San Lucas 3:10 - Wounaan Meu

¹⁰ Mag jaaumam ũrwia, õrau irig —¿Magan maraujã jãga aju aai nʉ, Ẽwandam jua machag ãwatmaaugau? a jeeujierram aajem.

Woun Meu

¹⁰ Mag jaaumam hũrwia, hõrau hirig —¿Magan maraujã jãga haju haai nʌ, Hẽwandam jua machag hãwatmaaugau? ha jëeujierram haajem.

San Lucas 3:10 Iomraidhean Croise

San Lucas 3:12

Maig ĩchab beejierram aajem gobierno den debpaar jeeujem khʉʉn, agjo amach por choopʉimamkhĩir. Mag beewia makhʉʉnaujã irig jeeumamua, —Maestro, maraujã ¿jãga aju aai nʉ? ajierram anʉm.

San Lucas 3:14

Maimua jũrr soldaaun beewia, makhʉʉnaujã irig, —Magbaa maraujã ¿jãgajuma? aichejierram anʉm. Magbaa ich Juanau magjim anʉm chi soldaaunag: —Oob tag chikham jua eem nem ajués khechthʉg aumiet. Wa pãachta emkhooin awia chikham khũgur jãphierrpinaa khãijã chikham phatkhondam au chithee amiet. Maimua oob pãrau, “Mʉrʉgan bʉ̃rʉʉta phaagjem, muan waragta ig chirʉm” amiet ajim anʉm. Pãachig phag nʉmdam dʉipai onee nʉisit a jaaumajim aajem.

San Lucas 3:8

Sĩi pãach por choopi nʉmuapai chan irua pãar aubam. Ẽwandam jua machgau dau aphʉʉ amapha nʉm khai, pãach khaibag thumaa ãsie ewag khĩirjuwia, Ẽwandamag isegpi jeeuwia, chadcha Ẽwandam iek ʉkhaajem khʉʉnjo abat ajim anʉm, pãach khapeen dʉijã. Oob pãrau chikhamnaan denjo, pãachjã warrgar pãach jooi Abrán khararrjo Ẽwandam dʉi khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet. Sĩi mag Abrán chaainkha nʉm gaaimuapaita mag ʉ̃gthar obeerjem akhiin, mokdau mʉg thʉnʉmjã Ẽwandamau õrag paapʉiwia makhʉʉnjã ĩchab Abrán chaainau aju aai sim. Abrán chaai chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jeeubat ajim anʉm.

Hechos 16:30

Maimua warag am dawag phe arrwi amag, —Keena, ¿mua jãga aju aai chirʉ́, Ẽwandamag mʉch peerdʉ aumkhĩir? a jeeujim anʉm.

Hechos 2:37

Pedroou mag iekhabapʉim amachdeu ũrbaawai warre gaai machaaga aphobaademua ich Pedroogcha jeeunaa i khapeenagjã agjo, —Keena, ¿magan marau jãgata aju aai nʉwi ajierram anʉm, Ẽwandamau maach peerdʉ aumkhĩir? Marag jaaubat ajierram aajem.

Hechos 2:38

Magbaawai Pedroou amag magjim aajem: —Thum agdaujo pãach mor ewag khĩirjuwia Ẽwandamag pãach khaibag chugpaapi jeeubat ajim anʉm. Magnaa chadcha Jesucristo iek ʉkhanaa pãach por choopibat ajim anʉm. Pãrau magmʉn, Ẽwandamau pãar khaibag chugpaapʉiwia jũrr ich Akhaarta pãrag deejugui ajim aajem, ichdeu deeju a jaautarrjo.

Hechos 9:6

Mag ũrbaawai Saulo jãphierr ajaugau kha duui thʉnʉmua jũrr irig, —Señor, ¿khani pua mʉrʉg waupim khõsi chirʉ́wi? ajim anʉm.] Magbaa maach Porou irig, —Phiidʉbá, maimua warag phoborog petá ajim aajem. Nau jamta pʉchdeu nem wauju thum pʉrʉg khap jaaujugui ajim aajem.