San Lucas 6:47 - Wounaan Meu

^47-48 Mua pãrag jaaukhimgui ajim anʉm. Ar chi mʉ aig beewia mʉ iek ũrnaa mua nem jaau chirʉm ipierraa nem waaujem khʉʉnan, biek ãb woun di ewaag jẽbdi khorkha sĩi awia durrkhudau ee ierr ich dibʉ jukhanaa di eutarr wounjota nʉmgui ajim anʉm. Ya mag aaipa dʉnʉisim ee, dohãd pom beewia ag gaai do uu thʉnarrjã chʉyeupʉiba ich mag sĩsijim anaabá, dibʉ ierr jukha sĩerr aawai.

Woun Meu

^47-48 Mua pãrag jaauk'imgui hajim hanʌm. Har chi mʌ haig bëewia mʌ hiek hũrnaa mua nem jaau chirʌm hipierraa nem waaujem k'ʌʌnan, biek hãb woun di hëwaag jẽbdi k'örk'a sĩi hawia durrk'udau hee hierr hich dibʌ̈ juk'anaa di hëutarr wounjöta nʌmgui hajim hanʌm. Ya mag haaipa dʌnʌisim hee, döhãd pöm bëewia hag gaai dö huu t'ʌnarrjã chʌyëupʌ̈iba hich mag sĩsijim hanaabá, dibʌ̈ hierr juk'a sĩerr haawai.

San Lucas 6:47 Iomraidhean Croise

San Mateo 12:50

Mʉrʉgan mʉ Aai ʉ̃gthar chiraajemua khõsimjo nem wau nʉm khʉʉnta mʉ ãd anaa mʉ ʉ̃phʉʉinau, maimua ĩchab makhʉʉnta mʉ khodnaanaugui ajim, ich Jesuu.

San Mateo 17:5

Mamʉ Pedro mag iekha dʉnʉm ee, jʉʉnthumie baug beewi am joodʉ athaichejim anaabá. Magbarm ee mag chi jʉʉnthumie eemuata woun iekjo, “Chamʉʉta mʉ Iewaa mʉchdeu jãsehne wai chitʉmʉu, õor peerdʉ aumkhĩir mʉchdeu jʉr autarr. Irua nem jaau simta ipierraa abat” a iekhabarm ũrjierram anʉm.

San Lucas 11:28

Magbaawai jũrr ichdeu, —Jãan chadaugui ajim anʉm, mamʉ mag khãyau ar Ẽwandam iek jaau nʉm ũrwia i ipierraa nʉm khʉʉnta ʉ̃rʉʉcha onee aju aai nʉmgui ajim anʉm.

San Lucas 14:26

—Ãbmua khãijã mʉ dʉi ogdʉba nʉrraju khĩirju simta khũchpaijã ich dennaan kha ogdʉmapha wa ich ʉʉi, ich chaain, ich khodnaan khãijã ogdʉmaphanaa ich dau aphʉʉ aju khãijã khĩirju sim chan, pod mʉ dʉi khapeer khaju khaba simgui ajim anʉm.

San Lucas 8:13

Maagwai mokpor jojoodog ee nemjĩir dau burrmarr, ar maach khapeenau Ẽwandam iek ũurwai onee ʉkhaajem khʉʉnaugui ajim anʉm. Mamʉ thãraucha ʉkha nʉm khaba aawai, nemjĩir dau pod khaar khaba aajemjo khũchpai ʉkhawia iseg pʉajem. Maagwai ʉkha nʉm anʉmta mag iek ajapham gaaimua meperau khaigba aicheewai deeu Ẽwandam iekta isegwia warr amach naajerrjo wenʉrram khõsi nʉmgui ajim anʉm.

San Lucas 8:8

Maagwai tagam khʉʉn jẽb wajaug ee burrjim aajem. Makhʉʉnan chadau oberwia chebaadeewai khaarpierr bich thʉʉ jopmajim aajem. Mag jaaumamua, aig narr khʉʉnag, —Keena, jʉ̃g ʉ̃rʉʉnaa chamʉg nem ĩgkhaadam mua jaau chirʉm ajapha ũrbat ajim anʉm.

San Juan 10:27

Chadcha mʉ denkha nʉm khʉʉnaun, jãg ovejanaanau iek gaaipai amach pastor khaug aaujemjo, mʉjã khaphʉ nʉm, mʉ khai agá; maagwai mʉchdeujã mua am khaphʉ chitʉmgui ajim. Mag mʉ khaphʉ naawai mʉʉta am na dʉnʉisimʉn, amachdeujã mʉ ẽudee weetjemgui ajim.

San Juan 13:17

Pãrau ya mʉ iek ũrbarm; pãrauta mua nem jaautarr khĩirjunaa chadcha mʉ ipierraa mʉch denjo nem wau wenʉrrʉmʉn, pãar onee wenʉrrajugui ajim.

San Juan 14:15

Mag iekhakhagmamua ĩchab marag, —Pãrau chadcha mʉ daupii nʉm khai, mua pãachig nem jaautarr thum ipierraa abat ajim.

San Juan 5:40

bʉ̃ʉrjã mʉ igba nʉmgui ajim, ich mag iiu wenʉrram khõsi nʉm anʉmta.

San Juan 6:35

Magbaa Jesuu, —Wajapcharan mʉchpai khabahab ajim, mag pan õor iiupiejem. Mʉig eegarin par pãar thach pom biwaau khowiajã deeu jãsooju. Biwaau do dowiajã deeu obisi aju. Mamʉ chi mʉ iek ʉkhanaa mʉʉta au sim chan tag deeum igbajugui ajim, ich peerdʉ aumkhĩir.

San Juan 6:37

Thum mʉ Ayau mʉ iek ʉkhapi nʉm khʉʉnaun mʉ ig nʉm. Mag mʉch ig nʉm khʉʉnan mua aub khaba aujugui ajim.

San Juan 8:52

Pari magbaawai chará chi judionaanau, —Ĩsta chadcha marau wajapha pʉ khaphʉ nʉm: Pʉʉn chadcha por ee dosãt wai simuata mag iekhapi simgui ajierram. ¿Khani Abranjã meewia maimua tagam khʉʉn agjo Ẽwandam i jaaujerr khʉʉnjã thumaa otarrta mag pʉ ipierraa nʉm khʉʉn chan khechbaju a nʉ?

Hebreos 5:9

Mamʉ agjo mag meebarmua ichta ĩchab thumaam khʉʉn Porkhanaa am kõit iekhaju aai sĩsiewaita ĩchab thum ich ipierraa nʉm khʉʉnjã ʉu ʉ̃gthar oberpiejemkha sĩsijim.

Santiago 4:17

Pãade ũrbat: Nem ajapha aju aai sim khaphʉ simjã wauba simʉn, magan mag sim aigjã warag Ẽwandamau oowai pekaukha ober sim.

1 Pedro 2:4

Mag i iek gaaita ubʉ naagan, Cristoouta ichjo maach ich mag iiupiejeewai, i bʉʉta ẽkhabat. ¿Pãrau khaugba nʉ, Ẽwandamau mag Cristo iek ʉkhapimampierr ich athee di eumamjota sim? Mag di eumamjo sim aig, Cristota mag chi dihãd jãrramkha sim; maagwai maach jũrr chi dipá chi daígkha nʉm. Õrau i isegjierrab mamʉ, Ẽwandamagan ichta dipá chi ajapcharam aawai ichta jʉr auwi chi dihãd chaarkhapijim. Ãba i gaaimuata ʉu maach Ẽwandam õorkha nʉm.

2 Pedro 1:10

Cristo gaaimua khodamnaan, mag Ẽwandamau pãar ichdeucha jʉr auwi ich denkha autarr aawaita i dau na mag nem ajapha wau nʉmta khajapham benjo ideu pãach gaai thierrpapibat. Magta nem ajapham appai wau nʉm chan, meperau khujʉrchewiajã, pãrau pãach ʉdʉʉr deebaju.

1 Juan 2:29

Pãrau khaphʉ nʉm, maach Por Jesucristoou nem agchata ichdeu khap nem waaujem. Maagwai ĩchab khaphʉ aju aai nʉm, thum nem agcha nem waaujem khʉʉnjã agjo Ẽwandam chaainkha nʉm.

1 Juan 3:7

Chaaina, ni iwiir ãbamʉgjã ʉdʉraa pãach khũgurpimiet: Õor wajapham khʉʉnaun nem agchata waaujem, ich Cristojã woun wajapham aawai;

Apocalipsis 22:14

Ar sĩi khajũa wajap jã simjo thãar wajapha pekau chukkhu nʉm khʉʉnta ʉuhcha thʉnʉm khʉʉnau, amauta maach iiupiejem nemjõ mag mua jaau chirʉm gayamjã jõnaa, mag phobor puertdi khapan wʉwʉr wejom eejã dubju aai naawai.