San Lucas 4:1 - Wounaan Meu

¹ Mag por choowia Jesús Ẽwandam Akhaar ich gaai phẽs wai sim petajim aajem Jordán eemua, mag ich por chootarr aigmua. Mag mamta ich ag Ẽwandam Akharaupai Jordán igaau durr õor chukag chʉʉi i warrjim aajem.

Woun Meu

¹ Mag pör choowia Jesús Hẽwandam Hak'aar hich gaai p'ẽs wai sim petajim haajem Jordán heemua, mag hich pör chootarr haigmua. Mag mamta hich hag Hẽwandam Hak'araupai Jordán higaau durr hõor chukag chʌʌi hi warrjim haajem.

San Lucas 4:1 Iomraidhean Croise

San Mateo 3:16

Mag, chadcha Juanau i por choopʉijim aajem. Mag ich por choobapäaiwai, durr waaidʉnaa oowai, edaujãata weeudʉbaadem eemua Ẽwandam Akhaar duburjoo khitʉmta beewia i gaai jupchejim aajem.

San Lucas 2:27

Magtarr aawai mag chi Jesudam Aai i jeeujem deg wai nʉm edcha ich mag jooi Simeón anʉmjã ĩchab ich Ẽwandam Akharau agʉg i arrjim aajem. Mag José María dʉimua jooingarwe Moiseeu iek phã pʉatarr gaai jaaujemjo chaai dʉi aag Aai i jeeujem deg bardʉtkhabaimaawai,

San Lucas 3:3

Ẽwandamau ichig mag jaaubaawai chadcha petawia dojã Jordán igaau khĩeb jajawagmamua maagjeejim anʉm: “Pãar pekau pooma naawai pãach khaibag ãsie ewag khĩirjuwia Ẽwandamag chugpaapi jeeubat. Mag jeeubaa Ẽwandamau pãach khaibag chugpaabapäaiwaita mua pãar por choopʉimajugui” aajeejim anʉm.

San Lucas 3:38

Cainán Enós iewaa; Enós Set iewaa; Set Adán iewaa; Adán Ẽwandam iewaa, ich Ẽwandamaucha i omparr aawai.

San Lucas 4:14

Jesús agtha Ẽwandam Akhaar ich gaai phẽs wai sim majim aajem deeu Galilea durr, ich berrag. Mag barwia judionaan Ẽwandam iek jaaujem di sĩsidʉmpierr jaaujeejim aajem. Maagwai durr chaauram khʉʉnaupa irua jaau nʉrrʉm khakhapdo aphobaadeewai thumaam khʉʉnau i igar nʉmua, “Ʉuta mag jaau nʉrrabahab” aajeejim aajem.

San Lucas 4:18

“Ẽwandamauta mʉ jʉr autarr aawai ich Akhaar mʉ gaai phẽs wai sim, aphʉʉm khʉʉnag jãga ichdeu am peerdʉ auju a jaaumkhĩir. Irua mʉ pʉitarran, õor amach khaibag ee presonaanjo nʉm khʉʉnag, ‘Ya pãar oberm iek oberju aai nʉm’ a jaaumkhĩir ajim; dau khĩsumjo nʉm khʉʉnagjã, ‘Ya pãrau wajapha ooju aai nʉm’ a jaaumkhĩir; chikhamnau dau aphʉʉ waaujem khʉʉn dau aug khaugwia peerdʉ aumkhĩir;

San Juan 1:32

Maimua mag jajawagmamua, ĩchab ewag pawi ichdeu ootarr igwiajã Juan chi õor por choomieu, —Muan mʉch daúacha Ẽwandam Akhaarta duburjo khitʉmta ʉ̃gtharmua beewia Jesús gaai jupbaichemjã oojimgui ajim.

San Juan 3:34

Í chadcha ich Ẽwandamauchata pʉitarr aawai ich Ẽwandam khĩirjugta jaau simgui ajim anʉm, magamkhĩirta irig ich Akhaarjã phẽs dee sĩewai.

Hechos 1:2

Mua pʉrʉg jaau chirajim ĩchab, mag ich Jesuu ʉ̃gthar maju nawe, Ẽwandam Akharau ichig jaaupibaawai, jũrr irua ich dʉi ogdʉba wenʉrramkhĩir ichdeucha jʉr autarr khʉʉnag, jãga amau nem wau wenʉrraju a jaau pʉatarr.

Hechos 10:38

Pãrau khaphʉ nʉmgui ajim anʉm ĩchab, jãga Ẽwandamau Jesús Nazaretpierr gaai ich Akhaar phẽs deewi ich juapajã deejĩ, maimua jãga mag juapaau õor mepeer jua ee sĩsid arrjã peerdʉ aunaa ich nʉrrʉmpierr nem ajapha wau nʉrrajĩ, Ẽwandam i nʉrrʉm dʉi sĩerr aawai.

Hechos 8:39

Mag por choo aaipawi deeu do eemua oberdʉtkhabaadem ee, dau perbarmjo arrau degolp Felipe chukkhu aadejim aajem, ich Ẽwandam Akharau athaadee. Mag i marr khaugbajieb mamʉ, chi Etiopiapierr warag onee ich maa arrag petajim aajem.