San Lucas 5:25 - Wounaan Meu

²⁵ Magbarm bʉrre thumaam khʉʉn dakhĩir phiidʉbaadewia, ich waibeetarr pa bʉʉrkham dʉi putpa phe auwia, ich diig petajim anaabá. Mag mamua, “Ĩsin chadau Ẽwandam purua mʉ ʉu abarm” a ijẽjẽbag majim anʉm, onegau.

Woun Meu

²⁵ Magbarm bʌ̈rre t'umaam k'ʌʌn dak'ĩir p'iidʌbaadëwia, hich waibëetarr pa bʌʌrk'am dʌ̈i putpa p'ë hauwia, hich diig petajim hanaabá. Mag mamua, “Hĩsin chadau Hẽwandam purua mʌ hʌ̈u habarm” ha hijẽjẽbag majim hanʌm, honegau.

San Lucas 5:25 Iomraidhean Croise

San Mateo 9:8

Magbarm oowia aig narr khʉʉn dauderraa nʉisijim anʉm. Mag nʉm iekhau warag Ẽwandamagta, “Ʉuhcha jãgbarm, Ẽwandam. Jãan pʉch jua theegauta mʉg wounag jãgpibarm” ajierram aajem.

San Marcos 2:12

Magbaawai ag bʉrre chadcha phiidʉwia, ich wai beetarr pa bʉʉrkham dʉi ich putpa ãbamʉg phe auwia, thumaam khʉʉn dakhĩir nem moná dawag oberbaadejim anaabá. Mag oberbaadem oowi aig narr khʉʉn dauderraa nʉisijim anʉm. Mag nʉm iekhau Ẽwandam tho iekhamamua, “Ẽwandam, ag na marau bʉ̃ʉrjã mʉg nem ooba aajemta ĩsta chadcha pua marag pʉch jua theeg oopibarm. Pʉchta chadcha chi jua thierriu Ẽwandam” anaajim aajem, irig jeeumamua.

San Lucas 13:13

“Mua pʉ monaaukhim” anaa, i ʉ̃r jua ausĩubarm bʉrre phõ thʉrrkha khajappha oo dʉnʉisijim anaabá, monakkha. Mag ich monaaubapäaiwai onegau Ẽwandamag, “Ẽwandam, ĩsin chadau pua mʉ ʉuta abarm. Pʉjo jua theegkham chan mʉg jẽb gaai chukhum. Ʉu abarmgui” ajim anʉm.

San Lucas 18:43

Jesuu magbarm bʉrre chadcha dau eerdʉ sĩsiwia ich bi eem daujo daujã ajaug sĩsijim anaabá. Magbaawai warag i dʉi mamua onee Ẽwandamag jeeumamua, —Ẽwandam, ĩsin chadau pua mʉ ʉuta abarm. Pʉjo jua theegkham chan mʉg jẽb gaai chukhum a ijẽjẽbag majim aajem. Jesuu mag woun dau monaaubarm oobaawai ĩchab mag õor khapan thʉnarr khʉʉnaujã Ẽwandamag jeeumamua irig “Ʉu ajim” ajierram aajem.

San Lucas 5:13

Magbaawai Jesuu i gaai pʉrnaa, —Mua pʉ monaaum khõsi chirʉm; monaau chirsí magan ajim anʉm. Magbarm bʉrre chi phĩe kha dodos chirarr monaau sĩsiewai mor ajappha sĩsijim anaabá.

San Juan 9:24

Magbaawai i iek chi thethemnaanau deeu ichchata thʉ̃r aunaa, —Chadcha Ẽwandam dakhĩir meerba marag jaaubá ajierram anʉm. Oob Jesuuta pʉch monaaujim am. Marau khaphʉ nʉmgui ajierram anʉm, jãan pekau pom sĩerrʉm.