San Lucas 5:24 - Wounaan Meu

²⁴ Mamʉ mʉch chi Emkhooi Iewaata chadcha Ẽwandamau juapá deetarrau mʉg jẽb gaai pekau chugpaagjã jua theeg chirʉm a khap amkhĩir, pãrag oopikhimgui ajim anʉm. Maimua chadcha chi khapá jʉser khitʉmʉgta, —Phiidʉbá. Pʉch put juurwia, pʉch diig petá ajim anʉm.

Woun Meu

²⁴ Mamʌ mʌch chi Hemk'ooi Hiewaata chadcha Hẽwandamau juapá deetarrau mʌg jẽb gaai pekau chugpaagjã jua t'eeg chirʌm ha k'ap hamk'ĩir, pãrag hoopik'imgui hajim hanʌm. Maimua chadcha chi k'apá jʌser k'itʌmʌgta, —P'iidʌbá. Pʌch put juurwia, pʌch diig petá hajim hanʌm.

San Lucas 5:24 Iomraidhean Croise

San Mateo 16:13

Mag wetwia deeum durr Cesarea de Filipo anʉm paaukhabaimaawai ich Jesuu marag, —Õrau mʉch chi Emkhooi Iewaa igwia iyʉʉ nʉm ũurwai, am iek ¿mʉ khai aajẽ? ¿Pãrau ũrba aajẽ? a jeeujim.

San Mateo 25:31

’Mʉch chi Emkhooi Iewaata ʉ̃gtharmua mʉch chognaan angelnaanau phʉʉr thuur beem edan, mʉchta chi Rey aawai mʉch khu juupjem wajappha sim gaaita jupchejugui ajim, õor dʉi mʉchdeu khap nem wawaag.

San Mateo 26:64

Magbaa Jesuu irig, —Pua khabá ag eyaa jaaubapʉim ajim anʉm. Mʉ cha iekha chirʉm iekhau mʉg woun Emkhooi Iewaa Ẽwandam chi jua thierr bigaau i juachaar gar oo sim pãrau pãach daujãau oowi edjã baug ee urumjã oojurau a iekhajim aajem, aig narr khʉʉn dakhĩir.

San Mateo 28:18

Mag nʉm ee warag maar aig beewi maar dʉi iyʉʉmamua magjim: —Ya mʉ Ayau mʉrʉg ʉ̃gtharm khʉʉn dʉijã iek theeg apinaa mʉig eegarm khʉʉn dʉijã iek theeg apibarmgui ajim.

San Mateo 4:24

Siria durram magwe Jesús mag nʉrrʉmʉn bĩi wejorr aawai, õor khamor machag khĩirpierram khʉʉnta i aig waibeejeejim anaabá: sĩi khajapham khamor machag paraam khʉʉn, kha mamachdog paraam khʉʉn, dosãt ben paraam khʉʉn, por benmie paraam khʉʉn maimua bʉ wa jua khãijã jʉserm khʉʉnpa waibeemamʉn, Jesuu monaaupʉi maajeejim anaabá.

San Mateo 9:6

Mamʉ mʉch chi Emkhooi Iewaata chadcha Ẽwandamau juapá deetarrau mʉig eegar õor pekau chugpaagjã jua theeg chirʉm khap amkhĩir, pãrag oopikhimgui ajim anʉm. Magnaa chi khapá jʉser khitʉmʉgta, —Phiidʉbaad, maimua pʉch put juurwia pʉch diig petá ajim anʉm.

San Lucas 5:13

Magbaawai Jesuu i gaai pʉrnaa, —Mua pʉ monaaum khõsi chirʉm; monaau chirsí magan ajim anʉm. Magbarm bʉrre chi phĩe kha dodos chirarr monaau sĩsiewai mor ajappha sĩsijim anaabá.

San Lucas 5:18

Mag nʉmta õrau woun ãb khapá jʉser khitʉmta pa bʉʉrkham gaai waiduraa ajierram aajem, Jesús sim aar wai dubwia i khĩirphee werba sĩwaag, monaaupʉimkhĩir.

San Lucas 5:23

¿Wa mag pekau chugpaabarmjã dau daau ooba naawai pãrau khĩirjuawai chadcha phithurg chukhu thumaam khʉʉnau mag iekhaju aai nʉm a nʉwa? Chadcha thumaam khʉʉnau mag iekhaju aaima. Mamʉ mua irig “Phiidʉwi dʉrdʉr abá” akhiin, õrau amach daúacha ooju, i monaau sĩsi wa monaauba khãijã ich mag sĩsim. Magua pãrau mʉ denjo chan cha mua jawaagpamjo abajugui ajim anʉm.

San Lucas 7:14

Magnaa warag aig beewia chi binaan arrum pa gaai pʉrbaicheewai chi arrmaa arr khʉʉn dʉnʉisijierram aajem. Magbaawai chi binaan ẽwan sĩerrag, —Mʉ iekhau phiidʉbaad ajim anʉm.

San Lucas 8:54

Mamʉ amau mag nʉmjã ũrba, warag dubwia chi binaan juadam gaai pʉrnaa, —¡Ʉʉikhaardam, phiidʉbaad! ajim anʉm.

San Juan 11:43

Mag iekhawia deeu ichdeupai jũrr mag chi meem jẽb deg sĩerragta i thʉ̃rcha thʉ̃rthʉ̃rnaa thet, —Lázaro, dawag oberbaiche ajim.

San Juan 17:2

Mʉ pʉch Iewaa aawai pʉchdeuta mʉrʉg mʉg durr gaai thumaam khʉʉn khãaijã iek theeg ʉ̃rpai apinaa, pʉchdeu mʉch iek ʉkhapimam khʉʉnjã ĩchab mʉch dʉi ich mag wenʉrraju aai apieg ʉu pua mʉrʉg pʉch jua theegjã deejimgui ajim.

San Juan 3:13

’Agtha iwiir ãbjã ʉ̃gthar Ẽwandam sim aar maba sim, i khĩirjug khap aag; ãba i aarmua beetarr wounaupaita Ẽwandam khĩirjugan khaphʉ simgui ajim, õrag jawaag; wajapcharan mʉch chi Emkhooi Iewaama. Mʉch khabahab ajim, Ẽwandam aarmua beetarr aawai deeu i aar maju.

San Juan 5:27

Mag nʉm dʉi ĩchab mʉrʉgta õor ich aar auju wa auba isegju a jaaumkhĩirjã iek theeg apijimgui ajim, mʉchta Emkhooi Iewaa aawai.

Hechos 14:10

—Phiidʉwia bʉ ubʉ dʉnʉisí ajim anʉm. Magbaawai chadcha phuddʉ dʉnʉisiwia warag dʉr nʉnʉʉu khabaadejim aajem.

Hechos 5:31

Pãrau i mag thõopʉijieb mamʉ, Ẽwandamau jũrr ichta thumaam khʉʉn khãyaujã ʉ̃rʉʉcha apiwia, ĩchab chi Porkhanaa õor peerdʉajem khapijimgui ajim anʉm, magbaawai i gaaimua Israel durram khʉʉnau amach khaibag ãsie ewag khĩirjuwia Ẽwandamag chugpaapi jeeubaawai irig warre mag khaibag chugpaapʉimkhĩir.

Hechos 9:34

Magʉg Pedroou, —Eneas, phiidʉbá ajim anʉm; Jesucristoou pʉ monaaubarm. Pʉch putdam juur kherbá ajim anʉm. Magbaa chadcha ag bʉrre Eneas phiidʉbaadejim aajem.

Hechos 9:40

Magbaawai ich Pedroou õor thum dawag jʉrkhʉʉipʉiwi, kanieu phõbkhanaa, Ẽwandamag oraajim aajem. Mag oraa aaipawi chi binaanag oonaa, —Tabita, phiidʉbá ajim anʉm. Magbaawai chadcha chi binaanau dau ẽe oowia Pedro khĩir eerpa athaawai phiidʉ oo sĩsijim anaabá.

Apocalipsis 1:13

Maimua mag lámpara siete nʉm jãrr mua oowai, woun ãb ich Jooi Iewaa Jesujoo simta ichkhaarjã araa correerjo phĩr den phuu khitʉmua ãi jʉ̃naa khajũa bʉ duurga khĩeb bʉ khãdau aar jũa dʉnʉm oojim.