San Lucas 5:5 - Wounaan Meu

⁵ Magbaawai Simonau jũrr magjim anʉm: —Aay, edaar maach daúa bʉ̃ʉrjã khãiba parii ʉreu eedʉtkhamaamjã bʉ̃ʉrjã marau pʉr aubajim. Mamʉ pʉ iek aawai deeu mua chach oojuke ajim anʉm.

Woun Meu

⁵ Magbaawai Simonau jũrr magjim hanʌm: —Aay, hedaar maach daúa bʌ̃ʌrjã k'ãiba parii hʌrëu hëedʌtk'amaamjã bʌ̃ʌrjã marau pʌr haubajim. Mamʌ pʌ hiek haawai deeu mua chach hoojukë hajim hanʌm.

San Lucas 5:5 Iomraidhean Croise

San Lucas 17:13

Mag oberdʉtkhachewia warppaimua irig ähäakhamua, —Maestro Jesús, maar apdurrum maar dau aug khaugbahur aajeejim anʉm.

San Lucas 8:24

Amachdeu mag oophobaadeewai i khãi jorrom aar mawia, —¡Maestro, phiidʉbaad! Ya maachin khoogpamgui ajierram anʉm. Magbaawai phiidʉwia, phũ theeg thʉnʉmʉg meeurrau sĩunaa, ĩchab chi phũasagjã meeurrau sĩubaawai, tag phũjã weba phũasdaujã baupa khaba, warre sĩi dojã meuu joisijim anaabá.

San Lucas 8:45

Magbaawai Jesuu, —¿Khaíuta mʉ gaai pʉrbaichema? ajim anʉm. Mamʉ ãbmuajã jaauba aawai Pedroou ich khapeen dʉimua, —Maestro, khaíu abarjugui ajim anʉm. Pʉch aig õor phẽeudʉdʉkham khʉʉnau khabahab, pua mag chirʉm.

San Lucas 9:33

Mag ãba dʉnʉnʉidʉ naawia chi warm khʉʉn i aigmua wetaag ẽkha nʉm ee, Pedroou irig, —Maestro, ʉu chi agamjo nem ajaug maar mʉig nʉm, ¿jãgwia maadeu rãichdi thãrjup eu aubá? ajim anʉm, ãb pʉ athee, ãb Moisés athee maimua ãb Elías athee. Mamʉ mag sim chan Pedroou ich iekha simjã khaugba simta mag iekha dʉnaajim anʉm.

San Lucas 9:49

Magbaawai Juanau Jesuug, —Maestro, marau woun ãb oojimgui ajim anʉm. Mag wounau iekhamamua pʉ thʉ̃r thʉ̃rnaa õor mor eem meperag obeerpi jaaubaawai chadcha obeerpʉi maajeejim. Mamʉ maarjo pʉ dʉi nʉrraba aajemuata mag sĩewai marau irig tag õor mor eem mepeen jʉrkhʉʉipiba jaaujimgui ajim anʉm.

San Juan 15:14

Pãrau mua nem jaau chirʉmta ipierraa amʉn, magan pãarta mʉ khapeenaugui ajim.

San Juan 2:5

Pari ich iewaau ichig magbaawai chi phiejãb wau narr khʉʉnagta warag ich ũan Mariaau, —Irua pãachig nem mag aawai i ipierraa abat ajim.

San Juan 21:3

Mag nʉmta Simón Pedroou maar na, —Mʉ do ʉakhemgui ajim. Magbaawai marau, —Magan maarjã pʉ dʉi wetjugui ajim. Mag, chadcha marau ereubaadewi bote ee dojãrr paaukhabaadejim. Pari mag ed chan par ich mag ʉa eetarrjã ni ãbjã thõobajim.