San Lucas 3:11 - Wounaan Meu

¹¹ Magbaa ichdeu magjim anʉm amag: —Khajũa theg jũaju paraa nʉm khʉʉnau bʉ̃ʉrjã jũaju chukhu khitheem khʉʉnag deepetat. Maagwai agjo nem khoojemdam wai nʉm khʉʉnau ĩchab chukhum khʉʉn dʉi jig khobat ajim anʉm.

Woun Meu

¹¹ Magbaa hichdëu magjim hanʌm hamag: —K'ajũa t'eg jũaju paraa nʌm k'ʌʌnau bʌ̃ʌrjã jũaju chuk'u k'it'ëem k'ʌʌnag deepetat. Maagwai hagjö nem k'oojemdam wai nʌm k'ʌʌnau hĩchab chuk'um k'ʌʌn dʌ̈i jig k'öbat hajim hanʌm.

San Lucas 3:11 Iomraidhean Croise

San Mateo 25:40

Magbaawai deeu ich Jesuu amag, “Pãrau chadcha mʉchcha chan oobajierram, pari pãrau jãg dau aphʉʉ khithee arr khʉʉndam dau aug khaugwi am dʉi jãgtarr aig, mʉchchata dau aug khaug nʉmjo naabajieb” aju aajem amag.

San Lucas 11:41

Nem ajapha jã ʉkhakha aju khãyau, pãach khaibagta Ẽwandamag chugpaapi jeeubat ajim anʉm. Mag pãar morjã thum ajapha nem jã ʉkha thʉnʉisimjo sĩsiewain chadau aphʉʉm khʉʉnagjã nem deem khõsi deeju.

San Lucas 18:22

Jesuu i mag iekha sim ũrbaawai irig, —Mamʉ agtha khĩir ãb pua waaur wai sĩebahab ajim anʉm. Pʉch nem thum perkhʉʉipʉiwia chi phatkhon aphʉʉ khitheem khʉʉnag jigbapʉi. Maimuan chadau mʉ ẽudee pidú ajim anʉm, mʉ dʉi chitam khõsi chirʉm khai. Pua magmʉn, ʉ̃gthar pawiajã bʉ̃ʉrjã augcheba, phatkhon khãaijã nem ajapham pomta wai chirsijugui ajim anʉm irig.

San Lucas 19:8

Magbaawai Zaqueoou maach Por Jesús khĩirphee bʉjãau dʉnʉʉunaa irig thumaam khʉʉn dakhĩir, —Ũrbá, mua mʉchdeu nem wai chirʉm eem jãrrcha ar aphʉʉ khitheem khʉʉnag deejugui ajim anʉm. Maagwai iwiir ãbam den khãijã seukhawi mua phatkhon khũgur autarr khai, jũrr mua ag khãyau ʉ̃r biek jayap deejugui ajim anʉm.

San Juan 13:29

Ich chi Judaauta maar thumaam khʉʉn phatkhon dijã wai nʉrraajerr aawai maraun sĩita irig phiesta ee nem igjuuta per awaan mamkhĩir jaau simpii naajim; wa magbam khai, aphʉʉm khʉʉndamag khãijã ag eem deepi jaau sim khãijã anaajim.

Hechos 10:2

Mag capitán judío khabajieb mamʉ, ich chaain dʉimua ich ʉʉipa amach thumaam khʉʉnau Ẽwandamag jeeunaa i dau najã agpierraa wenʉrraajeejim aajem. Mag judío khaba simta, judionaan juag oom khõchgau phatkhon pom deejeejim aajem, aphʉʉm khʉʉnag.

Hechos 10:31

Mag dʉnʉʉuchewia mʉ thʉ̃rcha thʉ̃rnaa mʉrʉg, “Pua Ẽwandamag jeeu chirʉʉ aajeewai irua pʉ iek ũrbarmgui” aichejim mʉrʉg. Ĩchab mua aphʉʉm khʉʉnag nemdam deejemjã ʉu simgui ajim chi Ẽwandam chogau.

Hechos 10:4

Mag ich thʉ̃rbaichee Cornelioou inanaa i khĩir eerpanaa jãphierr thʉnʉmuata chi Ẽwandam chogag, —Señor, ¿khan agá? ajim anʉm. Magbaa chi Ẽwandam chogau jũrr irig, —Pua Ẽwandamag jeeu chirʉʉ aajeewai ʉu irua pʉ iek ũrbarmgui ajim anʉm. Ĩchab irua oowai pua aphʉʉm khʉʉnag nemdam deejemjã ʉu simgui ajim anʉm.

Efesios 4:28

Warr nem jĩgkhaajerr khai, ich mag nʉrraju khãai, pʉch juadamaucha phidkhabá; maagwai pʉchdeujã pʉch nemdam ig sim paraanaa agjo ig durrumta pari chukhum khʉʉnagjã deeju ayaa aju.

1 Timoteo 6:17

Ar phatkhon paraam khʉʉnag, amachta warm khʉʉn khãaijã ʉ̃rpai nʉm awia wir aig amach phatkhonta tho iekhapiba jaaubá. Phatkhon pom paraam khʉʉnjã bʉ̃ʉr abarm gaaimua deeu dau aug ee maju chan pom khabam. Maguata ãba aata khĩirjuju khaba nʉm. Mag khãai ãba maach Ẽwandampaita amag khĩirjupi jaaubá, maach ʉu wenʉrramkhĩir ichdeuta maadeu nem iigwaijã o ãkhãrag chukhu deejeewai.

1 Timoteo 6:18

Amag, bʉ̃ʉrjã amach phatkhon ĩgkhaba warag aguata nem ajapham waupi jaaubá, õor parhoobam khʉʉn dʉijã o wajapha.

Hebreos 6:10

Ẽwandamau thumaam khʉʉn dʉi nem agchata waaujeewai pãrau Ẽwandam khõsi nʉm gaaimua pãach hermanonaan juag oojemjã irua par sĩi ich jãg okhoopibam.

Santiago 1:27

Maach Aai Ẽwandamau ich denkha nʉm khʉʉnag waupi jaau simʉn, wouchnaandamau wa khoopaa ʉʉinau khãijã nemdam ig nʉmjã audeenaa am okhĩirjuu aawaijã am khĩir jãsenkha nʉmʉu. Mag nʉm dʉi ĩchab sĩi parhoobam khʉʉnau nem waaujem nemjã wauba aajem khʉʉnta chadcha i denkha nʉm khʉʉnau.

Santiago 2:14

Keena, Cristo gaaimua khodamnaan, ¿khan ajaug sĩ pãrau khĩirjuawai, maadeu “Muan thãraucha Ẽwandam iek ʉkha chitʉm” aju, mamʉ mag simta Jooirau dich khapeen juag oopi jaau simjo khaba nem wau sim? ¿Pãrau khĩirjuawai ʉkha sim anʉmta mag nem wau sim woun chadcha peerdʉju khai?

1 Juan 3:17

Pari ãb phatkhon paraa simua khãijã Ẽwandam iek ʉkha sim a simta ich khapeenau nemdam ig nʉm khaphʉ simjã oobamjoo sim, jãga mag wounau Ẽwandam thumaam khʉʉn daupii khitʉmta ich thãar ee wai chiraawai iruajã agjo õor daupii chirʉm abarju.

1 Juan 4:20

Ãbmua khãijã, “Mua Ẽwandam khõsi chitʉm” a sim; pari mag simta dich khapeenjã kha khõchkhaba simʉn, magan maan sĩi seukhaawaita mag iekha sim. Chi mag iekha simua ich khapeen dʉi khĩircha oo simta mag kha khõchkhaba sim khai, jãga mag Ẽwandam ichdeu bʉ̃ʉrjã ooba aajemta irua khõsi abarju.