San Lucas 3:19 - Wounaan Meu

^19-20 Mag jaar chi gobernador Erodeeu ich naam Felipe ʉʉi Erodías anʉm khecheu auwia ag dʉi sim khaug athaawai Juanau irig iekhajim aajem. Mamʉ mag irig iekhatarr chan mag sĩi ich wach ʉʉi dʉi sim atheepaijã khaba, ich nem parhooba khaigba waaujem kõitpata irig iekhajim anaabá. Mamʉ magʉmjã bʉ̃ʉrjã i iek ũrba, warag chi Erodeeu Juan cárcel deg phãar sĩupijim anaabá.

Woun Meu

^19-20 Mag jaar chi gobernador Herodeeu hich naam Felipe hʌʌi Herodías hanʌm k'echeu hauwia hag dʌ̈i sim k'aug hat'aawai Juanau hirig hiek'ajim haajem. Mamʌ mag hirig hiek'atarr chan mag sĩi hich wach hʌʌi dʌ̈i sim hat'eepaijã k'aba, hich nem parhooba k'aigba waaujem kõitpata hirig hiek'ajim hanaabá. Mamʌ magʌmjã bʌ̃ʌrjã hi hiek hũrba, warag chi Herodeeu Juan cárcel deg p'ãar sĩupijim hanaabá.

San Lucas 3:19 Iomraidhean Croise

San Mateo 11:2

Ich maagwai Juanau cárcel deg simua Cristoou nem wau nʉrrʉm ũr sĩejim aajem. Magbaawai ich khapeen eem ãaur khʉʉn ich aig thʉ̃rkha auwi chi Jesús aar pʉijim aajem,

San Mateo 14:1

Mag Jesús nem khĩir pogkhe õor dakhĩir wau nʉrrʉm jaar ĩchab Erodeta Galilea durr reikha sĩejim. Mag ag na õrau nem ooba aajempa ich Jesuu wau sim sĩi bĩi wejom chi Erodeeu ũr athaawai

San Mateo 14:6

Mamʉ mag nʉm ee, biek ãb chi Erodes año cumpliitarr ag phiesta kha nʉm ee chi Erodías kha jemkhajim aajem, õor khapan thʉnʉm na. Mag i jemkha sim oowia, ich Erodeeu khõchkha thʉnʉisiwi,

San Lucas 3:1

Woun Tiberio anʉm reikhabaaderr aigmua quince años aadem ee, gobernadornaan jayap naajim aajem: Judea durr: Poncio Pilato Galilea durr: Erodes Iturea durr Traconite durr dʉi: Felipe (Erodes naam, aai gaaimua) Abilinia durr: Lisanias

San Lucas 3:18

Mag jaautarr aigmuajã ich mag iek khĩir pogkhe jaau khitʉmua õor wawiejeejim anaabá, jãga thumaam khʉʉn Ẽwandamau peerdʉ auju aai sĩ.