San Lucas 4:25 - Wounaan Meu

²⁵ Mʉch seukha chirʉm am ugua pãrag jaaukhim: Pãrau khĩir eyaa nʉmgui ajim anʉm, jooingar Ẽwandam iek jaaumie Elías khararr monakha aawai Israel durr año thãrjup awia jãrr bʉ̃ʉrjã noseg cheba arr anʉm. Mag gaaimua Judea durr thum jãdau theega burrtarr anʉmjã pãrau ũurjem. ¿Pãrau khĩirjuawai mag jaar ĩchab khoopaa ũanaan dau aphʉʉm chukhu ajĩ Israel durr? Chukhu ajim aju aai khaba nʉm; khapan thʉnaajim.

Woun Meu

²⁵ Mʌch sëuk'a chirʌm ham hugua pãrag jaauk'im: Pãrau k'ĩir heyaa nʌmgui hajim hanʌm, jöoingar Hẽwandam hiek jaaumie Elías k'ararr monak'a haawai Israel durr año t'ãrjup hawia jãrr bʌ̃ʌrjã noseg chëba harr hanʌm. Mag gaaimua Judea durr t'um jãdau t'eega burrtarr hanʌmjã pãrau hũurjem. ¿Pãrau k'ĩirjuawai mag jaar hĩchab k'oopaa hũanaan dau hap'ʌʌm chuk'u hajĩ Israel durr? Chuk'u hajim haju haai k'aba nʌm; k'apan t'ʌnaajim.

San Lucas 4:25 Iomraidhean Croise

San Mateo 20:15

“Mʉch phatkhon aawai mʉchdeu phagam aig phagju aai chirʉmgui” ajim anʉm, “pom phidkhaba arr khʉʉnag awiajã. ¿Wa sĩita pua mʉrʉg õor dʉi o wajapha apimaphata chirʉ́wa?” ajim anʉm chi phidag khʉ jooirau.

San Lucas 10:21

Mag ich Jesuu pʉitarr khʉʉn deeu beewia ichig onee nem ĩgkhabaichem ũrbaawai ĩchab ich Jesujã Ẽwandam Akharau onee apijim aajem. Mag ich onee aadeewai Ẽwandamag jeeumamua magjim anʉm: —Tata, mua pʉrʉg ʉu ajim a chirʉm, pʉchta chadcha ʉ̃gtharm magwe nem thum mʉg wejom Por aawai. Mʉ onee chirʉmgui ajim anʉm, õor amach khĩirjug khaug thowia nem thum khaphʉm khaphʉm aajem khʉʉnaujã amach peerdʉju iek khaugba arrta jũrr pua khĩirjugdam meraa chaainjo khitheem khʉʉnagta ʉu khaugpibaawai. Chadcha puata nem ajapha waaujem Tata ajim anʉm, pʉchdeu juau am dʉi magju atarr aawai.

Romanos 9:15

Biek ãb ich Ẽwandamau Moiseeg magjim: “Mua chan sĩi õrau khĩirjuajemjo khĩirjuba, mʉch khĩirjugpierrta nem wau chitʉm” ajim. “Muan mʉchdeu õor dau aug khaugam khõsim khʉʉnta eeg oo chitʉm” ajim.

Romanos 9:20

Pari mag awiajã, ¿ichiita ich mag ober sĩebá? Maach khai agá sĩi Ẽwandam maachjom khʉʉnjo i jawaag. ¿Maach sĩi ichdeu ompaatarr khʉʉn khabá? ¿Pãrau oowai thũriu ich khatarrag, “Khanthee pua mʉ jãg khapʉijĩ” aju aai sĩ?

Efesios 1:11

Magta agtha maach thaababa nʉwe Ẽwandamau ya maach ich denkha wai sĩejim, Cristo dʉi khapeerkha nʉisiewai mag nawe ichdeu deeju jaau sĩerrjã ichdeu mag khĩirju wai sĩerrjo chadcha jʉ̃amkhĩir; Ẽwandamaun chadcha ichdeu oowai ajapha aju ayaam nemta wau sĩerrʉm.

Efesios 1:9

Ajapcharan ĩchab warr ichdeupai ich thãar ee nem waumaju khaphʉ aajerrta maachig khaphʉ apijim.

Santiago 5:17

Mʉ seukha chirʉm am ugua, pãade khĩirjubat: Pãrau ũurjem warrgar jooi Elías aajerr: Ijã ĩchab maach phithurg au nʉmjo phithurg au jẽedʉ khitaajeejim aajem; mamʉ mag khitʉmua sĩi warag Ẽwandamag noseg chepiba jeeubaawai, chadcha Ẽwandamau i iek ʉkhawi año thãrjup awi jãrr bʉ̃ʉrjã noseg cheba sĩsijim anaabá.

Apocalipsis 11:6

Makhʉʉnaun año thãrjup awi jãrr amachdeu Ẽwandam i jaau wenʉrrʉm ee bʉ̃ʉrjã noseg chepiba aagjã nem jua theeg naaju aajem. Do bagag paapʉimaagjã jua theegnaa ĩchab õor dau aug wawaagjã amachdeu am aig aju anaabá.