San Lucas 5:1 - Wounaan Meu

¹ Biek ãb Jesús thʉrrdo Genesaret anʉm igaau sim aig õor pooma podpachewia thet phẽeudʉ i phʉʉr thuur warrmajierram aajem, Ẽwandam iek ũrm khõchgau.

Woun Meu

¹ Biek hãb Jesús t'ʌrrdö Genesaret hanʌm higaau sim haig hõor pöoma podpachëwia t'et p'ẽeudʌ hi p'ʌʌr t'uur warrmajierram haajem, Hẽwandam hiek hũrm k'õchgau.

San Lucas 5:1 Iomraidhean Croise

San Mateo 11:12

Mag jaaumamua, —Pãrag jaaukhimgui ajim anʉm: Juan sĩsierr aigmua ĩs ewagjã chadcha õor pom Ẽwandamagta amach thãar ajaug paapinaa amach Porkha aum khõchkha thʉnʉm. Pari amau mag ẽkha durrum dʉi ĩchab chi thethem khʉʉnau jũrr khajapham nemjo mag Ẽwandam amach Porkha auju iekta warre chugpaapʉiju ẽkhaajem.

San Mateo 14:34

Mag wetumua thoom igar Genesaret durr phẽeubaimajierram.

San Marcos 3:9

Mag õor pom bee thʉnaawaita Jesuu ich khapeenag ya ag nawe jaau wai sĩejim aajem, sĩi ich ithee bote khĩir khaug wai naamkhĩir, atcha õor pom aadeewai thet ich phẽeuthʉ aum ugua ag ee waaidʉag.

San Marcos 4:1

Deeu ũmaai Jesuu Galilea thʉrrdo igaau Ẽwandam iek õrag jaaubaadejim aajem. Mag irua jaau sim ũurwai, sĩi õor pooma ich bigaau pos phʉʉrbaadeewai, aig bote sĩerr ee waaidʉwia, do jãrraapai oo joisijim aajem, jũrr mammua jawaag. Magbaawai õor pom mag thʉnarrau durrpaimuata i iek ũr naajim aajem.

San Marcos 5:24

Mag Jairoou ich di aar eeurrbaicheewai Jesús chadcha i dʉi majim aajem. Mag i mam dʉi ĩchab õor pom i ẽudee phẽeudʉ wetmajim anaabá.

San Marcos 6:53

Maimua warag ãba ereubaadewi thoom igar deeum durr Genesaret anʉm phẽeubagkhabaimaawai warre amach wettarr bote jʉ̃ sĩujim aajem.

San Lucas 12:1

Mag nʉm ee warag õor pooma phẽeudʉdʉkhamua jũrr chikhaman bʉpa khiuthʉgmaajeejim anʉm. Am mamagkham ee, Jesuu ich khapeen ich dʉicha ogdʉba wenʉrraajerr khʉʉnag magjim anʉm: —Khĩir khaphʉ wenʉrrathʉ̃; oob fariseonaan ben levadurajo sim pãach gaai dʉrbapimiet. Mua mag chirʉm aiguin pãrag, “Oob amjo chikham khĩir aawaipaita chadam iekjo iekhanaa pãach ap aadeewai jũrr pãachdeu jaaujemjo khaba nem waumiet” a chirʉmʉugui ajim anʉm. Pãrau am igar phũrrbamʉn, pãach gaai dʉrbabaadeewai sĩi amjo nʉisijugui ajim anʉm amag.

San Lucas 5:2

Mag nʉm ee ichdeu bote numí mos gaai barhʉidʉ nʉm oo athajim anʉm. Ag ee chi morkhʉʉn chukhu naajim anʉm, do ʉreuthurwia do igaau amach red ʉ narr aawai.

San Lucas 8:22

Maimua biek ãb Jesuu ich khapeenag, “Dokhĩrag wettarrau” awia, chadcha dojãrr paaukhabaadejim aajem.

San Lucas 8:23

Maimua ya am mag dojãrr khodjorrom ee, ich Jesús khãibaadejim anʉm. Mag i khãi jorromta, phũhãd pom beewia phũasdau dapag baupa aadeewai sosookhamua japau ãwatbajujo aadejim anaabá.

San Lucas 8:33

Magbaa chadcha woun mor ee mepeen pom mag thʉnarr oberdʉtkhawia jũrr khũsnaan ee naaimaawai, khũsnaanta parhooba khaphig phobaadewia ithurmʉg ʉ̃rmua thʉrrdo pom wejom ee dʉrbagkha sĩi khẽu khuurbʉ khechjierram aajem.

San Lucas 8:45

Magbaawai Jesuu, —¿Khaíuta mʉ gaai pʉrbaichema? ajim anʉm. Mamʉ ãbmuajã jaauba aawai Pedroou ich khapeen dʉimua, —Maestro, khaíu abarjugui ajim anʉm. Pʉch aig õor phẽeudʉdʉkham khʉʉnau khabahab, pua mag chirʉm.

San Juan 1:40

Mag Juanau Jesús jaau sim ũrwia ãb agjo mʉ dʉi ẽudee matarr Andrés ajim, Simón Pedro dʉi khod ãbam.

San Juan 6:1

Magtarr khur deeu Jesús petajim, ag khĩirpheepai thʉrrdo pom Galilea a thʉ̃r sim ee. Ich ag thʉrrdopai ĩchab Tiberias a thʉ̃ʉrjem.

Hebreos 13:7

Pãade ar warrcha pãachig Ẽwandam iek jaaunaa mag amachdeu jaau nʉmjo wenʉrrapi jaautarr khʉʉnta khĩirjubat, jãga mag phitthur durrarr ãba amach meewaijã agtha ogdʉba ich mag ʉkha nʉmua ubʉ durrumta khechjierrá; magʉmta pãrau khĩir eyaanaa amau ʉkhaajerrjo ʉkhabat.