San Lucas 24:6 - Wounaan Meu

^6-7 I ya iiu phiidʉwia petabahab. Magua mʉig khaba simgui ajim anʉm. Khĩir eyaa abat ajim anʉm, Galilea durr aawaiwe ichdeu pãachig, Emkhooi Iewaa pekau pomkham khʉʉnau i pʉr aunaa pakuls gaai i meerppʉiju jaaujerr; mamʉ khãai thãrjupam ee deeu ich iiu phiidʉju jaautarrjã khĩir eyaa abat ajim anʉm amag.

Woun Meu

^6-7 Hi ya hiiu p'iidʌwia petabahab. Magua mʌig k'aba simgui hajim hanʌm. K'ĩir heyaa habat hajim hanʌm, Galilea durr haawaiwe hichdëu pãachig, Hemk'ooi Hiewaa pekau pömk'am k'ʌʌnau hi pʌr haunaa pakuls gaai hi meerppʌ̈iju jaaujerr; mamʌ k'ãai t'ãrjupam hee deeu hich hiiu p'iidʌju jaautarrjã k'ĩir heyaa habat hajim hanʌm hamag.

San Lucas 24:6 Iomraidhean Croise

San Mateo 12:40

Ich jãg Jonás nemmeeurrkhan bi ee ãsdawam khãai thãrjupnaa edaramjã khãai thãrjup sĩerrjo, ich agjo mʉch chi Emkhooi Iewaajã ĩchab ãsdawam khãai thãrjupnaa edaramjã khãai thãrjup chirajugui ajim, jẽb ee. Mamʉ mag oobarmjã pãrau ʉkhabajugui ajim amachigcha.

San Mateo 16:21

Maimua jaaumamua ich Jerusalenag majujã jaaujim. Mag Jerusalén pabaimaawai jooin chi porkha nʉm khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua ich dau aphʉʉ wai naawi ich thõojujã jaaujim. Mamʉ mag amau i thõowiajã deeu ũwaai khãai thãrjup nʉm ee deeu ich iiu phiidʉjujã jaaujim.

San Mateo 27:63

irig, —Marau khĩir eyaa nʉmgui ajim anʉm, jãg seunem nem jaau sĩerrarrau jaauwai, iin meewiajã khãai thãrjup nʉm ee deeu iiu phiidʉju a iekhatarr.

San Mateo 28:6

Mʉig ich aukhertarr eemua phiidʉwi petaawai ya mʉig khaba sim. Pãach daujãau i aukhertarr ee oon beejurauma ajim anʉm.

San Marcos 16:6

Mag ʉʉin jãphierr phobaadem oowi chi woun khajũa bäpphä jũa sĩerrau amag, —Oob jãphierrmiet ajim anʉm. Mua khaphʉ chirʉm, pãrau Jesús Nazaretpierr ar pakuls gaai meerphe thõotarrta jʉr wenʉrrʉm. Pari i mʉig khaba sĩebahab ajim anʉm, ya iiu phiidʉwi petarr aawai. Pãade oobat i aukhertarr ee sĩi khãidu parii simgui ajim anʉm.

San Marcos 8:31

Maimua Jesuu wir aig ichpai jaaumamua magjim anʉm ich khapeenag: —Mʉch chi Emkhooi Iewaa chadcha dau aphʉʉ aju aai chirʉm. Mʉ dau ãaukha isegwia Jerusalenpie jooin chi thethem khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua mʉ thõomkhĩir pʉr deejugui ajim anʉm. Mamʉ amau mag mʉ thõowiajã khãai thãrjupam ee phiidʉwi deeu mʉ iiu chirsijugui a jaaujim aajem ich khapeenag.

San Lucas 24:34

Maigjã ũrimaawai amach thumaam khʉʉnau, “Keena, chadchata maach Poron iiu phiidʉbarmwai; ya Simonagjã ich oopibarm” a jaau nʉmta ũrimajierram anaabá.

San Lucas 24:5

Magbaawai jãphierr ajaugau pod am khĩir eerpaba sĩi eeg ʉ̃thʉ phobaadeewai makhʉʉnau amach garmua amag magjierram anʉm: —¿Chi monakhamta khanthee pãrau i jʉr wenʉrrʉmma ajierram anʉm, mʉg jẽbdi õor kheraag watarr ee?

San Lucas 9:22

Maimua magjim anʉm: —Mʉch chi Emkhooi Iewaa chadcha dau aphʉʉ aju aai chirʉm. Mʉ dau ãaukha isegwia Jerusalenpie jooin chi thethem khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua mʉ thõomkhĩir pʉr deeju. Mamʉ mag amau mʉ thõowiajã khãai thãrjupam ee phiidʉwia deeu mʉ iiu chirsijugui ajim anʉm.

San Lucas 9:44

—Ajapha mʉ iekhaagpam ũrwia khĩir eyaa wai nʉisit. Mʉigmua pomcha khaba nʉm ee, mʉg mʉch chi Emkhooi Iewaa mʉg chirʉmʉn chi thierrnaanag pʉr deejugui ajim anʉm.

Hechos 2:24

Mag juau i thõopʉijierrab mamʉ, Ẽwandamau deeu i phiriu aujimgui ajim anʉm. I mag sĩi jẽb ee ich mag sĩerraju atheem khaba arr aawai mee nʉmuapai chan pod i thʉ aubajim a jaaumajim aajem Pedroou.

2 Tesalonicenses 2:5

¿Pãrau khĩir ee paba nʉ, ar mʉ pãar aar chiraawai ich mag iek mua pãachig jaaujerr?