San Lucas 6:22 - Wounaan Meu

²² Onee abat ajim anʉm, mʉch chi Emkhooi Iewaa iek ʉkha nʉm gaaimua pãach chikhamnau kha ukhurnaa amach aigmua khãijã warag di chaaur pãach jʉʉrwai. Onee abat, chikhamnau pãach wau iekhamamua khãijã, “Jãg woun chan õor ajapham khabam” a iekhaawai.

Woun Meu

²² Honee habat hajim hanʌm, mʌch chi Hemk'ooi Hiewaa hiek hʌ̈k'a nʌm gaaimua pãach chik'amnau k'a huk'urnaa hamach haigmua k'ãijã warag di chaaur pãach jʌʌrwai. Honee habat, chik'amnau pãach wau hiek'amamua k'ãijã, “Jãg woun chan hõor hajap'am k'abam” ha hiek'aawai.

San Lucas 6:22 Iomraidhean Croise

San Mateo 10:18

Mʉ gaaimua pãar khaibag waumkhĩir, õrau pãar gobernadornaan aarjã arrnaa reinaan aarjã aharr aju. Pari mag chi thethemnaan aar pãach arrwai, ʉu pãrau amag ũrmkhĩir mʉ jaaunaa sĩi judionaan khabam khʉʉnagjã mʉ jaaujurau.

San Mateo 10:22

Mʉ gaaimua thumaam khʉʉnau pãar oomappha aju, pari õrau pãach dʉi mag nʉmjã magʉm iek igba warag Ẽwandam dʉita ubʉnaa ich gaai magʉm dichpi athamʉn, ʉu peerdʉwi ʉ̃gtharcha oberjugui ajim.

San Mateo 10:39

Ar mʉ gaaimua bʉ̃ʉrjã phithurg aumapha sim chan meem edjã ʉ̃gthar oberbam. Mamʉ ar mua nem jaau chirʉm waum khõchgau wa mʉ gaaimua khãijã dau aphʉʉ abarmʉn chadau ʉ̃gtharcha oberjugui a jaaujim maachigcha.

San Lucas 20:15

Mag chadcha ʉʉr barchepinaa, pʉrphobaadewi, warp nemjĩirdo igaau arrnaa, mam thõopʉijierram aajem, ich jooi iewaa ãba. Mag nem ĩgkhaadam ĩgkha opʉiwia õrag magjim aajem, ich Jesuupai: —Pãrau khĩirjuawai, ĩsjã agtha mag uvado sim anaa chi thʉa narr khʉʉnjã ich akhʉʉnpai akhiin ¿jãgaju khai jooirau magʉm wounaan dʉi?

San Lucas 21:17

maimua ar juau thõoba abarm khʉʉn jũrr thumaam khʉʉnau oomappha ajugui ajim anʉm, mʉ iek ʉkha durrum gaaimua.

San Lucas 6:21

Onee abat ajim anʉm, pãar ar Ẽwandamau waupim khõsim nem wawaagta jãsoomjo nʉm khʉʉn. Jãgtarr jũrr mʉg atag pãar bʉ̃ʉrjã augcheba wenʉrrajugui ajim anʉm. Onee abat, pãar mʉ gaaimua dauhi paraa durraajem khʉʉn; mʉg atag pãar okhĩirjug khaugba wenʉrrajugui ajim anʉm.

San Juan 12:42

Mag judionaan thumaam khʉʉnau chan Jesús iek ʉkhabajierrab mamʉ, ãaur khʉʉnaun ʉu i iek ʉkhajierram; chi ʉkha narr khʉʉn ee chi thierrnaanpa thʉnaajim. Pari mag ʉkha nʉmta chi fariseonaanau, tag amach culto ee dubpimaaugau amach jʉr werppʉiju ogkhawia, amach khaugpiba aajeejim.

San Juan 16:2

Ya amauta pãar dʉi magphobaademʉn, pãran amau amach eemua jʉr werppʉiwia amach culto waaujem eejã tag dubpibajugui ajim. Mamag nʉʉ awia juauchajã pãar khechmaju. Mag pãar khech nʉm khʉʉnau amachdeupain Ẽwandamau pãar dʉi magpi sĩewaita mag nʉm ajurau.

San Juan 17:14

Pua amag pʉch iek jaaupitarr ya mua amag jaauwia ʉkhatarr aawai ya am maach deneugui ajim. Mag gaaimua pʉ iek ʉkhaba nʉm khʉʉnau jũrr am kha khõchkhaba wai nʉmgui ajim, tag amach igar khaba naawai.

San Juan 7:7

Pãar chan pod õrau oomapha abam, pãachjã am igar naawai. Magarrau mʉʉn chadau amau oomapha wai nʉmgui ajim, amachdeu nem khaigba wau nʉm mua amach khĩircha jaaujeewai.

San Juan 9:34

Amachig magbaawai sereu phobaadewi irig, —Pʉ sĩi dau aug pekau pom thaabatarrta, ¿khani mag sĩma? ¿Wa puata maar khãaijã khapcha sĩwa ajierram anaabá, marag jawaag? Maimua tag Ẽwandam iek jaaujem degjã dubpiba, warag amach aigmua i jʉrpʉijierram aajem.

Hechos 22:22

Warran mag iekhamam ʉu khĩu i iek ũr naajim. Mamʉ ãbmiecha irua mag iekhabapʉim ũrwia deeu sereu phobaadeeuta, “Jãg wounan warreta thõopʉiju aai sĩsim” khaphobaadejim.

Hechos 24:5

Mag marau pʉrʉg jaaum ig nʉmʉn mʉgaugui ajim anʉm: Marau wajapcha oowai mʉg wounan sĩi õor wawí nʉrrʉmua õor meeukhapimieu. Maguata sĩi ich nʉrrʉmpierr judionaan wawie gaaita nʉrraajemgui ajim aajem, õor meeukhapiwi iek phithurg amkhĩir. Mag nʉm dʉi ĩchab mag am iek iiur “Nazaretpierr i” anʉm ee ichta chi porkha simgui ajim anʉm.

Hechos 9:16

Mua mʉchdeucha irig jaaukhimgui ajim anʉm, jãga mʉ gaaimua i dau aphʉʉ phithurg aju.

Santiago 1:12

Woun ãbmua mag prueba khĩir pogkhe ich gaai burr nʉmjã ʉuta dʉi juapadam ubʉ ãwatbapʉimʉn onee abá. Mag amʉn magan ich Ẽwandamauchata irig, “Ʉu chadchata pua jʉmpʉijim” awia, ich aar auwia, ich mag ich dʉi wai sĩsiju, thum mʉig eegar aawai ich daupii aajerr khʉʉnan warrgarwejã magta ich aar auju jaautarr aawai.

1 Pedro 3:14

Ichiita mag nem ajapha wau durrum paar amau pãach dau aug wauwiajã onee abat; pãar mag aphʉʉ abarm paarjã Ẽwandamau sĩi par okhoopiba nem ajapham deeb khaba deeju. Magua amau warag pãach dakhãauwaijã oob am ogkhamiet, ni atcha okhĩirjuujã amiet.