San Lucas 6:13 - Wounaan Meu

¹³ Maimua ãspabaadeewai ich dʉi wenʉrraajerr khʉʉn ich aig thʉ̃rkha auwia mag khapanag eem doce khĩet jʉr aujim aajem. Makhʉʉnta i chognaan i iek jaaujem khʉʉnkha thʉ̃rjim anaabá, apostolnaan.

Woun Meu

¹³ Maimua hãspabaadeewai hich dʌ̈i wënʌrraajerr k'ʌʌn hich haig t'ʌ̃rk'a hauwia mag k'apanag heem doce k'ĩet jʌr haujim haajem. Mak'ʌʌnta hi chognaan hi hiek jaaujem k'ʌʌnk'a t'ʌ̃rjim hanaabá, apostolnaan.

San Lucas 6:13 Iomraidhean Croise

San Mateo 10:2

Mag maach ich iek jaaumkhĩir ichdeucha doce jʉr autarr khʉʉn mʉkhʉʉn ajim: Simón, (ichpai Pedro a thʉ̃ʉrjem); Andrés, chi Simón eeum; Santiago, jooi Zebedeo iewaa, (ichpai ĩchab Jacobo aajem); Juan, agjo jooi Zebedeo iewaa, Santiago eeum;

San Mateo 19:28

Magbaawai Jesuu magjim: —Cha mʉ iekha chirʉm iekhau mʉg durr jooi edaujã dʉi thum chi iiurig pawia mʉch chi Emkhooi Iewaa õor Porkhaag khu juupjem wajappha khitʉm gaai oo chirsim ed, pãar mʉg mʉ ogdʉba mʉ dʉi wenʉrraajem khʉʉnta mʉ jup chirʉm bigaau porkhau doce nʉm gaai ohood ajugui ajim. Pãachdeuta mʉ dʉi pãach ipaarmua jooi Jacob khararr chaain doce narr khʉʉn ag chaain ewagam khʉʉnagjã khap jajaau aju, jãgaju Ẽwandamau am dʉi.

San Mateo 9:36

Mag nʉrrʉmua sĩi õor pooma oveja chaaindamta chi thʉajã chukhu sĩi dau aphʉʉ parhoob aaidʉ thʉnʉmjo oobaawai, am dau aug khaugwi,

San Marcos 6:30

Magtarr khur Jesús khapeen mag ichdeu pʉitarr khʉʉn deeu i aig barchejierram aajem. Mag beewia deeu ãbam aig naaicheewai amachdeu õrag Ẽwandam iek jaaujerr dʉi õor monaaumarrpa thum irig jaauchejierram aajem.

San Marcos 6:7

Mag nʉrrʉmua Jesuu biek ãb ich khapeen doce ich dʉi ogdʉba wenʉrraajerr khʉʉn ãbam aig thʉ̃rphe auwi nunumdo pʉyaagpajim aajem. Mag pʉyaagpamua ĩchab ich juapa theegjã amag deemajim anʉm, mag juapaau õor mor eem dosãt ben khaigbampa ich denjo jʉr werpmamkhĩir.

San Lucas 11:49

Jãgju khaphʉta Ẽwandamau ich khĩirjug ee ĩchab magjim: “Mua pãar athee õor pʉiju, mʉch i jaau wenʉrramkhĩir. Mag mua jʉr auwia pʉibarm khʉʉn ãaur khʉʉn khechpʉiwia ãaur khʉʉn ẽudee sĩi khoojem nem ẽudeemjo ẽkhaju” a jaaujim warrgarwe. Magtarr aawai ĩs ewag pawiajã chadcha pãar ich magta thʉnaabahab. Magua pãade mʉ iek ũrbat ajim anʉm:

San Lucas 22:30

Mag mʉchta thumaam khʉʉn Porkha chirsim edta deeu maach ãba onee aju. Maimua rey juupjemjom sie gaai jupkhawia pãachta mʉ dʉi jooi Jacob khararr chaain doce narr khʉʉn ag chaain ewagam khʉʉn porkhajugui ajim anʉm.

San Lucas 6:14

Mʉkhʉʉn irua jʉr autarr khʉʉn thʉ̃rʉu: Simón, (ichpai Jesuu Pedro a thʉ̃rjim); Andrés, (chi Simón eeum); Santiago, (ichpai ĩchab Jacobo a thʉ̃r sĩejim); Juan, (chi Santiago eeum); Felipe, Bartolomé,

San Juan 4:33

Warag maachig magbaawai jũrr, —¿Wa ãbmua i athee thach khomkhĩir deethurtarr aawaita mag sĩwa? aajeejim marau.

Hechos 1:13

Mag wetwia phobor ee paaukhabaimaawai ʉ̃gthaa amach jẽerjem aar ãba biirdʉ nʉisijim aajem. Maig naajim aajem: Pedro, Santiago, Juan, Andrés, Felipe, Tomás, Bartolomé, Mateo, Santiago jooi Alfeo iewaa, Simón ibʉʉr wauwia Celote a thʉ̃ʉrjem, maimua Judas, woun ãb deeum agjo Santiago anʉm dʉi ãbam khʉʉn.

Efesios 2:20

Pãran ĩchab sĩi Ẽwandamau ich athee di ewaag dipá jʉr wai simjota nʉm. Ich Jesuucha ich i jaaumkhĩir jʉr autarr khʉʉn warrgar ĩchab Ẽwandam i jaaujerr khʉʉn dʉi chi dipákha nʉm. Maagwai pãar jũrr chi dipá daígkha naawai makhʉʉn ʉ̃rta chi eu simua bʉrkha arrum. Maagwai ag eegar chi big pomaam chi dihãdkha sim ich Jesucristoou.

Efesios 4:11

Mag ich Cristoouta ich jua theeg chi ʉkha nʉm khʉʉnag jigmaju atarr aawai chadcha ichdeuta ãaur khʉʉn ich iek durrpierr aaidʉ jaaujem khʉʉn khapijim, apostolnaan; ãaur khʉʉn sĩi ichdeu iek jaaumamta jũrr warm khʉʉnag chi jaaujem khʉʉn khapijim, profetanaan; ãaur khʉʉn sĩi maach peerdʉajem iek jaaumamua iita õrag amach thãar ee aupi jaaujem khʉʉn khapijim, evangelistanaan; maagwai ãaur khʉʉn ya ich iek ʉkha durrum khʉʉn pekau ee burrm ugua am thʉajem khʉʉn pastornaan khapinaa, ich iek jaau khaug amkhĩir maestronaan khapijim.

Hebreos 3:1

Magua hermanonaan, pãar ar Ẽwandam dʉipai wenʉrrʉm khʉʉn, ar maachta ich aar phe awaag ich chaainkha autarr khʉʉn, pãade mʉ iek ũrbat: Jesucristota chadcha ich Ẽwandamaucha ich iek jaaumkhĩir jʉr auwi pʉitarrau. Ichta ĩchab ĩsin warrgar phadnaan por aajerrjo maach kõit Ẽwandam dʉicha iekhaajemʉu. Ʉu i gaaimua maadeu chadcharam iekta ʉkha nʉm.

2 Pedro 3:2

Pãrag khĩir eyaa apim khõsi chirʉmʉn, warrgarwe Ẽwandamau ich i jaaumkhĩir jʉr autarr khʉʉnau jaaujerrta khĩir eyaa api chirʉm. Mag nʉm dʉi ĩchab ich maach Por anaa maach peerdʉajem Cristooucha jaau pʉawi jũrr maach ichdeu jʉr auwi pʉitarr khʉʉnaucha pãachig jaautarrta agjo khĩir eyaa apim khõsi chirʉm.

Apocalipsis 12:1

Maimua edaujã ee ijaaur oberjim, Ẽwandamau ich jua theeg oomkhĩir pʉitarr. Mag ijaaur obertarr mʉg ajim: Ʉʉirauta sĩi ãsdawam edauta khajũajo jũanaa jũrr edaram edau arg gaai oo dʉnʉm edjã eemua oberchejim. Ich mag ʉʉirau porsir jũa sim gaai phĩdag sĩi docen ãb phuphup sĩejim.

Apocalipsis 18:20

Mamʉ warm khʉʉn mag bĩephoo thʉnʉm daar, ʉ̃gtharm magwe onee abat. Onee abat ĩchab Ẽwandam chaain, Ẽwandam i jaaumien, maimua ich i jaaumkhĩir ichdeucha jʉr autarr khʉʉnjã agjo onee abat. Ẽwandamau Babiloniapien dʉi jãgbarmua, jũrr pãarta irua dau ee aug khaugwi am gaaita mas dee sim khabahab, amachdeu pãach dʉi aajerrjo.

Apocalipsis 21:14

Mag phobor igaau thuur phʉʉrdʉ simʉn, mokdau por dapag doce nʉm gaaita khaarkha thʉnaajim. Mag mok por nʉmpierr ĩchab Corderoou ich i jaaumkhĩir doce jʉr autarr khʉʉn thʉ̃rjã gaai phãkha sĩsid ajim.