San Lucas 6:23 - Wounaan Meu

²³ Õrau pãach dʉi mag nʉm jaar oob okhĩirjuu amiet ajim anʉm. Mag khãyau warag onee abat ajim anaabá; pãar mag nʉm jũrran ʉ̃gtharin pãar athee nem ajapham poomata thʉnʉm. Ĩs mʉg pãar mʉ gaaimua dau aphʉʉ wau nʉmjo wenʉrraajeejim warrgarwejã, Ẽwandam i jaaujerr khʉʉn. Mamʉ ĩs ʉ̃gthar Ẽwandam dʉi ya am onee nʉmgui a iekhamajim anaabá, am wawí nʉmua.

Woun Meu

²³ Hõrau pãach dʌ̈i mag nʌm jaar hoob hök'ĩirjuu hamiet hajim hanʌm. Mag k'ãyau warag honee habat hajim hanaabá; pãar mag nʌm jũrran hʌ̃gt'arin pãar hat'ee nem hajap'am pöomata t'ʌnʌm. Hĩs mʌg pãar mʌ gaaimua dau hap'ʌʌ wau nʌmjö wënʌrraajeejim warrgarwejã, Hẽwandam hi jaaujerr k'ʌʌn. Mamʌ hĩs hʌ̃gt'ar Hẽwandam dʌ̈i ya ham honee nʌmgui ha hiek'amajim hanaabá, ham wawí nʌmua.

San Lucas 6:23 Iomraidhean Croise

San Mateo 5:12

Pari pãach dʉi maagwaijã, oob okhĩirjuu amiet ajim anʉm. Magju khãai warag onee abat; pãar mag nʉm jũrran ʉ̃gtharin pãar athee nem wajapham poomata thʉnʉm. Ĩs jãg pãar dʉi khaibag thʉnʉmjo aba aajeejieb ajim anʉm warrgarwejã am jooinau Ẽwandam i jaaujerr khʉʉn dʉi. Pari magtarr ĩs am ʉ̃gthar Ẽwandam dʉi onee naabahab a jaaumajim aajem.

San Lucas 1:41

Mag Mariaau ichig iekhabaichem ũrbaawai warre ũan Elizabed bi eem chaaita pogogor khabaadejim anaabá. Magbarm dʉi ich ũan Elizabed gaaijã Ẽwandam Akhaar phẽs aicheewai onegau Mariaag,

San Lucas 1:44

Jãguata pʉ iekhabaichem mʉchdeu ũr atham dʉi, mʉ chaai agtha bi ee kherʉmuajã khaug athaawai, thʉgdʉdʉ khabaadejimgui ajim anaabá, onegau.

San Lucas 6:35

Magua muan pãragan, pãach dʉi iekkhõr paraam khʉʉnjã warag kha khõsita abat a chirʉmgui ajim anʉm. Maimua am dʉi o ajapha abat ĩchab, pãach nemdam khũchpaim athee khãijã jeeu arrwai tag deen beebaju khãijãa jãg deebapʉim a iekhaba. Pãrau o ãkhãrag chukhu magmʉn, ʉ̃gtharin pãar athee nem ajapham pooma thʉnʉmgui ajim anʉm. Ĩchab pãar mag wenʉrrʉmʉn magan pãar chadcha Cha Ʉ̃gthaa Phuu Nʉm ag chaainaugui ajim anʉm. Ẽwandamau õrau khĩirjuajemjota khĩirjuajem akhiin, ãba õor ajapham khʉʉnagpaita irua nem deejeekham. Mamʉ i magba thumaam khʉʉn dʉi ajapha khitʉm, õor khaibagjã igba, ni mag ich ajaug khitʉm paarjã õrau ichig ʉu ajim abajujã khĩirjuba. Magua pãraujã agjota aju aai nʉmgui ajim anʉm, pãach khapeen khaibagjã igba.

Hechos 14:10

—Phiidʉwia bʉ ubʉ dʉnʉisí ajim anʉm. Magbaawai chadcha phuddʉ dʉnʉisiwia warag dʉr nʉnʉʉu khabaadejim aajem.

Hechos 3:8

Mag ich jua gaai pʉrnaa dʉnʉʉupi athaawai, dʉi ʉ̃gthaag phuddʉ oo dʉnʉisiwia ich mag nem ajaug dʉrdʉr sĩsijim aajem. Mag warag am dʉi ãba Aai i jeeujem deg dubwia sĩi chaaijo onegau bʉ jiir nʉnʉʉugmamua Ẽwandamag, —Ʉuchata pua mʉg mʉ monaaubapʉim Ẽwandam; chadcha pʉchta thumaam khʉʉn khãaijã chi thierriugui a ijẽb nʉnʉʉu khabaadejim aajem.

Hechos 5:41

Mag Jesús iek jaau wenʉrrʉm gaaimuata mag amach wʉ thʉnʉʉubarmjã, okhĩirjugjã chukhu, warag aigmua onee ereubaadejim aajem, mag Jesús gaaimua amach aphʉʉ amkhĩirta Ẽwandamau amach jʉr athamjã khaphʉ narr aawai.

Romanos 5:3

Pari mag mʉg atag i dʉi wenʉrraju khĩirjuwiapai khaba, mʉig eegarwe maach dau aug waauwaijã ich mag onee naajem, magʉm gaaimua warag maach thãar phĩiupiejem khaphʉ naawai.

2 Corintios 12:10

Magua mʉg mʉch serbiibanaa kha thũumjo chirʉm ãba, onee chiraajem, õrau mʉch khĩircha iekha nʉmjã igba. Mʉchdeu nem ig chirʉm chukhu awiajã magʉm aba, õrau mʉch pʉr auju ẽkhaajemjã igba, Cristo gaaimua mʉch dau aug wau chitʉm ãba mʉʉn onee chiraajem. Wajapcharan mʉʉn ar kha thũumjo chirʉm aigta Cristooujã warag mʉ juapá jãgpi simjo aajem.

Colosenses 1:24

Mag maach peerdʉajem iek jaau chitʉm gaaimuata mʉʉn mʉg dau aphʉʉ preso chirʉm. Mamʉ mʉch mʉg chirʉmjã jũrr pãachta ʉu amkhĩir aawai mag aphʉʉ chirab mamʉ onee chiraajem. Mʉch mʉg wai nʉm gaaimuata, ich jãg Cristoou iglesia ich morkha sim athee ich dau aphʉʉ wai naawai ãwattarrjo, mʉchdeujã agjo i denjo aju ẽkha chiraajem.

2 Timoteo 2:12

I gaaimuata phithurg au wenʉrrʉmjã magʉm igba nʉmʉn, magan ĩchab irua durr jʉ̃a sim aar pawijã maach iek thethe wenʉrraju i dʉi. Mamʉ maadeuta i iek ʉkhamapham iekhau i khaugbam amʉn, magan maach meem edjã agjo irua maach aubaju iekhau, “Muajã pãar khaugba chitʉm” aju.

Hebreos 11:26

Irua khĩirjuawai Ẽwandamau maach meeun judionaan eemuata õor peerdʉ aumkhĩir pʉiju arr aawai, chadcha ich mag amkhĩir ichpa dau aug wau nʉmta nem thum paarpa nʉm khãaijã ajapcha sĩejim, ich mag sim paarjã Ẽwandamau mʉg atag jũrr ich dʉi ajapcha aju khaphʉ sĩerr aawai.

Hebreos 11:6

Mamʉ maachta wajapha Ẽwandam iek ʉkhaba nʉm chan pod i dau na ajapha khaba nʉm. Ẽwandamta dich dʉi sĩepim khõsi chirʉmʉn, khaphʉ aju aai sim, í chadcha iiu sĩejeewai chadcha mag ich jʉr nʉm khʉʉnagjã irua ich khaugpinaa am dʉi ajapha aajem.

Santiago 1:2

Khodamnaan, nem thumaamua pãach khĩirpierr chachmawiajã warag oneeta abat.

1 Pedro 4:13

Magju khãai mag pãach dau aug waauwai warag onee abat, Cristojã maach gaaimua aphʉʉ arr khaphʉ nʉm gaaimuata mag naawai. Pãrau magta amʉn, mʉg durr gaai ich Cristocha thumaam khʉʉn Porkhanaa õor dʉi ichdeu khap aag beem edjã warag atchata pãar onee aju ich dʉicha.

Apocalipsis 2:17

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatbapʉimʉg, ʉ̃gthar pawiajã mʉg jẽb gaaim nem khoojem khĩir khabamta khopinaa mokdaudam bäphä khitʉm gaai thʉ̃r iiur phã khitʉmjã ichdeucha deeju aajem. Mag thʉ̃r chan bigaaum khʉʉnau khaugba, ãba chi athamuapaita khaphʉ aju aajem.

Apocalipsis 2:26

Ar ewag wetba warag amachdeuta magʉm thum ãwatpʉiwi ichdeu nem jaau simpai wau wenʉrrʉm khʉʉnag irua ich jãg ich Ayau ichjã iek theeg apitarrjo amjã iek theeg apiju aajem, ich dʉi ãba mʉg durr gaai õor thum thʉnʉm porkhamkhĩir.

Apocalipsis 2:7

Magnaa ichdeupai, “Ar chi jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag nem jaau sim ũrbat” a sim. Ar phithurg au wenʉrrawiajã ich mag i khõsi wenʉrrʉm khʉʉnan ʉ̃gthar ich Ẽwandam dʉicha wenʉrraju aajem. Makhʉʉnag irua Ẽwandam nemjĩir gayam nemjõ jõpiju aajem, õor ich mag iiu wenʉrrapiejem nemjõ.

Apocalipsis 21:7

Ar ogkhaba amach garmua podpʉi nʉm khʉʉnaun, mʉ juagam nem thʉnʉm thum amachdeuta auju. Mʉchta am Ẽwandamkha chirsiewai jũrr amach mʉ chaainkha nʉisijugui ajim.

Apocalipsis 3:12

Ar ogkhaba ʉu magʉm thum ãwatpʉi nʉm khʉʉnan irua ich Aai Ẽwandam iglesia ee dibʉ jãrramjo chi thierrnaanag paapʉiwi ich mag bʉ̃ʉrjã isegaajã khaugba wenʉrrapiju aajem. Ichdeuta am gaai Ẽwandam thʉ̃rjã phãnaa i sĩejem phobor thʉ̃rjã phã sĩuju aajem. Mag phobor thʉ̃r Jerusalenau, Ẽwandam sĩejem aarmua beeju phobor. Ĩchab am gaai irua ich thʉ̃r iiurjã phã sĩuju aajem.

Apocalipsis 3:5

Ar ogkhaba ʉu magʉm thum ãwatpʉi nʉm khʉʉnagan irua khajũa bäphämta jũapiju aajem. I iek magʉm khʉʉn thʉ̃r chan irua ich aar auju khʉʉn thʉ̃r phãajem ag ẽsap gaaimua borraapʉibam aajem. Magju khãai warre irua ich Aai dakhĩir maimua ich chognaan dakhĩirjã, “Chamʉ khʉʉnan mʉ deneu” a jaauju aajem.