San Lucas 7:13 - Wounaan Meu

¹³ Maimua aar barwia maach Por Jesuu khoopaa ũan ich chaai athee dau aphʉʉ kherʉm oobaawai irig, —Oob bĩem ajim anʉm.

Woun Meu

¹³ Maimua haar barwia maach Pör Jesuu k'oopaa hũan hich chaai hat'ee dau hap'ʌʌ k'ërʌm hoobaawai hirig, —Hoob bĩem hajim hanʌm.

San Lucas 7:13 Iomraidhean Croise

San Marcos 8:2

—Õor pom mʉg thʉnʉm mʉ dau ee dau aphʉʉ durrum. Ya khãai thãrjup pam am maach aigmua bʉ̃ʉrjã ogdʉba, thachdam khojujã chukhu durrumgui ajim anʉm.

San Lucas 10:1

Mag jũrram khʉʉnau Jesús dʉi ogdʉba wenʉrraju a thʉnarr khur maach Por Jesuu ichdeucha õor setenta jʉr auwia khĩir sĩsied nunumdo pʉyaagpajim aajem, ich na ich nʉrrajupierr.

San Lucas 11:1

Biek ãb Jesús ich Ayag jeeu sĩejim aajem. Mag jeeu aaipabaadeewai ich khapeen eem ãbmua irig, —Señor, jãg Juanau ich dʉi wenʉrrʉm khʉʉnag Ẽwandamag jeeu nʉm jaautarrjo, magan maragjã agjo jaaubá ajim anʉm, maraujã ĩchab irig jeeu khaphʉ aag.

San Lucas 11:39

Mamʉ maach Por Jesuu mag wounau ich odeg mag simjã khaphʉ sĩerr aawai irig, —Mʉ iek ũrbá ajim anʉm irig. Pãar fariseonaanan pãach pem aawai sĩi juagam nem chi ʉ̃rʉm memerkhogpaita ajapha ʉkhakha aju khĩirju sĩerrjeemgui ajim anʉm, mag memerkhom ee khãijã dobaawai Ẽwandam dau na pekau waumaaugau awi. Mamʉ pãachdeu chikham nemdamjã jĩgkha pãach denkha aunaa chikham khaibag wau nʉm gaaimua pekau pom nʉm chan isegba ni Ẽwandamag chugpaapi jeeujujã khĩirjuba sĩerrjeemgui ajim anʉm.

San Lucas 12:42

—Pãragpai khabamgui ajim anʉm; mua mag chirʉmʉn pãach thum chi mʉ iek ʉkha nʉm khʉʉnagau. Magnaa, Pãade ũrbat ajim anʉm: khanim nemjo patrón ãb simua ich chaaug maagpaawai ich chog ãbamʉg warm khʉʉn porkhapinaa ich magʉgpai ich nem thum jaau pʉabajem.

San Lucas 13:15

Magbaawaita maach Por Jesuu irig magjim anaabá: —Woun seunem, ¿khantheeta pʉ mag chitʉ́ma? ajim anʉm. Pãar mag jua ʉ̃ʉijem ed bʉ̃ʉrjã phidkhaba aajem anʉmta, ¿khan jãgwia pãrau pãach cabaai wa phak khãijã do dopien phe arrjẽma? ¿Jãg nʉm chan magan phidkha nʉm khabahab? ajim anʉm.

San Lucas 17:5

Mag dich khapeen perdonaapi jaaubarm phithuurga sim khĩirjunaa, jũrr ich Jesuu chi doce jʉr autarr khʉʉn garmua irig magjierram aajem: —Señor, Ẽwandamau marag khĩirjug deebam chan pod marau maach khapeen perdonaabaju. Marag juapá deebá ajierram anʉm, mag pʉchdeu jaau simjo aag.

San Lucas 17:6

Magbaawai maach Por Jesuu magjim aajem amag: —Pãrau khĩirjuawai chadcha Ẽwandam jua theeg sim khaphʉnaa pãachdeu nem mag abarmjo apiju khĩirjunaata nem waukhiin, Ẽwandam athee chan phithurm nem chukhu aajeewai, chadcha pãachdeu jajaaukhampierr ich mag pãachdeu jaau nʉmjo ajugui ajim anʉm. Pãar khĩirjug oojem anaa chi pomag mostaza daudam ar maach dau ee paba khitaajemjo khãijã khitakhiin, ar pabʉ pom simʉg wounagamjo, “Jãigmua mawia jũrr achum phũas ee dʉnʉʉubaimá” abaawai, chadcha pãar ipierraa ajugui ajim aajem.

San Lucas 18:6

Mag ĩgkha dichwia, ich Jesuupai jũrr amag, —Pãrau ũrjierramgui ajim anʉm, khan a iekhajĩ mag woun chi thethem nem khaibag sĩerrau.

San Lucas 19:8

Magbaawai Zaqueoou maach Por Jesús khĩirphee bʉjãau dʉnʉʉunaa irig thumaam khʉʉn dakhĩir, —Ũrbá, mua mʉchdeu nem wai chirʉm eem jãrrcha ar aphʉʉ khitheem khʉʉnag deejugui ajim anʉm. Maagwai iwiir ãbam den khãijã seukhawi mua phatkhon khũgur autarr khai, jũrr mua ag khãyau ʉ̃r biek jayap deejugui ajim anʉm.

San Lucas 22:61

Mag ãthãrr bĩebaawai maach Por Jesucristoou ewag phʉʉrba oo nʉʉ ajim aajem, Pedroog. Maigta Pedroou khĩir eyaa aadejim anaabá, maach Porou ichig, “Pedro, ãthãrr bĩeju nawe õrau pʉchig jeeuwai biek thãrjup pua bʉ̃ʉrjã mʉ khaugba chitʉm a iekhaju” a jaautarr.

San Lucas 24:3

Magbaawai warag ag ee dubnaa oowai, maach Por Jesús mordam ich aukhertarr ee chukkhu thʉnaajim anaabá.

San Lucas 24:34

Maigjã ũrimaawai amach thumaam khʉʉnau, “Keena, chadchata maach Poron iiu phiidʉbarmwai; ya Simonagjã ich oopibarm” a jaau nʉmta ũrimajierram anaabá.

San Lucas 7:12

Mag mamua phobor ee dubaag puertdi sim aig dakha pachenaa oowai õor binaan bepaan warrumta oo athajim anʉm. Ma, khoopaa ũan chaai ichta ãbpai khitarr ajim aajem. Mag binaandam arrum dʉi ĩchab ag phobor eem khʉʉn õor khapaana wedurajim anʉm.

San Lucas 7:14

Magnaa warag aig beewia chi binaan arrum pa gaai pʉrbaicheewai chi arrmaa arr khʉʉn dʉnʉisijierram aajem. Magbaawai chi binaan ẽwan sĩerrag, —Mʉ iekhau phiidʉbaad ajim anʉm.

San Lucas 7:19

Jesús aar pʉijim aajem, makhʉʉnau irig “¿Pʉʉta chadcha nawe Ẽwandam i jaaumienau beeju a jaaujerrá, wa ar khabam khai warag ich jãg nʉag?” a khap jeeumkhĩir.

San Lucas 8:52

Mag barwia ooimaawai, thumaam khʉʉn sereeu icharaucha bĩe nʉm dʉi ĩchab ʉapeperkhamta ooimajim anaabá. Mag oobaimaawai Jesuu amag, —Oob bĩemiethʉ̃. I meeba sĩita i khãi sĩebahab ajim anʉm.

San Juan 11:2

Ich mag Lázaro ʉ̃phʉi Mariaau ajim, maach Por Jesús bʉ ʉ̃r jʉ̃gdeeu choonaa ich porbʉʉupai jʉʉupʉitarr.

San Juan 11:3

Mag amach ẽphemkhoi mor machpawia warag eeg pamaawaita amach numiim khʉʉnau õor jʉr auwia ich Jesús aig pʉijierram, jawaan mamkhĩir. Magbaawai chadcha beewia, —Señor, pʉ khapkhʉʉn chi wajapham pua ʉ̃rcha iigjemjã podba kherʉmgui a jaauchejim Jesuug.

San Juan 20:13

Mag amachig ober oo nʉʉ abaawaita mam ierrmua irig, —¿Pʉ khantheeta bĩe ʉma? ajierram aajem. Magbaawai irua, —Maar Por Jesús mʉg ee wai narr chukkhu thʉnaawaita bĩe ʉm. Khaugbam jamagta athaaderram khai a ʉajim aajem jũrr amag.

San Juan 20:15

Mag ichig oo nʉʉ abaawaita ich Jesús garmua irig, —¿Khanthee bĩe ʉma? ¿Pʉ khaita jʉr ʉrrʉ́? ajim anʉm. Ichig magbaawai sĩi chi nemjĩirdo thʉajempii awia chi Mariaau irigta, —Pʉchdeuta arrtarr khai, mʉrʉg jaaubá, mua i awaan maag. ¿Jampaita pua i deethurjĩ? ajim anʉm.

San Juan 4:1

Mag Juan chi õor por choomie dakha maach Por Jesujã sĩerr aawai fariseonaanau khaug athajierram, Juan aar maju khãai ʉ̃rcha Jesús ẽudeeta õor pos aadephʉm. Mag nʉm dʉi ĩchab khaug athajierram, Juan aram khãyaujã ʉ̃rcha Jesuugta õrau amach por choopi nʉm.

San Juan 6:23

Mag nʉm ee ich ag thʉrrdo eepai phobor Tiberias anʉm aarmua bote beewia, mag ag noram Jesuu pan cinco ich jua ee aunaa ag paar ʉu ajim anaa õrag khopitarr dakha jopdʉtkhachejim aajem.

1 Corintios 7:30

Okhĩirjuu nʉm khʉʉnjã, maach Por Cristo beeimʉʉ sim khaphʉ aawai oob atcha khoopaan sʉrkha nʉm khʉʉnjo amiet. Maimua ar onee nʉm khʉʉnjã, mag i beeimʉʉ sim khaphʉ naawai, oob dau lokoo amiet. Amach phatkhonau nem per au nʉm khʉʉnjã, oob ag dʉi ich mag eumeeju khĩirjumiet.

1 Tesalonicenses 4:13

Khodamnaan, sĩi Ẽwandam iek ʉkhaba aajem khʉʉnjo pãach okhĩirjuu apimaaugau, marau pãrag jaaum ig nʉm, jãga aajẽ mʉg maach Ẽwandam iek ʉkha nʉm khʉʉn meewai.

Hebreos 2:17

Pari mag maach peerdʉajemkhanaa ĩchab ichta warrgarm phadnaan porou aajerrjo Ẽwandam dʉi maach kõit iekhaajem khaagan, ichiita ich Jesujã nem thumaam athee maach ich eeugpeenkha nʉm khʉʉnjo wounkhaju aai sĩejim. Mag sĩewai phadnaanau õor khaibag paar nemchaain kheechjerrjo, jũrr ichta maach kõit ʉdʉraa ich thõopibarmua maach khaibag thum chugpaa aujim.

Hebreos 4:15

Mag ʉ̃gtharmua maach kõit iekhaajemuan chadcha maach dau aug khaaugjem. Ẽwandamta maach wounkha sĩerr aawai ichdeujã khaphʉ sim, jãga aajẽ maach pekau ee burrjojoo aadephʉm aig. Meperau maach pekau ee burrpiju ẽkhaajemjo aju ẽkhaajeejim i dʉijã agjo; mamʉ maagjerrta ich chan bʉ̃ʉrjã pekau ee burrba khitajim.