San Lucas 24:51 - Wounaan Meu

⁵¹ Mag am khĩir onee iekhamamua, am dakhĩraa edjã baug ee ʉ̃gthaa papagmamua, warag oohba pamamua Ẽwandamau ich aar ʉ̃gthar athajim anaabá.

Woun Meu

⁵¹ Mag ham k'ĩir honee hiek'amamua, ham dak'ĩraa hedjã baug hee hʌ̃gt'aa papagmamua, warag hoohba pamamua Hẽwandamau hich haar hʌ̃gt'ar hat'ajim hanaabá.

San Lucas 24:51 Iomraidhean Croise

San Marcos 16:19

Jesuu ich bʉ ogdʉba aajerr khʉʉnag mag jaau aaipabaadeewai ich Ẽwandamaucha maach Por Jesús ich aar aujim anaabá, ʉ̃gthar. Mag Jesús ʉ̃gthar pabaimaawai warre ich Ẽwandam bigaau i juachaar garta jupimajim aajem, ag nawe ichdeu amag jaaujerrjo.

San Lucas 24:50

Maimua ãbmiecha paawai phobor eemua ich Jesuu am phe arrjim aajem phobor Betania anʉmʉg khʉdau ma sim ee. Mam phobor igaau pabaimaawai ʉ̃gthaag jua ʉanaa Ẽwandamag jeeumamua, —Tata, puata mʉg atagjã mʉkhʉʉn wounaan ich jãg ʉu am phe wai chitajugui ajim anʉm.

San Lucas 24:52

Mag i ʉ̃gthaag mam oobaawai jẽb gaai kanieu phõbkhanaa irig, —Pʉjom chan wounaan mʉg atagjã marau oobam. Pʉchta chadcha ãba maar Porou ajierram aajem. Mag jeeu durrawia, deeu Jerusalenag onee wetjim aajem, amachig jaautarrjo.

San Juan 20:17

Mag ich gaai pʉrjopbaimaawaita Jesuu irig, —Oob mʉ gaai pʉrm; agtha mʉ mʉch Aai aar maba chirabahab ajim anʉm. Magnaa jũrr maar ich dʉi wenʉrraajerr khʉʉn igwiata, —Mawia, jũrr mʉ khodnaanag jaaubaimá ajim anʉm, “mʉ mʉch Aai dʉi ãba chiraimaag i aar mam; ich mag Ẽwandampai ĩchab pãar Aai anaa pãar Ẽwandamaugui” a jaaubaimá amag ajim aajem.

Hechos 1:9

Ya ich Jesús mag iekha obarm ee, sĩi warag ʉ̃gthaa papagmam dʉi jʉʉnthumie baug beewi sĩi ag ee i meer athamjo abaawai ʉu amau i oo wai durrarrjã warag oohba pamamua chukkhu aadejim aajem.

Hebreos 1:3

Ichdeuta ĩchab mag ich Aai dʉimua nem thumaa ompaatarrjã sĩi ich iiu aawai ichdeuta wai dʉnʉm. Ichta ich Aai khĩir thegnaa beetarr aawai i gaaimuata ĩchab Ẽwandam ajaugjã khaphʉ aajem. Ichta maach kõit ʉdʉraa ich thõopiwi, ichdeuta ich bagau maach khaibag thumaa chugpaawi, ʉ̃gthar mawi, Ẽwandam juachaar gar jupimajim, ichta ich mag maach thumaam khʉʉn Porkha sĩerraag.

Hebreos 4:14

Mamʉ ich jãg warrgar phadnaan porou õor kõit Ẽwandamag jeeujerrjo, ĩsjã agjo maach kõit iekhaajem chaar wai nʉm; ajapcharan ich Ẽwandam Iewaama. Ichta mawi ʉ̃gthar sĩejem, mammua maach kõit iekhaag. Maguata maachin maachdeu i iek ʉkha nʉmta warag ogdʉba ʉkhanaa ag gaaita ubʉ wenʉrraju aai nʉm.