San Lucas 3:16 - Wounaan Meu

¹⁶ Amau mag iekha nʉm Juanau ag nawe ũr wai sĩerr aawai thumaam khʉʉn jʉ̃g daar magjim anʉm: —Mua pod pãar thãar ajaug paa aubam. Muan sĩi dodamaupaita pãar por choo chirʉmgui ajim anʉm. Mamʉ ẽudee ãb urumta mʉ khãyaujã jua theeg ʉ̃rcha sim. Jãguan chad ich Akhaarjã pãrag deewia pãar khaibagjã õtdau ee warre orbapʉimjota aju. Mʉ chan mʉg chirʉm aig sĩi i chogkhaagpaijã serbiibata chirʉmgui ajim anʉm.

Woun Meu

¹⁶ Hamau mag hiek'a nʌm Juanau hag nawe hũr wai sĩerr haawai t'umaam k'ʌʌn jʌ̃g daar magjim hanʌm: —Mua pöd pãar t'ãar hajaug paa haubam. Muan sĩi dödamaupaita pãar pör choo chirʌmgui hajim hanʌm. Mamʌ hẽudee hãb hurumta mʌ k'ãyaujã jua t'eeg hʌ̃rcha sim. Jãguan chad hich Hak'aarjã pãrag deewia pãar k'aibagjã hõtdau hee warre hörbapʌ̈imjöta haju. Mʌ chan mʌg chirʌm haig sĩi hi chogk'aagpaijã serbiibata chirʌmgui hajim hanʌm.

San Lucas 3:16 Iomraidhean Croise

San Mateo 3:11

Mua chan pod pãar thãar wajaug paa aubam. Ẽwandamagta pãach khaibag chugpaapi jeeubaawai muan sĩi dodamaupaita pãar por choo chirʉmgui ajim anʉm. Pari mʉ ẽudee ãb urumʉn chadau mʉ khãaijã jua theeg ʉ̃rpai sĩewai, jãguan chad Ẽwandam Akhaarjã pãrag deewi pãar khaibagjã õtdau ee warre orbapʉimjota aju ajim anʉm. Mʉ chan mʉg chirʉm aig sĩi i chogkhaagpaijã serbiibata chirʉmgui ajim anʉm.

San Mateo 3:12

Khĩir khaphʉ abat ajim anʉm: I beem ed i iek ʉkha nʉm khʉʉnan, arroz pom phierrwia wajapha ãkha thʉnʉʉubarmjota aju. Maagwai i iek ʉkhamapha arr khʉʉn, jũrr chi arroz bʉ thʉʉtarrta sĩi ãbamʉg päardʉnaa orbapʉimjo aju. Magbarm chan õtdau thõo khaugba sĩerrʉm eeta ich Ẽwandamaucha barkhʉʉipʉijugui a jaaujeejim anʉm Juanau ich aig bee nʉm khʉʉnag.

San Juan 1:26

Magbaawai Juanau, —Muan sĩi dodamaupaita õor por choo chitʉmgui ajim. Pari pãach ee woun ãb sim, ichta ich Ẽwandamaucha pʉiju a jaaujerrau. Ma agtha pãrau khaugba naabahab, mamʉ i barcheewai khĩir khaug naamkhĩirta ag nawe mua õor por choo chitʉmgui ajim.

San Juan 1:27

Maata mʉ ẽudee urum. Mʉ chan sĩi i chogkha chitaagpaijã serbiiba chirʉmgui ajim, Jesús igwia.

San Juan 1:33

Ag nawe chan mua khaugba chirajimgui ajim, iita warrgarwe Ẽwandamau pʉiju a jaaujerrkha sim. Mamʉ mʉg õor por choomkhĩir mʉch pʉitarrauta mʉchigcha, “Ar pʉch dakhĩraa chi Akhaar ʉ̃gtharmua beewia woun ãb sim gaai jupbaicheewai pua khaphʉ aju, mag wounauta ich Ẽwandam Akhaarcha õrag deemaju” a jaautarr aawai,

San Juan 7:38

Ich Ẽwandam iek phã sim gaai jaau simjo, chi mʉ iekta ʉkha sim thãarbʉ eemuan ich mag sĩi õor iiupiejem doota khumdʉ ober sĩsimjo sĩeju ajim.

Hechos 1:5

Juanaun chadcha dodamaupaita õor por choojeejim, mamʉ mʉgtarr khur pomcha khaba nʉm ee, jũrr Ẽwandamau ich Akhaarta pãrag deejugui ajim anʉm. Mag ich Akhaar deebarmuata, chadcha pãar por choo chaar por choo nʉisijugui ajim aajem Jesuu amag. Teófilo, maach Por Jesuu mag iekhatarr aawai, chadcha ichdeu iekhatarrjo, jãga mag Ẽwandam Akhaar beejĩ a khap amkhĩirta ĩs mua deeu pʉrʉg mʉg ẽsap phã deepʉi chirʉm. Maimua mag beewi, jãga mag ich Jesuu ichdeucha jʉr autarr khʉʉn ee sĩeichewi, amag nem waupimarrjã agjo mua pʉrʉg jaaupäaigpam.

Hechos 10:44

Pedro iekha oba agtha mag ijẽjẽbkham ee, thum aig i iek ũr narr khʉʉn gaai Ẽwandam Akhaar phẽs aichejim aajem.

Hechos 2:33

Mag jaaumamua ichdeupai, —Jãan Ẽwandamau ich jua theegauta chadcha i phiriu autarr aawai ĩs ʉ̃gthar ich Ẽwandam dʉi ãba thumaam khʉʉn Porkha simgui ajim anʉm, ich Jesús igwia. Magta ĩchab ich chi Ayaucha ich Akhaar deeju a jaaujerrjã irig deejimgui ajim aajem. Mag ichig deebaawai jũrr ich Jesuu ĩsta õrag deebarmgui ajim anʉm. Magua cha pãrau pãach daúacha oonaa pãach jʉ̃gʉucha pãach meu ũr nʉmjã mag sĩi khech naawai khaba, thum ich Jesús gaaimuata jãg thʉnʉmgui ajim anʉm, chadcha ichta ʉ̃gtharjã maach thumaam khʉʉn Porkha sĩewai.

1 Corintios 12:13

Judionaan wa judionaan khabam khʉʉn, sĩi chikham chognaan wa amach cuenta nʉrrjeem khʉʉnpa maachin thum ãba ãbam Ẽwandam Akhaar auwiata por choo nʉm, mag i Akhaar athaawai maach thumaam khʉʉnag Cristo mor ãbpai obeer aumkhĩir. Magua mʉg maach khapan thʉnaab mamʉ, ãbam Akhaarpaita wai naawai chadcha maachta Cristo morkha nʉm.