San Lucas 7:17 - Wounaan Meu

¹⁷ Mag Jesuu chaai phiriu autarr Judea durr thumaam khʉʉnau khakhapdo aphobaadeewai ichta warag thʉ̃rphoo sĩsijim anaabá.

Woun Meu

¹⁷ Mag Jesuu chaai p'iriu hautarr Judea durr t'umaam k'ʌʌnau k'ak'apdö hap'öbaadeewai hichta warag t'ʌ̃rp'öo sĩsijim hanaabá.

San Lucas 7:17 Iomraidhean Croise

San Mateo 2:1

Mag Jesús thaabaawai phobordam Belén anʉm eeta thaabajim aajem, Judea durr. Mag jaar Erodeeta mag Judea durr reikha sĩejim aajem. Ich mag jaar ĩchab khĩirjug khaug athee chi machnaan magonaan anʉm khʉʉn edau obeerjem bi garmua beejierram aajem, Jerusalén phoborog. Makhʉʉn, edjã eem phĩdagta estudiejem khʉʉn ajim aajem.

San Mateo 4:24

Siria durram magwe Jesús mag nʉrrʉmʉn bĩi wejorr aawai, õor khamor machag khĩirpierram khʉʉnta i aig waibeejeejim anaabá: sĩi khajapham khamor machag paraam khʉʉn, kha mamachdog paraam khʉʉn, dosãt ben paraam khʉʉn, por benmie paraam khʉʉn maimua bʉ wa jua khãijã jʉserm khʉʉnpa waibeemamʉn, Jesuu monaaupʉi maajeejim anaabá.

San Mateo 9:26

Mag irua chaai phiriu autarran ich ag durr ee warpham magweta bĩi joisijim.

San Mateo 9:31

Pari magtarrta, sĩi aigmua ober phobaadewi ich mag durr eepain amach wenʉrrʉmpierr jaaumajierram anaabá, jãga Jesuu am dau monaaujĩ.

San Marcos 1:28

Jesuu mag woun mor eem mepeer jʉrbapʉim jopchata Galilea durr ee maimua ag bigaau phobordam nʉnʉidʉm eem magwe khakhapdo joisijim aajem.

San Marcos 6:14

Jesuu mag õor mor masim khʉʉn pom monaau nʉrrʉm gaaimua sĩi õor ee thʉ̃rphoo sĩejim aajem. Mag nʉm ee Rey Erodeeu ũr athajim anʉm, irua nem wau nʉrrʉm. Mag ichdeu ũr athaawai Jesuuta Juanpii awi, “Maan Juan õor por choomie khararrta deeu iiu phiidʉwia mag nʉrrʉm; maguata mag õor mor masim khʉʉnpa monaau nʉrrabahab” aajeejim anʉm.

San Lucas 4:14

Jesús agtha Ẽwandam Akhaar ich gaai phẽs wai sim majim aajem deeu Galilea durr, ich berrag. Mag barwia judionaan Ẽwandam iek jaaujem di sĩsidʉmpierr jaaujeejim aajem. Maagwai durr chaauram khʉʉnaupa irua jaau nʉrrʉm khakhapdo aphobaadeewai thumaam khʉʉnau i igar nʉmua, “Ʉuta mag jaau nʉrrabahab” aajeejim aajem.

San Lucas 7:14

Magnaa warag aig beewia chi binaan arrum pa gaai pʉrbaicheewai chi arrmaa arr khʉʉn dʉnʉisijierram aajem. Magbaawai chi binaan ẽwan sĩerrag, —Mʉ iekhau phiidʉbaad ajim anʉm.