San Lucas 5:22 - Wounaan Meu

²² Mamʉ Jesuu amau mag khĩirju nʉm khaphʉ sĩerr aawai amag magjim anʉm: —¿Khantheeta pãar jãg thãar khaigba khĩirju sĩsid aajẽma?

Woun Meu

²² Mamʌ Jesuu hamau mag k'ĩirju nʌm k'ap'ʌ sĩerr haawai hamag magjim hanʌm: —¿K'ant'eeta pãar jãg t'ãar k'aigba k'ĩirju sĩsid haajẽma?

San Lucas 5:22 Iomraidhean Croise

San Mateo 12:15

Mag ich thõopʉiju khĩirju phobaadem ich Jesuu khaug athaawai ichta warag aigmua petajim. Mag i petaawai õor pom dʉi i ẽudee wetjim. Jesuu mor masim khʉʉn thum ich aig waibee nʉm monaaupʉi maajeejim.

San Mateo 12:25

Pari amau amach eepai mag nʉmjã Jesuu khaphʉ sĩerr aawai jũrr ich garmua amag magjim: —Pãrau oowai, gobiernoou ich igar nʉm khʉʉn jãrrcha thoonaa amach wir aigpai werbʉpikhiin, ¿mag gobierno warre khʉt mabaju khai? Wa ãbmua khãijã ich chaain dʉipai meeukhawi amach wir aigpai werbʉkhiin, ¿warag aaidʉbaju khai?

San Mateo 9:4

Mamʉ amau mag khĩirju nʉmjã Jesuu khaphʉ sĩerr aawai magbaawai amag magjim anʉm: —¿Khantheeta pãar jãg thãar khaigbata khĩirju sĩsid aajẽma?

San Marcos 8:17

Pari Jesuu amachig mag iekhabarmjã bʉ̃ʉrjã khaugba naajim aajem. Mag ichdeu iekhabarmjã khaugba warag sĩi ich ichaaur iyʉʉ nʉm khaug athaawaita amag magjim anʉm: —¿Pãach odegan pãraun sĩi pan chukhum gaaimuata mua pãachig magjimpii naab? ajim anʉm. Mua maata pãrag jaauba chirʉm. Jãgan jãg nʉm aiguin pãrau chan mua nem waaujemjã agtha khaugbata naabma ajim anaabá.

San Lucas 24:38

Mamʉ mag jãphierr nʉm oobaawai ichdeu amag, —¿Khanthee pãrau pãach khĩirjug eepai “mʉʉta akhaar” anʉ́? ajim anʉm.

San Lucas 5:21

Mag ũrwia fariseonaan dʉi Ẽwandam iek athee chi machnaanpa aig narr khʉʉnau amach odegpai, “¿Chijãg wounta Ẽwandam na mag iekha sĩma? ¿Khaíu mʉig pekau chugpaaju aai sĩ? Ẽwandamau khabam chan pekau chugpaa auba aajem” anaajim anʉm.

San Lucas 5:23

¿Wa mag pekau chugpaabarmjã dau daau ooba naawai pãrau khĩirjuawai chadcha phithurg chukhu thumaam khʉʉnau mag iekhaju aai nʉm a nʉwa? Chadcha thumaam khʉʉnau mag iekhaju aaima. Mamʉ mua irig “Phiidʉwi dʉrdʉr abá” akhiin, õrau amach daúacha ooju, i monaau sĩsi wa monaauba khãijã ich mag sĩsim. Magua pãrau mʉ denjo chan cha mua jawaagpamjo abajugui ajim anʉm.

Hechos 5:3

Mag amach aar deebaimaawai Pedroou chi Ananiaag magjim anʉm: —Ananías, ¿Jãgwi jẽb pertarr param phatkhon pua thum deecheba, ag eem pãach athee autarrta, “Thum deechejim” a chirʉ́? ajim anʉm. Pʉch jãg seukha simua Ẽwandam Akhaarpata pua khũgur auju ẽkha sĩebahab ajim anʉm.

Hebreos 4:12

Mʉg Ẽwandam iekhan ich mag chugpaa khaugba sĩerranaa nem jua theeg sĩerrʉm, ich Ẽwandam iek aawai. Maguata thuthui phõpá garm magwe dee sim khãaijã nem degcha sĩewai maach pa akhaar oonaa maach o akhaarjã khaug aaujem. Maach khĩirjugjã khogreu jʉrnaa dichdeu nem wauju dich thãar eepai wai sĩsidʉmjã khaug aumaajem.

Apocalipsis 2:23

I chaainjã warre khechpʉiju anaabá. Mag oobaawaita thum iglesia nʉnʉidʉm eem khʉʉnau khakhapdo aju anaabá, ichdeuta chadcha õor thumaam khʉʉn thãar khaphʉnaa am khĩirjugjã khaphʉ chitʉm. I iek õrau khaphʉ aju aajem ĩchab, amachdeu nem waumarrpierr ichdeuta am dʉijã amachdeu aajerrjo aju.