San Lucas 4:28 - Wounaan Meu

²⁸ Jesuu mag iekhabarm ũrbaawai aig narr khʉʉn thum i dʉi meeukha phobaadejim anaabá, amach khĩir iekhabapäaiwai.

Woun Meu

²⁸ Jesuu mag hiek'abarm hũrbaawai haig narr k'ʌʌn t'um hi dʌ̈i meeuk'a p'öbaadëjim hanaabá, hamach k'ĩir hiek'abapäaiwai.

San Lucas 4:28 Iomraidhean Croise

San Mateo 2:16

Erodeeu chi khĩirjug khaphʉm khʉʉn nʉ sim ee, ĩchab khaug athajim aajem, ya jũrr deeum khʉd garta phʉʉrdʉ ereubaadem. Mag ich khũgurbapäaiwai, khĩir machgau warm khʉʉnau ichig jaautarr khĩirjunaa, Belén phobor eem chaain maimua ag bigaau phobordam nʉnʉidʉm eem chaaindampa thumaa año numiimua eegam khʉʉndam khechpi jaaujim anaabá.

San Lucas 4:27

Ĩchab khĩir eyaa abat: Israel durr Ẽwandam iek jaaumie Eliseo khararr monakha aawai ĩchab õor kokobé beneu bar sĩsidʉm khapaana thʉnaajim. Mamʉ mag thʉnarr khʉʉn iwiir ãbjã Ẽwandamau irig monaaupi jaauba, ãba Siria durr woun Naamán aajerr appaita monaaupijim. ¿Jãgwi? Ẽwandamau oowai amach israelnaan eepai pʉimuan, amach eempai aawai bʉ̃ʉrjã amach khamor machag monaauju khĩirjubaju ich Ẽwandamau khaphʉ sĩerr aawaima ajim anʉm ich Jesuu.

San Lucas 4:29

Mag meeukha nʉmua warag phiidʉtkha phobaadewia, phobor eemua jʉrpʉiwia, ich ag phobor eepai durrsĩ gaai durr por waaidʉ i warrjierram aajem, mammua ithurmʉg ee i sĩepäaig.

San Lucas 6:11

Mamʉ amach dakhĩir magbaawai i dʉi khĩir machag aphobaadem iekhau warag oberdʉtkhawia, —Keena, maadeu jãgata akhiin jãg Jesús thõopʉikham anaajim anʉm, amach appai.

Hechos 5:33

Mamʉ chi phadnaan porou aig narr khʉʉn dʉimua mag ũrbaawai meeukha phobaadewi warag am khechpʉimjã khõsi aphobaadejim aajem.

Hechos 7:54

Chi phadnaan porou aig narr khʉʉn dʉimua ũurwai Estebanau mag iekhabapʉim ũrbaawai warre i dʉi meeukha phobaadejim anaabá.