San Lucas 24:52 - Wounaan Meu

⁵² Mag i ʉ̃gthaag mam oobaawai jẽb gaai kanieu phõbkhanaa irig, —Pʉjom chan wounaan mʉg atagjã marau oobam. Pʉchta chadcha ãba maar Porou ajierram aajem. Mag jeeu durrawia, deeu Jerusalenag onee wetjim aajem, amachig jaautarrjo.

Woun Meu

⁵² Mag hi hʌ̃gt'aag mam hoobaawai jẽb gaai kanieu p'õbk'anaa hirig, —Pʌjöm chan wounaan mʌg hatagjã marau hoobam. Pʌchta chadcha hãba maar Pöröu hajierram haajem. Mag jëeu durrawia, deeu Jerusalenag honee wëtjim haajem, hamachig jaautarrjö.

San Lucas 24:52 Iomraidhean Croise

San Mateo 28:17

Maimua mam pawia ya ich Jesús warp urum maachdeu oophobaadeewai Ẽwandam chi Ayagamjo irig jeeu naajim; mamʉ mag irig jeeu nʉm ee, maar khapeen ãaur khʉʉnau ar khabampii naajim.

San Mateo 28:9

Mag am eerpamjo wetumta ich Jesús am khĩirphee oberchewi amag saludaachejim anaabá. Mag amachig iekhabaichee i khaug athaawai i bʉkhʉrr phõbkhanaa i bʉʉta ud athajierram aajem, irig jeeumamua.

San Lucas 24:51

Mag am khĩir onee iekhamamua, am dakhĩraa edjã baug ee ʉ̃gthaa papagmamua, warag oohba pamamua Ẽwandamau ich aar ʉ̃gthar athajim anaabá.

San Lucas 24:53

Maimua Jerusalén phobor ee pawiajã ich mag ed eepierr Aai i jeeujem deg wetwia jeeu durraajeejim aajem.

San Juan 14:28

Pãrau mʉ iek ũrjierramgui ajim, mʉ mʉch Aai aar mawia deeu pãach aig beeju a chirʉm, pãar dʉi chitaag. Pãrau chadcha mʉ khõsi nʉm akhiin, mag mʉ mam a chirʉm ũrwiajã pãar onee naakhamgui ajim, mʉch Aai mʉch khãaijã ʉ̃rpai sim dʉita chiraimaawai mʉch Aai dʉi ãba mʉchpata õrau tho iekhaju aawai.

San Juan 16:22

Ich jãg ʉʉi chaai machgau noobaadeejemjo, pãarjã nau nʉʉpai awia agjo dau nowaa aphobaadebajup, pari mag nʉm deeu maach oobaawai ũwaai pãar thãar onee aphobaadejugui ajim. Mag pãar onee aphobaadem chan ãbmuajã tag pãar okhĩirjuu apibajugui a jaaumajim marag ich Jesuupai.

San Juan 16:7

Pari mag mʉ maju a chirʉmʉn, chadcha pãach wajapcha amkhĩraugui ajim. Mʉ maba akhiin, Ẽwandam Akhaar mag pãar khĩir jãsenkhajujã beebaju. Magarrau mʉ petaawain chadau mʉchdeuchata mʉch jũrr mag pãar khĩir jãsenkhajujã pʉijugui ajim.

San Juan 20:28

Magbaawaita Tomaau ichigcha, —Señor, pʉʉta mʉ Por anaa mʉ Ẽwandamaugui ajim.

Hechos 1:12

Mag amach dʉi ãba sĩewia petam oobaawai, durrdam Olivo Durrsĩ anʉm gaai naawi ich aigpaimua Jerusalenag wetjim aajem. Mag durrsĩ Jerusalenmua warpcha khaba, peer kilómetro ãbpaím sim aajem.

1 Pedro 1:8

Pãrau mʉ denjo Jesucristo khĩircha oobajieb mamʉ, pãrau i khõsinaa i iekjã ʉkha nʉm. Maguata atcha oneg nʉm iekhau pod pãrau pãach onegjã jaauju khaugba nʉm, jãga naaimaju khai ya ich dʉicha naaimaawai.