San Lucas 5:27 - Wounaan Meu

²⁷ Maigmua oberwia igbaadeeu ooimajim aajem, woun ãb Leví a thʉ̃r sim. Mag woun õrau debpaar phagaan beejem aig mes gaai päar sĩejim aajem, gobiernoog õrau debpaar paraa nʉm jeeu nʉm phidagta phidkha sĩerr aawai. Magʉgjã Jesuu, —Mʉ dʉi marrau ajim anʉm.

Woun Meu

²⁷ Maigmua höbërwia higbaadeeu hooimajim haajem, woun hãb Leví ha t'ʌ̃r sim. Mag woun hõrau dëbpaar p'agaan bëejem haig mes gaai päar sĩejim haajem, gobiernoog hõrau dëbpaar paraa nʌm jëeu nʌm p'idagta p'idk'a sĩerr haawai. Magʌgjã Jesuu, —Mʌ dʌ̈i marrau hajim hanʌm.

San Lucas 5:27 Iomraidhean Croise

San Mateo 10:3

Felipe, Bartolomé, Tomás, Mateo, gobierno debpaar jeeumie arr, (ajapcharan mʉchma, mʉchpai ĩchab Leví aajem); Santiago, jooi Alfeo iewaa, (ichpai ĩchab Jacobo aajem); Tadeo, ichpai ĩchab Lebeo a thʉ̃ʉrjem;

San Mateo 16:24

Maimua ichdeupai jũrr maach thumaam khʉʉnagta, —Chadcha pãrau mʉ iek pãach thãraucha ʉkha nʉm khai, magan mua nem waupi jaau chirʉm appaita waubat, “Mʉchdeuta khap chirʉm mʉchdeu nem wauju” a iekhaba. Mʉ gaaimua chikhamnau pãach dau aphʉʉ thõoju khĩirjuwia khãijã magʉmjã igba waragta ʉkhanaat ajim.

San Mateo 8:22

Magbaa jũrr Jesuu irig, —Magju khãai warre mʉ dʉita marrau ajim anʉm. Ideu ar jãg amach Ẽwandam iek ʉkhamaaugau chi thõmjo nʉm khʉʉnagta amach binaan beppibá ajim anʉm irig.

San Marcos 3:18

Andrés, Felipe, Bartolomé, Mateo, (ichpai Leví a thʉ̃r sĩejim); Tomás, Santiago, chi Alfeo iewaa, (ichpai agjo Jacobo a thʉ̃r sĩejim); Tadeo, (ichpai Judas anaa Lebeo aajeejim); Simón chi Cananista, maimua

San Lucas 18:22

Jesuu i mag iekha sim ũrbaawai irig, —Mamʉ agtha khĩir ãb pua waaur wai sĩebahab ajim anʉm. Pʉch nem thum perkhʉʉipʉiwia chi phatkhon aphʉʉ khitheem khʉʉnag jigbapʉi. Maimuan chadau mʉ ẽudee pidú ajim anʉm, mʉ dʉi chitam khõsi chirʉm khai. Pua magmʉn, ʉ̃gthar pawiajã bʉ̃ʉrjã augcheba, phatkhon khãaijã nem ajapham pomta wai chirsijugui ajim anʉm irig.

San Juan 1:43

Ag noram Jesús jũrr Galilea durr maju aadejim. Mag nʉm ee Felipe dʉi oojim. Mag oobaawai irig, —Felipe, mʉ dʉi marrau ajim.

San Juan 12:26

Maimua ĩchab chi chadcha mʉ chogkhanaa mʉ dʉi nʉrram khõsi simʉn, ichdeu khõchagpierr nem wauba, mʉchdeu nem waupim khõsimpaita wau nʉrraju aai sim. Mag amʉn magan am wenʉrrʉmpierr mʉchjã am dʉi chitajugui ajim. Ãbmua magta mʉ chogkha nem wau nʉrrʉmʉn, mʉ Ayaujã ich khĩircha i tho iekhajugui ajim.