San Lucas 5:17 - Wounaan Meu

¹⁷ Biek ãb Jesuu Ẽwandam iek jaau sim aig fariseonaan dʉi Ẽwandam iek athee chi machnaanpa ohood thʉnaajim. Makhʉʉn phobordam nʉnʉidʉmpierrmua beetarr khʉʉn ajim aajem: Galilea durrmua beetarr khʉʉn, Judea durrmua beetarr khʉʉn, maimua ĩchab Jerusalenpienpa dʉi naajim aajem. Maagwai Ẽwandam juapa theeg i gaai sĩejim anʉm, õor monawaag.

Woun Meu

¹⁷ Biek hãb Jesuu Hẽwandam hiek jaau sim haig fariseonaan dʌ̈i Hẽwandam hiek hat'ee chi machnaanpa hohood t'ʌnaajim. Mak'ʌʌn p'öbördam nʌnʌidʌmpierrmua bëetarr k'ʌʌn hajim haajem: Galilea durrmua bëetarr k'ʌʌn, Judea durrmua bëetarr k'ʌʌn, maimua hĩchab Jerusalenpienpa dʌ̈i naajim haajem. Maagwai Hẽwandam juapa t'eeg hi gaai sĩejim hanʌm, hõor monawaag.

San Lucas 5:17 Iomraidhean Croise

San Mateo 11:5

Irig, “Dau khaugba khekhed arr khʉʉn dau wajapha thʉnʉm” abat. “Bʉ wedʉ wedʉ sĩsid arr khʉʉnjã ya wajapha nʉrrjeem. Kach khĩsu sĩsid arr khʉʉnjã wajapha ũr sĩsidʉm. Chi meem arr khʉʉnjã deeu iiu nʉrrjeem, maimua aphʉʉm khʉʉnagjã ĩchab õor peerdʉajem iek jaau chirʉm” a jaaubaimat ajim.

San Mateo 15:1

Ĩchab Moiseeu phã pʉatarr iek wajapcha ʉʉrkhaajem khʉʉn dʉi Ẽwandam iek jawaag chi machnaan i aig beejierram. Makhʉʉn Jerusalenmua beetarr khʉʉn ajim.

San Marcos 1:45

Mamʉ Jesuu mag ich monaautarr õrag jaaupiba arrta ich nʉrrʉmpierr jaaubaadejim anaabá. Mag gaaimua Jesús tag phobor ee parhooba oberju khaba, õor chukag chʉʉita sĩsijim aajem. Mamʉ magʉm ãba, mam phobor igaau i sim aar durrpierram khʉʉn i aar baarjeejim anaabá.

San Marcos 16:18

Nemkhõr benen paraam gaai juau pʉrbaawai khaakhiinjã bʉ̃ʉrjã chig abaju. Õor thõojem pakher khãijã õrau dopipʉiwiajã bʉ̃ʉrjã chig abaju; mag nʉm dʉi ĩchab õor mor masim khʉʉn kõit Ẽwandamag jeeunaa am gaai juadamau pʉrbarmuapai monaaupʉimaju a jaaujim aajem. Mua pãrag mag nem waupi chirʉmʉn, mag pãachdeu wau nʉm gaaimua õraujã mʉ iekta pãrau jaau nʉm khap amkhĩraugui ajim aajem.

San Marcos 3:22

Mag nʉm dʉi ĩchab Moiseeu Ẽwandam iek phã pʉatarr jawaag chi machnaan Jerusalén phobor eemua beetarr khʉʉnaujã i igwia, “Jãan dosãtnaan por Beelzebú aajem dʉi khapeerkha sĩewai ag juapaauta jãg õor mor eem mepeenjã dau daau jʉrkhʉʉi nʉrrabahab” anaajim aajem.

San Marcos 5:30

Mamʉ ĩchab mag ich gaai pʉrbaichem bʉrre Jesuu khaug athajim anʉm, Ẽwandam juapá ich gaai simua ʉʉi ãb monaaubapʉim. Magbaa Jesuu mag õor pos thʉnʉmʉg eerpanaa, —¿Khaíuta mʉ khajũa gaai pʉrbaichema? ajim anʉm.

San Marcos 7:1

Khãai ãb Jerusalén phobor eemua Jesús aig beejierram aajem, Moiseeu Ẽwandam iek phã pʉatarr wajapcha ʉʉrkhaajem khʉʉn dʉi ich ag Ẽwandam iekpai jawaag chi machnaanpa.

San Lucas 15:2

Magbaawai chi ajapha Ẽwandamau Moiseeg iek phãpitarr ʉʉrkhaajem khʉʉn, maimua ag iek jawaag athee chi machnaan dʉimua Jesús igwia, —I den mʉg wounau chan pekau pom sĩsidʉm khʉʉn awiajã isegba ich jãg warag am dʉi thach kho nʉrraajem anaajim aajem.

San Lucas 2:46

Ich ag ed kheeuraa Jerusalén barchejierram aajem. Maimua ag noram ãspaau jʉrphobaadeeuta Aai i jeeujem deg Ẽwandam iek jawaag chi machnaan dʉita Ẽwandam iek iigwai iyʉʉ oo sim ooimajierram aajem.

San Lucas 5:21

Mag ũrwia fariseonaan dʉi Ẽwandam iek athee chi machnaanpa aig narr khʉʉnau amach odegpai, “¿Chijãg wounta Ẽwandam na mag iekha sĩma? ¿Khaíu mʉig pekau chugpaaju aai sĩ? Ẽwandamau khabam chan pekau chugpaa auba aajem” anaajim anʉm.

San Lucas 5:30

Mamʉ magbaawai chi ajapcha Moiseeu Ẽwandam iek phã pʉatarr ʉʉrkhaajem khʉʉnau Ẽwandam iek athee chi machnaan dʉimua Jesús khapeenagta, —¿Khan jãgwiata pãar jãg gobierno debpaar jeeujem khʉʉn dʉi pekau pom sĩsidʉm khʉʉnpa ãba thach kho nʉma? a jeeujierram anʉm.

San Lucas 6:19

Mag oowia thumaam khʉʉnau i gaai pʉrm iigjeejim anʉm, amach monaaumkhĩir, amachdeu oowai sĩi i gaai pʉr nʉmuapaijã Ẽwandam jua theeg ich gaai wai simuata benegjã ich jua jʉmpiba monaaupʉpʉikham oowia.

San Lucas 7:30

Mamʉ chi Moiseeu Ẽwandam iek phãtarr ajapcha ʉʉrkhaajem khʉʉnau chi machnaan dʉimua chan magba, Ẽwandamau am thãar eejã warm khʉʉn dʉímjo am ig sim warag isegjierram. Mag gaaimua warag Juanagjã amach por choopibajierramgui ajim anʉm, amachta ajapcha nʉm awia.

San Lucas 8:46

Mamʉ Pedroou ichig magbaawai warag Jesuu, —Ʉ̃hʉ̃, sĩi õor phẽeudʉdʉkhamua khabam. Mua khaphʉ chirʉmgui ajim anʉm, juau ogthomta ãbmua mʉig mʉ gaai pʉrbaichem. Mag pʉrbaicheewai Ẽwandam juapá mʉ gaai simua monaaubapʉimjã mua khaphʉ chirʉmgui ajim anʉm.

San Juan 3:10

Magbaawai Jesuu irig magjim: —¿Pʉʉta israelnaan ee maestro aawai õrau iigjemta mʉg mua Ẽwandam Akharauta khĩirjug ajaug paapäaijem jaau chirʉmjã khaugbata chirab?

San Juan 3:21

Pari magba ar jũrr nem wajapham appai waum khõsi aajem khʉʉnau chan mʉ isegba, warag mag õtdau paa dʉnʉmjo chirʉmta iigjerramgui ajim, Ẽwandamau khõsi simjota nem agcha wauju khaphʉnaa amachdeu mag wajapha nem wau nʉm bigaaum khʉʉnagjã khap amkhĩir. Magta Jesuu Nicodemoog, jãga Ẽwandamta chi Porkha sim aar ijã chiraimaju aai chirʉ́ a jaaujim.

Hechos 19:11

Maagwai Ẽwandamau ich iiuta magpi sĩewai Pabloog ich jua theeg deewi Pabloou õor ee nem khĩir pogkhe õrau ag na mag nem ooba aajempa wau nʉrrajim aajem ĩchab.

Hechos 4:30

Mor masim khʉʉnjã monaaunaa pʉch Chaai pekau chukhu khitʉm Jesús ag jua theegau nem maadeu ooba aajempa marag waupibá, magʉm gaaimua õrag pʉch jua theeg oomkhĩir a jeeumajierram aajem.

Hechos 5:34

Mag chi thierrnaan apha biirdʉ thʉnʉm ee woun ãb Gamaliel a thʉ̃r sim sĩejim aajem, Ẽwandamau Moiseeg ich iek phãpitarr iek ajapcha ʉʉrkhaajem khʉʉn eem. Mag woun ĩchab Ẽwandam iek jawaag chi mach ajim aajem. Maagwai phoborpien thumaam khʉʉnaujã ĩchab i okho aajeejim aajem. Mag wounau chi Jesuu ich i jaaumkhĩir jʉr autarr khʉʉn khũchpai dawag phe arrpi jaaujim anʉm, magʉmich amach ap iyʉʉ aag.