʉm a ũrbaadeewai, judionaan ee jooin chi thethem khʉʉn jʉrwia pʉijim aajem Jesús aar, makhʉʉnau chi Jesuug chaigpa phobaadeewai ich chog monaaupäain ich di aar mamkhĩir.

Hechos 10:1

Phobor Cesarea anʉm ee woun ãb sĩejim aajem, Cornelio a thʉ̃r sim. Mag Corneliota soldaaun Italiapien eem chi capitán ajim aajem.

Hechos 10:7

Chi Ẽwandam chog mag ich aig iekha dʉnaawi petaawai Cornelioou chadcha ich deg phidkhaajerr khʉʉn numí thʉ̃rkha auwia, ĩchab soldaaun ãb ichjo Ẽwandam iek ʉkhanaa ich juag oojerr thʉ̃r aujim aajem, arag thãrjup.

Hechos 22:26

Pabloou ichig magbaawai chi capitanau ag bʉrre mawia jũrr chi comandanteeg jaaujim anʉm: —Comandante, Pabloou ichdeu jaauwai i mag Romapierr anʉmta, ¿pua i wʉpi jaau chirʉ́?

Hechos 23:17

Magbaawai Pabloou capitán ãb ich aig thʉ̃rnaa magʉg, —Chamʉg woundam comandante aar athaad ajim anʉm. Nau irua ichdeu khap comandanteeg nem ĩgkhaimaju.

Hechos 27:1

Mag emperador aarchata Pabloou ich deepʉipi jaautarr aawai chadcha Italia durr Roma phoborog deepʉiju aphobaadejim aajem, mamta chi emperador sĩejerr aawai. Mag Pablo deepʉyaagpaawai soldaaun Augusto den anʉm eem capitán ãb Julio anʉmʉg jaaujim aajem, magua Pablo tagam presonaanpa ãba phe arramkhĩir. Mag i deepʉi nʉm dʉi mʉjã i daumaai majim.

Hechos 27:3

Maigmua mag maar ereubaadeeu ag noram phobor Sidón anʉm barjim. Mam pabaimaa capitán Julioou bʉ̃ʉrjã Pablo chig aba, warag ich paarmua ʉdʉraa ich khapkhʉʉn aar mapinaa amau nem dee nʉmjã isegba aupiejeejim.

Hechos 27:43

Mamʉ amau magbaawai chi capitán Julioou Pablo peerdʉ aum khõsi sĩerr aawai amag ʉdʉʉr presonaan khechpiba, sĩi warag chi iparaam khʉʉnag do ee dʉrbagkhapi jaaujim, amachta nacha do igaau phẽeubagkhawi durrag waaidʉtkhamkhĩir.

Colosenses 3:22

Ar mʉg jẽb gaai sĩi chikham chogkha nʉm khʉʉn, pãach patronnaanau pãachig nem jaau nʉmpierr am ipierraa abat. Mamʉ mag am ipierraa nʉm chan mag sĩi pãach dʉi aairaa amkhĩir pãach oo naawaipai khaba, am meer awiajã ichiita chadcha nem waum khõsi ich magta abat, maach Por Cristo dau na nem khaigba wauju okho.