San Lucas 3:1 - Wounaan Meu

¹ Woun Tiberio anʉm reikhabaaderr aigmua quince años aadem ee, gobernadornaan jayap naajim aajem: Judea durr: Poncio Pilato Galilea durr: Erodes Iturea durr Traconite durr dʉi: Felipe (Erodes naam, aai gaaimua) Abilinia durr: Lisanias

Woun Meu

¹ Woun Tiberio hanʌm reik'abaaderr haigmua quince años haadëm hee, gobernadornaan jayap naajim haajem: Judea durr: Poncio Pilato Galilea durr: Herodes Iturea durr Traconite durr dʌ̈i: Felipe (Herodes naam, haai gaaimua) Abilinia durr: Lisanias

San Lucas 3:1 Iomraidhean Croise

San Mateo 14:1

Mag Jesús nem khĩir pogkhe õor dakhĩir wau nʉrrʉm jaar ĩchab Erodeta Galilea durr reikha sĩejim. Mag ag na õrau nem ooba aajempa ich Jesuu wau sim sĩi bĩi wejom chi Erodeeu ũr athaawai

San Mateo 14:3

Irua mag sĩerran mʉga ajim aajem: Maata ich Erodeeu ich naam Felipe ʉʉi Erodías anʉmta khecheu auwi sĩejim anaabá. Mag atheeta Juanau chi reíg, “Pua pod pʉch naam ʉʉi khecheu auwi pʉch ʉʉikha auju khaba simgui” ajim anʉm. Mamʉ sĩi ichig magbaawai warag Juan pʉr aupi jaauwi, cárcel deg phãar sĩupinaa cadenau jʉ̃ sĩupijim anaabá.

San Mateo 14:6

Mamʉ mag nʉm ee, biek ãb chi Erodes año cumpliitarr ag phiesta kha nʉm ee chi Erodías kha jemkhajim aajem, õor khapan thʉnʉm na. Mag i jemkha sim oowia, ich Erodeeu khõchkha thʉnʉisiwi,

San Mateo 22:17

Magua marau pʉrʉg jeeum ig nʉm: ¿Pua oowai chadcha maach meeun judionaanaujã durrpierram khʉʉn rey Roma sĩejemʉgta impuesto phagju aai nʉ, wa phagju khaba nʉ? aichejierram irig.

San Mateo 27:2

Mag amach ap iekhawi, jʉ̃gadau jua bʉʉrkhanaa, Pilatoota Romaam reíu pʉiwia gobernadorkha sĩerr aawai, irigta thõopi jaaumkhĩir i aar arrjierram.

San Marcos 6:17

Irua mag sĩerran mʉg ajim aajem: Maata ich Erodeeu ich naam Felipe ʉʉi Erodías anʉmta khecheu auwi ag dʉi sĩejim anaabá. Mag itheeta Juanau chi reíg, “Pua pod pʉch naam jua eem ʉʉi khecheu auwi pʉch ʉʉikha auju khaba simgui” ajim anʉm. Mamʉ sĩi ichig magbaawai warag Juan pʉr aupi jaauwi, cárcel deg phãar sĩupinaa, cadenau jʉ̃ sĩupijim anaabá.

San Marcos 6:21

Mag nʉm ee Erodeeu ich año cumplii nʉm ed phiejãb pom waupijim aajem, phiesta khaag. Magwi chi thethemnaan ich garcharam khʉʉn dʉi, comandantenaan maimua Galileapien agjo chi thierrnaanpa ãba thʉ̃rkhʉʉipʉijim aajem, ich aig thach khoon beemkhĩir. Magbarm eeta ĩchab Erodiaaujã Juan khaibag wauju dawaa phithurg chukkhu oo athajim anaabá.

San Lucas 13:31

Ich mag edcha Ẽwandamau Moiseeg ich iek phãpitarr ajapcha ʉʉrkhaajem khʉʉn Jesús aig beewi irig, —Rey Erodeeu pʉ thõopäaig ẽkha sim. Pʉchta mʉigmua jopkhaa igbaad aichejierram anʉm.

San Lucas 2:1

Mag Juan thaaba nʉm jaar ya ĩchab Mariajã pomcha waaurba sĩejim aajem, Jesús gaai. Mag nʉm ee chi rey César Augustoou ich thethem khʉʉnag jaaujim aajem, jũrr makhʉʉnau ichdeu durr jʉ̃a sim ee õor nʉnʉidʉmpierr jaaubaa amach thʉ̃r phãkhapi mamkhĩir.

San Lucas 23:24

Mag nʉʉ paawai Pilatoou am ipierraa jũrr Jesuuta amach jua ee deejim aajem, amach khõchagpierr i dʉi amkhĩir. Maimua ich soldaaunag thõopʉipi jaaujim aajem.

San Lucas 3:19

Mag jaar chi gobernador Erodeeu ich naam Felipe ʉʉi Erodías anʉm khecheu auwia ag dʉi sim khaug athaawai Juanau irig iekhajim aajem. Mamʉ mag irig iekhatarr chan mag sĩi ich wach ʉʉi dʉi sim atheepaijã khaba, ich nem parhooba khaigba waaujem kõitpata irig iekhajim anaabá. Mamʉ magʉmjã bʉ̃ʉrjã i iek ũrba, warag chi Erodeeu Juan cárcel deg phãar sĩupijim anaabá.

San Lucas 9:7

Rey Erodes anʉmua ũrbaadejim aajem nem thum Jesuu wau nʉrrʉm. Mag ichdeu ũrbaadeewai khakhaisamjo aadejim anaabá, jũrram khʉʉnau “Juan chi õor por choomieta iiu phiidʉwia nʉrraichem” a jaauchechekham ũrwia.

Hechos 23:26

“Excelentísimo Gobernador Félix, ¿Jãgpai chirʉ́? Mʉ, comandante Claudio Lisiaauta pʉrʉg mʉg ẽsap phã deepʉi chirʉm. Mʉ saluddam deepʉi chirʉm athá.

Hechos 24:27

Ich mag simua ya año numí sĩejim ich mag cárcel degpai. Mag nʉm ee Félix oberwia jũrr deeum Porcio Festo anʉmta Judea durr gobernadorkha sĩsijim. Mamʉ ich Félix judionaan dʉi iekkhõr aumaaugau, mag ich oberaagpamjã Pablo obeerpiba, ich mag cárcel deg pʉajim.

Hechos 26:30

Pabloou magbarm ee chi rey phiidʉbaadeewai, chi gobernador, Berenice, maimua tag am dʉi ãba narr khʉʉnpa phiidʉtkha phobaadejim aajem.

Hechos 4:27

’Ẽwandam, magtarr aawai chadcha David khararrau jaautarrjo ich mʉg phobor eeta ãba biirdʉjim: Erodes, Poncio Pilato, ich mʉg Israelpien dʉi deeum durram khʉʉnpa; mag ãba biirdʉnaa maach Por Jesús bʉ̃ʉrjã pekau chukhu khitʉm pʉchdeu jʉr autarr khaibag wawaag.