San Lucas 6:14 - Wounaan Meu

¹⁴ Mʉkhʉʉn irua jʉr autarr khʉʉn thʉ̃rʉu: Simón, (ichpai Jesuu Pedro a thʉ̃rjim); Andrés, (chi Simón eeum); Santiago, (ichpai ĩchab Jacobo a thʉ̃r sĩejim); Juan, (chi Santiago eeum); Felipe, Bartolomé,

Woun Meu

¹⁴ Mʌk'ʌʌn hirua jʌr hautarr k'ʌʌn t'ʌ̃rʌu: Simón, (hichpai Jesuu Pedro ha t'ʌ̃rjim); Andrés, (chi Simón heeum); Santiago, (hichpai hĩchab Jacobo ha t'ʌ̃r sĩejim); Juan, (chi Santiago heeum); Felipe, Bartolomé,

San Lucas 6:14 Iomraidhean Croise

San Mateo 10:2

Mag maach ich iek jaaumkhĩir ichdeucha doce jʉr autarr khʉʉn mʉkhʉʉn ajim: Simón, (ichpai Pedro a thʉ̃ʉrjem); Andrés, chi Simón eeum; Santiago, jooi Zebedeo iewaa, (ichpai ĩchab Jacobo aajem); Juan, agjo jooi Zebedeo iewaa, Santiago eeum;

San Mateo 10:3

Felipe, Bartolomé, Tomás, Mateo, gobierno debpaar jeeumie arr, (ajapcharan mʉchma, mʉchpai ĩchab Leví aajem); Santiago, jooi Alfeo iewaa, (ichpai ĩchab Jacobo aajem); Tadeo, ichpai ĩchab Lebeo a thʉ̃ʉrjem;

San Mateo 4:18

Biek ãb Jesús thʉrrdo Galilea igaau nʉrrʉmua, õor numí ooimajim aajem. Makhʉʉn khod ãbam khʉʉn ajim: aaijã ãba, ãdjã ãba. Am thʉ̃r, ãb Simón ajim, ich mapai ĩchab Pedro a thʉ̃r sĩejim. Maagwai ãbakhai Andrés a thʉ̃r sĩejim. Amach do ʉamien arr aawai, irua ooimaawai, atarraai bar khodjorrajim aajem.

San Mateo 4:21

Maimua mag Galilea igaau mamua ag atag deeu ũwaai õor numí ooimajim aajem, agjo ãbam khodpai. Makhʉʉn Santiago ajim aajem Juan dʉi, jooi Zebedeo chaain. Makhʉʉnjã do ʉamien arr aawai, irua ooimaawai, amach red thʉrrdʉ sĩsidʉmta kha naajim aajem, bote ee amach aai dʉi. Mag oobaimaa, makhʉʉnagjã Jesuu,

San Marcos 1:19

Mag ereubaadeeu ag atkhajãrpai deeu õor numí botedam ee amach red thʉrrdʉ sĩsidʉm kha nʉm ooimajim aajem. Makhʉʉn jooi Zebedeo chaain ajim aajem, Santiago Juan dʉi.

San Marcos 1:29

Mag judionaan Ẽwandam iek jaaujem deg Jesuu õrag Ẽwandam iek jaau sĩewia oberaau igbaadejim aajem, Simón Andrés dʉi joobaajerr di aar. Mag i mam dʉi i khapeen numí wetjim aajem. Makhʉʉn, Santiago ajim aajem Juan dʉi.

San Marcos 14:33

Magpet awi thãrjuppai ich dʉi phe arrjim aajem: Pedro, Santiago maimua Juan. Maimua amach appai aphobaadem aig, Jesús nem okhĩirjuuga aademua gaai machaaga aadejim aajem.

San Marcos 3:16

Mag ichdeu doce jʉr autarr khʉʉn thʉ̃r, mʉkhʉʉn ajim: Simón, (ichpai Jesuu Pedro a thʉ̃rjim);

San Marcos 5:37

Maimua ya warag Jairo dʉi i di aar mam arr aawai ich mam dʉi õor khapan arrbajim aajem. Ãba ich dʉi arrtarr khʉʉnan Pedro dʉi Santiago ajim aajem, maimua Juan; makhʉʉn thãrjuppai arrjim aajem ich dʉi.

San Marcos 9:2

Mag ich khapeen ãaur khʉʉnag amach daúa ich oopiju jaautarr khur seis días nʉm ee Jesús durrsĩ pom sim gaai majim aajem. Mag ich mam dʉi õor thãrjuppai phe arrjim aajem. Makhʉʉn Pedro ajim aajem Santiago dʉi, maimua Juan. Mag wetwi ya durrsĩ gaai nʉmta amau oo nʉm dakhĩraa Jesús khĩir chaaupabaadejim anaabá.

San Lucas 5:10

Maagwai Pedro khapeen ãbakhai bote ee narr khʉʉnaujã ĩchab amach khapeenau khĩirju narrjo khĩirju nʉisijim anaabá. Mag bote ee naajim aajem Zebedeo chaain, Santiago Juan dʉi. Mamʉ Jesuu chi Simonag, —Simón, oob khĩirjum ajim anʉm. Warr pʉch sĩi do ʉa gaaipai chitarrjo, ĩsmua atagan pʉʉn jũrr mʉ iekta õrag jaau gaaipaita chirsijugui ajim anʉm.

San Lucas 5:8

Mag Jesús ipierraa arr gaaimuapai ãwarr pom pʉr atham oobaawai Pedro dʉi jap ãbam ee narr khʉʉnaupa, “¿Mʉʉn khanim wounta ag na mʉg ooba aajemta ãwarr pom mʉg pʉr aupibarma?” a khĩirju nʉisijim anʉm. Ich mag bʉrre Simón Pedroou Jesús bʉkhʉrr phõbkha thʉnaaimawia irig, —Señor, oob mʉ dʉi ãba nʉrram. Mʉʉn atcha pekau pooma chirʉm pʉ mʉ dʉi nʉrraag ajim anʉm.

San Lucas 6:13

Maimua ãspabaadeewai ich dʉi wenʉrraajerr khʉʉn ich aig thʉ̃rkha auwia mag khapanag eem doce khĩet jʉr aujim aajem. Makhʉʉnta i chognaan i iek jaaujem khʉʉnkha thʉ̃rjim anaabá, apostolnaan.

San Lucas 6:15

Mateo, (ichpai Leví a thʉ̃r sĩejim); Tomás, Santiago, (chi Alfeo iewaa; ichpai agjo Jacobo a thʉ̃r sĩejim); Simón, (Celotenaan ee sĩerr);

San Juan 1:45

Maimua jũrr Felipeeu deeum woun Natanael anʉm jʉraan mawia, irig maguimajim aajem: —Natanael, maran ya Jesús dʉita wenʉrrʉmgui ajim anʉm, ar Nazaret phobor ee woun ãb José aajem ag iewaa dʉi. Ich jãg igwiata Moisés khararrau ẽsap phã pʉarr gaaijã jãg jaaunaa, Ẽwandam i jaaumienaujã jãg jaauba aajeejieba aimajim aajem Felipeeu.

San Juan 14:8

Magbaawai jũrr Felipeeu ich Jesuug, —Señor, magan marag maach daúachata pʉch Aai oopibá, mag oobaawai marau khaphʉ nʉisijugui ajim, i jãga sĩerrʉ́.

San Juan 6:5

Jesuu oowai mag ich ẽudee õor pooma beewia pos aichem oobaawai Felipeegta, —Felipe, õor pom mʉg wejom athee ¿jamta maadeu khoju bawaagauma? ajim.

San Juan 6:8

Magbaawai maar khapeer ãb Simón Pedro eeum Andrés a thʉ̃ʉrjerrau,

Hechos 1:13

Mag wetwia phobor ee paaukhabaimaawai ʉ̃gthaa amach jẽerjem aar ãba biirdʉ nʉisijim aajem. Maig naajim aajem: Pedro, Santiago, Juan, Andrés, Felipe, Tomás, Bartolomé, Mateo, Santiago jooi Alfeo iewaa, Simón ibʉʉr wauwia Celote a thʉ̃ʉrjem, maimua Judas, woun ãb deeum agjo Santiago anʉm dʉi ãbam khʉʉn.

Hechos 12:2

Mag pʉrkha auwia ãb Juan dʉi khod ãbam Santiago a thʉ̃ʉrjerr ich soldaaunag thuthuíu o thʉappʉipijim anaabá.

2 Pedro 1:1

Mʉʉn Simón Pedroou, ich Jesucristooucha ich i jaaumkhĩir jʉr autarr; muata pãrag mʉg ẽsap phã deepʉi chirʉm, pãraujã maach ich Jesucristooucha jʉr autarr khʉʉnau ʉkha nʉm iekpaita ʉkha naawai. Pãrau mag ʉkha nʉmʉn, maach Ẽwandam anaa maach peerdʉ aaujem Jesucristo thumaam khʉʉn dʉi nem agcha aajeewai, iwiir ãbam khʉʉnagpaita mag ich iek ʉkhapim khõsi khaba, thumaam khʉʉnagta agdaujo ʉkhapim khõsi aajeewaiu. Magua maach ich Jesucristo dʉicha wenʉrraajerr khʉʉn khaibag chugpatarrjo pãar maar khãai ẽudeecha ʉkhatarr khʉʉn khaibagjã ichdeuchata chugpatarr aawai, maach thumaam khʉʉn oneg ãbata nʉm, ãbam iekta ʉkha naawai.