San Lucas 4:35 - Wounaan Meu

³⁵ Magbaawai Jesuu chi beneg meeurraunaa, —Khĩu abá. Pʉchta warag jãg woun mor eemua oberbaad ajim anʉm. Magbaawai chadcha chi mepeer oberbaademua warre chi wounta jẽkhʉt barwerppʉijim anaabá. Mamʉ magtarrjã chig aba, deeu khĩir eerdʉwia, warramjo monakha sĩsijim aajem.

Woun Meu

³⁵ Magbaawai Jesuu chi bënëg meeurraunaa, —K'ĩu habá. Pʌchta warag jãg woun mor heemua höbërbaad hajim hanʌm. Magbaawai chadcha chi mepeer höbërbaadëmua warre chi wounta jẽk'ʌt barwerbpʌ̈ijim hanaabá. Mamʌ magtarrjã chig haba, deeu k'ĩir heerdʌwia, warramjö monak'a sĩsijim haajem.

San Lucas 4:35 Iomraidhean Croise

San Mateo 17:18

Magbaa chadcha chi chaai ich aig aipierrwai chi meperag meeurraunaa oberpi jaaubaawai, i ipierr oberbaadejim. Magbarm aigmua chi chaai monakha ich mag sĩsijim.

San Mateo 8:26

Magbaawai ichdeu amag, —¿Khantheeta atcha jãphierr nʉma? ajim anaabá. Jãgan pãrau chan mʉ pãach dʉi chitʉmjã khaugbata naab ajim anʉm, jãgcha jãphierraag. Magnaa phiidʉwia phũug meeurrau sĩunaa ĩchab chi phũasagjã meeurrau sĩubaawai, tag phũjã weba, phũasdaujã baupa khaba, warre sĩi dojã meuu joisijim anaabá.

San Marcos 1:26

Jesuu mag iekhabaa, chi mepeer mag woun mor eemua wiwiug oberbaadeeu, warre jẽkhʉt phʉphʉrgpʉiwia, chi wounta iek chuk pʉajim anaabá.

San Marcos 4:39

Magbaa Jesús phiidʉwia mag phũ theeg thʉnʉmʉg meeurrau sĩunaa ĩchab phũas meeukha thʉnʉmʉgjã “Thumbabaad” abaawai, warre dojã meuu sĩsijim anaabá.

San Marcos 9:26

Mag Jesuu ichig meeurrau aadeewai chi mepeer wiiu a baubaadejim anaabá. Mag baubaademua chi chaai deeu ich beneu barbaadewi, jẽkhʉt bäjä aimawia, warre chi meemjo bʉ̃ʉrjã mimig chukhu apʉijim anʉm. Mag aig õor pom pos thʉnarr khʉʉnau amach dakhĩir mag chi thõmjo aadem oobaawai, “Chadcha ya meebaadebahab” anaajim anaabá.

San Lucas 11:22

Mamʉ ãb i khãyau thethecharamua beewi, i dʉi werbʉwia i podbapäaiwain chadau, irua ich jierrnem tho chirarr thum khechthʉg auwia i juagam nemjã jũrr ich denkha auju, ag dʉi ichdeu ampierr aag. Magua mʉʉta dosãt khãai jua theeg chiraawai muata õor eem mepeenjã jʉr werpju aai chirʉm.

San Lucas 4:23

Magbaawai Jesuu magjim anʉm: —Pãrau mʉchig “Chadcha médico khai, pʉchdeupai pʉch monaaubapʉi” a iekhaju mua khaphʉ chirʉmgui ajim anʉm. Magnaa amag, Pãrau ũurwai Capernaum durr mua nem khĩir pogkhe waaujem anaawai, mʉigjã magan agjo waupi jaaujugui ajim anʉm, mʉ iek ʉkhamapham iekhau.

San Lucas 4:39

Magbaawai i werba jẽer sim bigaau dʉnʉʉuwimawia chi khʉʉumieg khĩesir iekhabaawai warre chi khʉʉumie meeudʉbaadejim anaabá. Mag khʉʉumie meeudʉbaadeewai ag bʉrre phiidʉwia am jãhogaagpajim aajem.

San Lucas 4:41

Mag pʉr oomamua õor mor ee ben paraa arrpa jẽu werpmajim anaabá. Chi mepeenaujã Ẽwandamau i pʉitarr khaphʉ narr aawai, “Pʉʉn Ẽwandam Iewaau” a ähäag oberdʉtkha maajeejim anʉm. Mamʉ Jesuu tag amag iekhapiba meeurrau sĩumajim aajem, õrag ich jaaum ugua.

San Lucas 8:24

Amachdeu mag oophobaadeewai i khãi jorrom aar mawia, —¡Maestro, phiidʉbaad! Ya maachin khoogpamgui ajierram anʉm. Magbaawai phiidʉwia, phũ theeg thʉnʉmʉg meeurrau sĩunaa, ĩchab chi phũasagjã meeurrau sĩubaawai, tag phũjã weba phũasdaujã baupa khaba, warre sĩi dojã meuu joisijim anaabá.

San Lucas 9:39

Mʉg kherʉm ich beneu barbaadeewain nem theegta baarjem. Di bäbäjä khabaademua ähäikham dʉi sĩi isaphunjã bau aadeejem. Mag di bäbäjäkham pʉamjã igba thʉnʉʉ awia bar dichdimaawain gaai machgau sĩita kha aupihba aadeejemgui ajim anʉm.

San Lucas 9:42

Mag chadcha chi ayau aidurum ee, chi chaai ich beneu theega barbaademua warre jẽkhʉt barwerppʉijim anʉm. Magbaawai Jesuu chi mepeer mag chi chaai mor ee simʉg meeurraunaa obeerpi jaaubaawai warre oberbaadejim anaabá. Mag chaai monaaupʉiwia chi ayag, —Ar kherʉm pʉ chaai ajim anʉm.

Apocalipsis 12:12

Magbarm gaaimua edaujãjã wounaanjo onee abat. Maimua pãach chi ag ee thʉnʉm khʉʉnjã thumaa onee abathʉ̃. Mamʉ ¡eh, apdurr, pãar jẽb gaai jooba durrum khʉʉn dʉi phũas ee jooba durrum khʉʉnjã agjo! Ya ich ũjãrr barapäaiwai meperan ĩsin meeukhata sĩsim thumaam khʉʉn dʉi. Irua ya khaphʉ sim, mʉigmua jopcha ya tag ichdeu ampierr abaju” a serereu khajierram.