San Lucas 4:16 - Wounaan Meu

¹⁶ Maimua Nazareeg beejim aajem, ich bãautarr phoborog. Mag beewia jua ʉ̃ʉijem ed pabaadeewai judionaan Ẽwandam iek jaaujem deg dubjim aajem, ag na ich duubjerrjo. Mag dubwia, õrag ũrmkhĩir Ẽwandam iek thʉ̃raag phiidʉ dʉnʉisijim aajem.

Woun Meu

¹⁶ Maimua Nazareeg bëejim haajem, hich bãautarr p'öbörög. Mag bëewia jua hʌ̃ʌijem hed pabaadeewai judionaan Hẽwandam hiek jaaujem deg dubjim haajem, hag na hich duubjerrjö. Mag dubwia, hõrag hũrmk'ĩir Hẽwandam hiek t'ʌ̃raag p'iidʌ dʌnʌisijim haajem.

San Lucas 4:16 Iomraidhean Croise

San Mateo 2:23

Galilea durr barwi, sĩi khajapha Nazaret phobordamagta wetwi, mamta naaimajim aajem. Pari mag Nazaret phobor eeta naaimarran, maan Ẽwandamau ich i jaaumienag jaaujerrjo, Jesús Nazaretpierr a thʉ̃rju arr aawai ajima.

San Lucas 2:39

Maimua Ẽwandamau ich iek Moiseeg phãpitarr gaai jaau sim ipierraa thum wau dichdimaawai deeu amach Nazaret phoborog beejierram aajem, Galilea durr.

San Lucas 2:42

Mag añopierr weetjerr aawai, Jesús doce años aadeewai, ĩchab Jerusalenag majim aajem, ich dennaan dʉi.

San Lucas 2:51

Maimua ich dennaan dʉi oberwia ãba amach phobor Nazareeg wetjim aajem. Maimua ewag pawiajã ich dennaan ipierraa ich mag khitajim anaabá. Mamʉ ich chaairau mamagkhamjã Mariaau ich thãar eepain thum khapphʉ aajeejim anʉm.

San Lucas 4:17

Mag i dʉnʉisiewai ãbmua irig ʉapʉijim aajem, jooingarm ẽsap chi pʉʉrthʉm, Ẽwandam i jaaumie Isaías khararrau phãtarr. Maimua chi ẽsap pʉʉrthʉm gaai jʉrnaa thʉ̃rbaadejim anʉm. Irua thʉ̃r sĩerr aig mag sĩejim aajem:

San Lucas 4:21

Mag ichig eerpapaad aphobaadeewai amag magjim anʉm: —Ĩsta chadcha pãach thumaam khʉʉn dakhĩir mʉg Ẽwandam iek phã sim gaai ichdeu jaautarrjoo abarmgui ajim anaabá.

San Lucas 4:23

Magbaawai Jesuu magjim anʉm: —Pãrau mʉchig “Chadcha médico khai, pʉchdeupai pʉch monaaubapʉi” a iekhaju mua khaphʉ chirʉmgui ajim anʉm. Magnaa amag, Pãrau ũurwai Capernaum durr mua nem khĩir pogkhe waaujem anaawai, mʉigjã magan agjo waupi jaaujugui ajim anʉm, mʉ iek ʉkhamapham iekhau.

San Juan 18:20

Magbaawai Jesuu irig, —Mʉʉn thumaam khʉʉn dakhĩirta nem jaau chitaajemgui ajim anʉm: judionaan Ẽwandam iek ũraag ãba biirdʉajem deg, maimua Aai i jeeujem deg thumaam khʉʉn ãba biirdʉajem eejã agjo. Maagjeewai mʉ bʉ̃ʉrjã nem meraa jaautarr chukhu chitʉmgui ajim anʉm.

Hechos 17:2

Pabloou mag mawia, tagam eejã ich mag dub nʉrraajerrjo, jua ʉ̃ʉijem ed paawai mag eejã dubwia seman thãrjup ich mag aiguim khʉʉnag Ẽwandam iek jaaujeejim aajem. Mag jaaumamua Ẽwandam iek phã sim gaaim iek igwia amag,