San Lucas 6:21 - Wounaan Meu

²¹ Onee abat ajim anʉm, pãar ar Ẽwandamau waupim khõsim nem wawaagta jãsoomjo nʉm khʉʉn. Jãgtarr jũrr mʉg atag pãar bʉ̃ʉrjã augcheba wenʉrrajugui ajim anʉm. Onee abat, pãar mʉ gaaimua dauhi paraa durraajem khʉʉn; mʉg atag pãar okhĩirjug khaugba wenʉrrajugui ajim anʉm.

Woun Meu

²¹ Honee habat hajim hanʌm, pãar har Hẽwandamau waupim k'õsim nem wawaagta jãsöomjö nʌm k'ʌʌn. Jãgtarr jũrr mʌg hatag pãar bʌ̃ʌrjã haugchëba wënʌrrajugui hajim hanʌm. Honee habat, pãar mʌ gaaimua dauhi paraa durraajem k'ʌʌn; mʌg hatag pãar hök'ĩirjug k'augba wënʌrrajugui hajim hanʌm.

San Lucas 6:21 Iomraidhean Croise

San Mateo 5:4

’Pãar ar pãach pekau pom nʉm khaug auwi okhĩirjunaa Ẽwandamagta chugpaapi nʉm khʉʉn, onee abat ajim anʉm, ich Ẽwandamauta pãar khĩir jãsenkhawi pãar khĩir onee apiju aawai.

San Mateo 5:6

’Pãar ar Ẽwandamau waupim khõsim nem wawaagta jãsog thʉnʉmjonaa obichag thʉnʉmjo nʉm khʉʉn, onee abat ajim anʉm, mag nem wajapha waum khõchkha nʉm khʉʉn juagta Ẽwandamau dʉi oojeewai.

San Lucas 1:53

Aphʉʉ jãdaúa durrumjo khitheem khʉʉnaujã pʉrʉg jeeuwai pua amachdeu nem ig nʉm thum deejem. Mamʉ riknaan, jũrr pua dau aug ee päaijem, pʉch igba nʉm kõit.

San Lucas 6:20

Mag õor mor masim khʉʉnpa thʉnarr thum monaaukhapʉiwia ich dʉi ogdʉba wenʉrraajerr khʉʉnagta eerpanaa magjim anʉm, ich Jesuupai: —Pãar mʉg mʉ iek ũrm khõchgau dau aphʉʉ wenʉrrʉm khʉʉnta onee abat, mʉg atag pãachta Ẽwandam dʉi ãba jooba wenʉrraju aawai.

San Lucas 6:22

Onee abat ajim anʉm, mʉch chi Emkhooi Iewaa iek ʉkha nʉm gaaimua pãach chikhamnau kha ukhurnaa amach aigmua khãijã warag di chaaur pãach jʉʉrwai. Onee abat, chikhamnau pãach wau iekhamamua khãijã, “Jãg woun chan õor ajapham khabam” a iekhaawai.

San Lucas 6:25

¡Eh, apdurr ajim anʉm, mʉg jẽb gaai nem thum paraa bʉ̃ʉrjã augcheba aajem khʉʉn! Jãgtarr khʉʉnta jũrr mʉg atag dau aug ee wetju. ¡Eh, apdurr ajim anʉm, ar sĩi onee am khõchgau bʉ̃ʉrjã amach mor ewag khĩirjuwia okhĩirjuupaijã aba aajem khʉʉn! Amachdeu ampierr am khõchgau Ẽwandam igba arr jũrr pod amach ʉ̃gthar oberba aawai, mʉg atag am icharaucha bĩe nʉisijugui ajim anʉm. Maimua ĩchab,

San Juan 11:35

Mag gaai machag aademua ich Jesujã bĩejim.

San Juan 4:10

Magbaawai jũrr Jesuu irig, —Ẽwandamau pʉch athee nem deeg wai sim khaphʉnaa khaíuta pʉchig do jeeu simjã khaphʉ akhiin, pʉch garmuata pua mʉrʉg do jeeukhamgui ajim anʉm. Magbaawai mua pʉrʉg õor iiupiejem doota deekhamgui ajim anʉm.

San Juan 6:35

Magbaa Jesuu, —Wajapcharan mʉchpai khabahab ajim, mag pan õor iiupiejem. Mʉig eegarin par pãar thach pom biwaau khowiajã deeu jãsooju. Biwaau do dowiajã deeu obisi aju. Mamʉ chi mʉ iek ʉkhanaa mʉʉta au sim chan tag deeum igbajugui ajim, ich peerdʉ aumkhĩir.

1 Corintios 4:11

Ĩs ewag pawiajã agtha jãdau ãwatnaa obichagjã ãwat nʉm. Khajũadam theg jũjũa ajujã chukhu nʉm dʉi õraujã maar dʉi khaigba aajem. Mag nʉm chan maach di chaarjã chukhu durraajem.

2 Corintios 11:27

Mʉʉta mʉg chitʉm aig wajappha phithurg aunaa dau augta wau chitaajeeba. Biek khapan bʉ̃ʉrjã khãijã khãiba sĩi dau khõreu ee chiraajem; jãdaúajã masnaa obichagjã jẽedʉ khitaajem; biek khapan sĩi Ẽwandam athee nem waum khõchgau wajappha jĩchagaujã masnaa khajũadam atheejã dau aphʉʉ khitaajem.

2 Corintios 12:10

Magua mʉg mʉch serbiibanaa kha thũumjo chirʉm ãba, onee chiraajem, õrau mʉch khĩircha iekha nʉmjã igba. Mʉchdeu nem ig chirʉm chukhu awiajã magʉm aba, õrau mʉch pʉr auju ẽkhaajemjã igba, Cristo gaaimua mʉch dau aug wau chitʉm ãba mʉʉn onee chiraajem. Wajapcharan mʉʉn ar kha thũumjo chirʉm aigta Cristooujã warag mʉ juapá jãgpi simjo aajem.

2 Corintios 6:10

Amau oowai okhĩirjuumjo chiraajeeb mamʉ, onee chirʉmta jãg chiraajem; amau mʉ dau aphʉʉmjo oojeeb mamʉ, mag chirʉmuan jũrr õor khapan nem jua paraamjo apiejemta mʉg chirʉm; amau oowai mʉ bʉ̃ʉrjã nem inagdam chukhu chitʉmjo oojeeb mamʉ, bʉ̃ʉrjã augchee khaugba chitʉm.

Santiago 1:12

Woun ãbmua mag prueba khĩir pogkhe ich gaai burr nʉmjã ʉuta dʉi juapadam ubʉ ãwatbapʉimʉn onee abá. Mag amʉn magan ich Ẽwandamauchata irig, “Ʉu chadchata pua jʉmpʉijim” awia, ich aar auwia, ich mag ich dʉi wai sĩsiju, thum mʉig eegar aawai ich daupii aajerr khʉʉnan warrgarwejã magta ich aar auju jaautarr aawai.

Apocalipsis 21:3

Magbarm ee ʉ̃gtharmua nem theeg õor iekjo, “Ĩsin chadau Ẽwandaman õor ee dau daauta nʉrrʉmgui” ajim, “am kha ogdʉba ich mag sĩerraag. Am i phoborkha nʉisiewai jũrr ichta chadcha am Ẽwandamkha sĩsiju.

Apocalipsis 7:16

Ya jãgbarm aigmua tag am jãsog ãwatba, ni obichagjã ãwatbam; ed pechagaujã khakhaichag khaba, ni edaúajã am phaabamgui” ajim.