San Lucas 3:18 - Wounaan Meu

¹⁸ Mag jaautarr aigmuajã ich mag iek khĩir pogkhe jaau khitʉmua õor wawiejeejim anaabá, jãga thumaam khʉʉn Ẽwandamau peerdʉ auju aai sĩ.

Woun Meu

¹⁸ Mag jaautarr haigmuajã hich mag hiek k'ĩir pogk'e jaau k'itʌmua hõor wawiejeejim hanaabá, jãga t'umaam k'ʌʌn Hẽwandamau peerdʌ hauju haai sĩ.

San Lucas 3:18 Iomraidhean Croise

San Lucas 3:17

Magnaa amag, Khĩir khaphʉ abat, Ẽwandaman ya beeimʉʉ simgui ajim anʉm. I beem ed i iek ʉkha nʉm khʉʉnan arrozdo pom wejorr phierrwia ajapha ãkha thʉnʉʉubarmjota aju. Maagwai ar i iek ʉkhamapha arr khʉʉn, jũrr chi arroz bʉ thʉʉtarrta sĩi ãbamʉg päardʉnaa orbapʉimjo aju. Makhʉʉnan bʉ̃ʉrjã õtdau thõo khaugba sĩerrʉm eeta ich Ẽwandamaucha barkhʉʉipʉiju a jaaujeejim anʉm, Juanau ich aig bee nʉm khʉʉnag.

San Lucas 3:19

Mag jaar chi gobernador Erodeeu ich naam Felipe ʉʉi Erodías anʉm khecheu auwia ag dʉi sim khaug athaawai Juanau irig iekhajim aajem. Mamʉ mag irig iekhatarr chan mag sĩi ich wach ʉʉi dʉi sim atheepaijã khaba, ich nem parhooba khaigba waaujem kõitpata irig iekhajim anaabá. Mamʉ magʉmjã bʉ̃ʉrjã i iek ũrba, warag chi Erodeeu Juan cárcel deg phãar sĩupijim anaabá.

San Juan 1:15

I jaauwiata mag Juan õor por choomie khararrau õrag, “Mʉ ẽudee urumta mʉ khãaijã iek theeg ʉ̃rpai simgui” aajeejim, ichta i thaabaju nawe sĩerr aawai.

San Juan 1:29

Mag ichig jeeuchetarr khʉʉn dʉi iyʉʉ sĩerr noram Juanau oowai, mag irua amag jaau sĩerr Jesuuta i aig ur nʉrrajim. Mag ich aig urum oo athaawai ich aig narr khʉʉnag, —Pãade oobat ajim: Ẽwandamau pʉitarr ar ur khitʉm. Jãguata corderodamjo ʉdʉraa ich thõopibarmua õor thumaam khʉʉn pekau chugpaa aujugui ajim.

San Juan 1:34

ĩsin chadau mua i khaphʉ chirʉmgui ajim, mag mʉchig jaautarrjo beewi i gaaita jupbaichem mʉch daúacha ootarr aawai. Maguata ĩchab mua khaphʉ chirʉmgui ajim Juanau Jesús igwia, i chadchata Ẽwandam Iewaau.

Hechos 2:40

Mag, Jesuu nem waaujerr thumaa jaaumam dʉi warag am wawimamua Pedroou amag, “Õor mʉg chi ajaugjã chukhu thʉnʉm khʉʉn dʉi okhoomapha nʉm khai, ãba Ẽwandamta jʉrbat” aajeejim anʉm.

Hechos 20:2

chi ʉkha durrum khʉʉn nʉnʉidʉmpierr Ẽwandam iek jaau phʉʉrdʉ nʉrrʉmua warag õor khĩir onee apiejeejim aajem. Mag nʉrrʉmua warag Greciaagjã mawia,

Romanos 12:8

Õor wawiejem khĩirjug khãijã pʉchig deetarr pʉch gaai wai sim khai, magan warag õorta wawinaa. Phatkhon athee khãijã ʉu Ẽwandamau pʉch eeg oowi sim khai, jũrr õordam khĩir jãsenkhawi amagjã deem khõsi deebá. Chi ʉkha durrum khʉʉn ee chi porkhamkhĩir khãijã ich jua theeg deetarr khai, magan wajaphata i phidag waubá. Chikham dau aug khaug nʉm khʉʉnjã, pãachdeu õor dau aug khaaugwai onee abat.