San Lucas 7:16 - Wounaan Meu

¹⁶ Magbaawai thumaam khʉʉn jãphierr nʉm iekhau Ẽwandamag jeeumamua, “Chadcha Ẽwandam, ʉu pua maar eeg oo chirʉm. Ʉu pua jãg chaai chi meem arr phiriu atham” ajierram anʉm. Magnaa ĩchab amach wir aigpai, “Keena, ĩsin chadchata maach ee jooingarmjo Ẽwandam i jaaumie sĩeichechem” khajierram aajem.

Woun Meu

¹⁶ Magbaawai t'umaam k'ʌʌn jãp'ierr nʌm hiek'au Hẽwandamag jëeumamua, “Chadcha Hẽwandam, hʌ̈u pua maar heeg hoo chirʌm. Hʌ̈u pua jãg chaai chi meem harr p'iriu hat'am” hajierram hanʌm. Magnaa hĩchab hamach wir haigpai, “Keena, hĩsin chadchata maach hee jöoingarmjö Hẽwandam hi jaaumie sĩeichëchëm” k'ajierram haajem.

San Lucas 7:16 Iomraidhean Croise

San Mateo 15:31

Amach daúacha mag meu meraa khithee arrjã ijẽb nʉrrjee, juadam wa bʉdam khãijã ãkhãraa khithee arrjã monakha, maimua dau khĩsu khithee arr khʉʉnpa dau wajapha nʉrrjeem oowia, sĩi õor dauderraa naajim. Mag amachdeu oo nʉm gaaimua maach meeun khabam khʉʉnaupata maach meeun israelnaan Ẽwandamag jeeuphoo thʉnaajim.

San Mateo 21:11

Magbaawai mag i dʉi õor pom wenʉrrʉm khʉʉnau, —Ẽwandam i jaaumie Jesús khabahab aajeejim, Galilea durr Nazaret phobor ee bãautarr.

San Mateo 28:8

Am iek amachig magbaawai aigmua apuraa ereubaadejim anaabá. Jãphierraa naajieb mamʉ agjo onee naajim aajem, amachig mag Jesús phiidʉbarm a jaaubaawai. Mag warag khajapha bʉ chʉp wetjim aajem, maach chi khapeenag jaauwimaag.

San Mateo 9:8

Magbarm oowia aig narr khʉʉn dauderraa nʉisijim anʉm. Mag nʉm iekhau warag Ẽwandamagta, “Ʉuhcha jãgbarm, Ẽwandam. Jãan pʉch jua theegauta mʉg wounag jãgpibarm” ajierram aajem.

San Lucas 1:65

Mag oobaawai thum aig narr khʉʉnau, “Jãan ich iiuta jãgpibarm” a khĩirju nʉisijierram anaabá. Maimua ereu phobaadewia amach wenʉrrʉmpierr amachdeu oomatarr thum ich mag jajawag wetmarr aawai Judea durr ee didam ãhãbdo khekhedʉm eem khʉʉnaupa khakhapdo ich mag sĩi bĩi joisijim aajem. Mamʉ mag chi jaau wenʉrrʉm khʉʉn iek ũrmam khʉʉnau thumaa khĩirjuwia amach wir aigpai, “Mag chaaidam mʉg atag jooipabaadeewai, ¿jãgata khitajuuta mag jaau nʉma, bʉ̃rʉʉ khitwe mag nʉm?” aajeejim anʉm. Mag, ich Ẽwandamau bʉ̃rʉʉwe ich khõchagpierr bãaupʉijim anaabá.

San Lucas 1:68

“Ẽwandam, ʉuhcha pua pʉch chaain eeg oowia ĩsin chad maar peerdʉ awaagpam. Magua maar onee nʉmgui ajim anʉm.

San Lucas 19:44

pãar thum khechpʉpʉigmamua ni ãbjã bʉ euheu khitʉm ooba sĩwaag. Magbarm aigmua atag di jãg ãbam ʉ̃r joothʉ eu sĩsidʉmjã tag pãrau ich jãg oobajugui ajim anʉm, Ẽwandamau ich garmua pãach oon beetarrjã warag i isegtarr gaaimua.

San Lucas 2:20

Mag chi nemchaain thʉamienau amach daúacha oonaa amach jʉ̃gʉucha ũrtarrpa ig wetumua, onee Ẽwandam tho iekhakhag wetumua, “Ẽwandam, ĩsin chadau purua ʉu abarm. Pʉjo wajaugkham chan õor chukhum” a serereug wetwia deeu amach nemchaain aar phʉʉrsã ee naaimajim aajem.

San Lucas 24:19

Magbaawai ich Jesuu amag, —¿Khani jãgjierráma ajim anʉm, mʉg nemkhoo ee? Magbaa amachdeu irig jaaumamua, —Jesús Nazaretpierrma ajierram anʉm, Ẽwandam i jaaumie. Irua Ẽwandam jua theegau nem khĩir pogkhe waaujeejim. Maimua jãga Ẽwandamau maach peerdʉ aaujẽ a jaauwaijã õrau khakhapdo aajeejimgui ajim anʉm, chadcha Ẽwandam iekta jaau sim.

San Lucas 5:26

Mag chi woun phiidʉbaadem oowia aig narr khʉʉn thum dauderraa nʉm iekhau, “Jãan ich iiuta jãgbarm” anaa ĩchab, “Ĩs Ẽwandamauta maadeu mʉg ooju khĩirjuba narrjã oopibarm” anaajim aajem, amach ap pawiajã.

San Lucas 5:8

Mag Jesús ipierraa arr gaaimuapai ãwarr pom pʉr atham oobaawai Pedro dʉi jap ãbam ee narr khʉʉnaupa, “¿Mʉʉn khanim wounta ag na mʉg ooba aajemta ãwarr pom mʉg pʉr aupibarma?” a khĩirju nʉisijim anʉm. Ich mag bʉrre Simón Pedroou Jesús bʉkhʉrr phõbkha thʉnaaimawia irig, —Señor, oob mʉ dʉi ãba nʉrram. Mʉʉn atcha pekau pooma chirʉm pʉ mʉ dʉi nʉrraag ajim anʉm.

San Lucas 7:15

Magbaawai ag bʉrre chi mee kherarrdam phiidʉwia ʉu deeu iyʉʉ aadejim anaabá. Magbaa Jesuu chi ãdagta, —Ar kherʉm, pʉch chaai athaad ajim anʉm.

San Lucas 7:39

Chi Jesús thʉ̃rpʉitarr wounau mag oobaawai ich odegpai, “Mʉg woun chadcha Ẽwandam i jaaumie chaar akhiin, irua warre khaug aukhamgui ajim anʉm, khanim ʉʉirauta jãg ich bʉ gaai pʉrbaiche. Majã pekau pooma simua ich gaai pʉr simta bʉ̃ʉrjã khaugba simgui” ajim anʉm ich odegpai.

San Lucas 8:37

Magbaawai Gerasa perasom khʉʉn pom aig thʉnarr khʉʉnau jãphierr nʉmua Jesuug chawag mapi jaau naajim anʉm, amach ee sĩepiba. Mag chadcha, Jesús jap ee pabaadejim aajem, deeu amach berrag wetaag.

San Lucas 9:19

Magbaawai amachdeu magjierram aajem: —Am iek pʉ Juan chi õor por choomie aajem; deeum khʉʉnau jaauwai, pʉʉta Elías aajem, warrgar Ẽwandam i jaaujerr; maagwai pogkha jaauwai pʉ sĩi warrgar agjo Ẽwandam i jaaumie arrta deeu iiu phiidʉwia nʉrraichemjã a jaaujem am den ajierram aajem jũrr irig.

San Juan 1:21

Magbaawai deeu amachdeupai, —Magan ¿pʉ khaíuma? ¿Pʉ Elías khabá? abaawai, jũrr ichdeu, —Mʉ chan Elías khabamgui ajim amag. Magbaa deeu amachdeupai, —¿Wa pʉ warrgarwe ich Ẽwandamaucha ich i jaaumkhĩir jʉr auju a jaaujerráwa? a jeeubaawai, jũrr amag, —Ʉ̃hʉ̃, mʉ majã khabamgui ajim.

San Juan 1:25

—Pʉ iek mag warrgarwe ich Ẽwandamau pʉiju a jaaujerrjã khaba, Elíajã khaba, Ẽwandam i jaaujerrjã khabam anʉmta, magan ¿jãgwi pua õor por choo simma? ajierram irig.

San Juan 4:19

Mag ich obeerbapʉim ũrbaawaita irig, —Mua oowai pʉjã dau bʉ̃ʉmjota simgui ajim anʉm, mʉ mag ʉrrʉm khap aag.

San Juan 6:14

Õor pom mag thʉnarr khʉʉnau amach daúacha Jesuu ich iiu aawai mag ag na amau mag ooba aajerrta mag waubarm oobaawai jũrr amach eepai, “Chadcha mʉg wounta ich Ẽwandamaucha ich i jaaumkhĩir jʉr auwi pʉiju a jaaujerrauwai” aajeejim.

San Juan 9:17

warag chi dau khĩsu khitarragta, —Pua khĩirjuawai ¿khanim woun agá? Pʉ dauta irua monaautarr aawai puata i jaauju aai chirʉmgui aajeejim anʉm irig. Magbaawaita ichdeu, —Mua oowai merag chukhu sim, jãan ich Ẽwandam jua theegau nem wau nʉrrʉmta jãg nʉrrʉmgui ajim aajem.

Hechos 5:5

Pedroou mag iekhabaawai warre chi meemta Ananías jẽkhʉt di bäjä aimajim aajem. Mag seukhatarr gaaimua Ananías meetarr ũrwia thum chi ũrmam khʉʉn thãar paraa nʉisijim aajem.

Hechos 7:37

Ich ag Moiseeu ajim anaabá, ĩchab Jesús igwia israelnaanag, “Ẽwandamau mʉ pʉiwi cha mʉ pãar ee chitʉmjo, ĩchab mʉg atagjã deeum ich i jaaumie ãb pʉiju” a jaautarr.

Gálatas 1:24

Pari amachdeu mag ũr nʉm gaaimua warag Ẽwandamagta ʉu ajim aajeejim aajem.