San Lucas 24:44 - Wounaan Meu

⁴⁴ Mag ãwarrdam kho aaipawiata amag, —Keena, mʉg mʉch õrau thõojuuta mua pãrag jaaujeejimgui ajim anʉm, agtha maach ãba wenʉrraajeewaijã. Moiseeu Ẽwandam iek phãtarr gaai mʉ igwia jaau simjo, ichiita ich jãg mʉch dau aphʉʉ ajujã jaaujeejimgui ajim anʉm, mua pãrag. Maimua Ẽwandam i jaaumienau phãtarr gaaijã jaaunaa Davidau ẽsap Salmos anʉm phãtarr gaaijã mʉ igwia ich mag phã sĩsid aawai, chadcha ichdeu jaautarrjoo thum ag eyaa oberjimgui ajim anʉm amag.

Woun Meu

⁴⁴ Mag hãwarrdam k'ö haaipawiata hamag, —Keena, mʌg mʌch hõrau t'õojuuta mua pãrag jaaujeejimgui hajim hanʌm, hagt'a maach hãba wënʌrraajeewaijã. Moiseeu Hẽwandam hiek p'ãtarr gaai mʌ higwia jaau simjö, hichiita hich jãg mʌch dau hap'ʌʌ hajujã jaaujeejimgui hajim hanʌm, mua pãrag. Maimua Hẽwandam hi jaaumienau p'ãtarr gaaijã jaaunaa Daviiu hẽsap Salmos hanʌm p'ãtarr gaaijã mʌ higwia hich mag p'ã sĩsid haawai, chadcha hichdëu jaautarrjöo t'um hag heyaa höbërjimgui hajim hanʌm hamag.

San Lucas 24:44 Iomraidhean Croise

San Mateo 1:22

Mamʉ thum mamagkharran, ich i jaaujem khʉʉnag maach Por Ẽwandamau phãpitarr gaai jaau simjoo obeberg mamkhĩirta magpibajieb. Mag irua phãpitarr gaai mag sim:

San Mateo 16:21

Maimua jaaumamua ich Jerusalenag majujã jaaujim. Mag Jerusalén pabaimaawai jooin chi porkha nʉm khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua ich dau aphʉʉ wai naawi ich thõojujã jaaujim. Mamʉ mag amau i thõowiajã deeu ũwaai khãai thãrjup nʉm ee deeu ich iiu phiidʉjujã jaaujim.

San Mateo 26:54

Mamʉ mʉch thʉamkhĩir mua jeeubaawai mag õor pom deepʉikhiinjã, ¿jãga Ẽwandam iek phã sĩsidʉm gaai mʉ igwia jaau sim thum ich agjo abarju? ajim Pedroog.

San Mateo 26:56

Pari pãrau ĩs mʉ dʉi mʉmʉgkhamʉn, jãan warrgar Ẽwandam i jaaumienau jaautarr thum ag eyaa obermkhĩrau ajim. Ya irua mag iekhabarm ee, ĩchab maach chi khapeenaujã chi Jesús ich appai werpʉawia parhoob dʉrmid phobaadejim.

San Lucas 21:22

Magbaademʉn, juau ich Ẽwandamau am dʉi magju arr aawai, ich iek phã sim gaai thumaa ichdeu jaautarrjo israelnaan amach khaigba nʉm paar am chachwia am dau aphʉʉ apiegau ajim anʉm.

San Lucas 22:37

Mua pãrag mag chirʉmʉn, Ẽwandam iek phã sim gaai jaau simjo ya mʉch thõimʉʉ paawaita mag chirʉmgui ajim anʉm. Ẽwandam iek phã sim gaai mʉ igwia jaauwai, “Iin, õor thõomiejota wai naaju” a sim. Mʉ igwia ich mag phã sim aawai chadcha thum ichdeu jaau sim eyaa obeberg maju a jaaumajim aajem.

San Lucas 24:46

Magnaa amag magjim aajem ich Jesuupai: —Ich magta phã sim Ẽwandam iek gaai. Maguata chadcha mʉch chi Cristo ich Ẽwandamaucha jʉr autarr awiajã dau aphʉʉ meeju aai chirajimgui ajim anʉm. Mamʉ ĩchab khãai thãrjupam ee iiu phiidʉju arrjã jaau simgui ajim anʉm.

San Lucas 9:22

Maimua magjim anʉm: —Mʉch chi Emkhooi Iewaa chadcha dau aphʉʉ aju aai chirʉm. Mʉ dau ãaukha isegwia Jerusalenpie jooin chi thethem khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua mʉ thõomkhĩir pʉr deeju. Mamʉ mag amau mʉ thõowiajã khãai thãrjupam ee phiidʉwia deeu mʉ iiu chirsijugui ajim anʉm.

San Lucas 9:44

—Ajapha mʉ iekhaagpam ũrwia khĩir eyaa wai nʉisit. Mʉigmua pomcha khaba nʉm ee, mʉg mʉch chi Emkhooi Iewaa mʉg chirʉmʉn chi thierrnaanag pʉr deejugui ajim anʉm.

San Juan 3:14

Pari magaag atheyan, israelnaan õor maba aajem ee jãg Moiseeu phe wai nʉrraawai Ẽwandamau irig bronce den nemkhõrkha waunaa pa gaai ʉ̃gthaa jiirjoppi jaautarrjo, ich agjota ĩchab mʉch chi Emkhooi Iewaajã pa gaai jiirjopju aai chirʉmgui ajim, magbarmua õor peerdʉju ayaa amkhĩir.

San Juan 5:39

Pãraun sĩi Ẽwandam iek phã sĩsidʉm gaai thʉ̃rnaa ag gaai jaau sĩsidʉm ʉʉrkha nʉmuata pãach peerdʉjupii awia thʉ̃ʉrjerram. Pari par mag ag gaai thʉ̃ʉrwai mʉ igwia jaau sĩsidʉm oo nʉmta, pãrau pãach thãar theeg nʉm gaaimua

San Juan 5:46

Chadcha pãrau Moiseeu phã pʉatarr thumta ipierraa nʉm akhiin, ichdeu Ẽwandam iek phã pʉarr gaai mʉ igwia jaau pʉarr aawai, pãrau mʉ iekjã ʉkha naakhamgui ajim.

Hechos 13:33

Mag warrgarwe maach jooinag mag ich chaai deeju a jaautarr aawai chadcha ĩs ewag pawi maach chi ewagam khʉʉnagta Jesús iiu phiidʉbarm oopijimgui ajim aajem, magbarmua jãgan chadcha ich Iewaata maach ee nʉrrajim a khap amkhĩir. Magju arr aawaita i igwia Ẽwandam ẽsap Salmos numiim anʉm gaai Davidau phã pʉawai, “Pʉʉn mʉ Chaairau; ĩsin chad õrau pʉʉn mʉ Iewaa a khaphʉ nʉisimgui” a phãtarrjã jaaumamua,

Hechos 13:40

Maimua, Khĩir khaphʉ abat ajim aajem, Ẽwandam i jaaumienau ẽsap gaai jaau pʉatarr pãach gaai pam ugua. Mag jaauwi, ich Ẽwandam iek phã simcha jaaubaadejim aajem, chi Pabloou. Mag irua jaautarr mʉg ajim aajem:

Hechos 2:27

“Mua khaphʉ chirʉm, khaigbam khʉʉn akhaar weetjem aar mʉ akhaar pua pʉim iek pʉibamgui” ajim anʉm, “pʉch chogkha chirʉmta pua mʉ kha khõsi wai chiraawai. Mʉch kherbarm jẽb degpai ʉdʉraa ãrpiba, deeu mʉch phiriu aujujã mua khaphʉ chirʉmgui” ajim anʉm.

Hechos 3:18

Pãrau i dʉi jãgtarran, ich Ẽwandamau warrgarwe ich i jaaumienag jaaupibaawai jũrr amau õrag, “Ẽwandam Iewaa Cristo beewia õrau i dau aphʉʉ thõoju” a jaautarrjo, ich Ẽwandamauta ʉdʉraa pãrag i thõopi sim khabajieb ajim anʉm.

Hechos 7:37

Ich ag Moiseeu ajim anaabá, ĩchab Jesús igwia israelnaanag, “Ẽwandamau mʉ pʉiwi cha mʉ pãar ee chitʉmjo, ĩchab mʉg atagjã deeum ich i jaaumie ãb pʉiju” a jaautarr.

Hebreos 10:1

Ẽwandamau Moiseeg ley deetarr gaai nem waupi jaau sĩerrjo nem wau narran, sĩi okhar ewag paawai ichdeu maach dʉi nem ajapcha wauju den chi khũgurpai arr aawai, ich agjocha khaba sĩejim. Maguata chi leíu chan chi ley ʉʉrkhanaa añopierr nemchaain khechnaa Ẽwandamag jejeeukhamjã pod õor ajaug paa auba aajeejim.

Hebreos 3:5

Magua Moisejã sĩi ich Ẽwandam chog arr aawai ichig jajaaukhamjota aajeejim i õor dʉi. Ajapcharan i phidagan, Ẽwandamau mag ich õorkha thʉnʉm khʉʉn dʉi ajuuta jũrr õrag jajaau aajeejim. Ma ajim i phidag.

Hebreos 7:1

Mag maach Por Jesucristo Melquisedecjo sim a chirʉmʉn mʉgau: Maach jooin Abrán khararr agtha ʉu pʉʉrba khitʉm jaar, Melquisedecta phobor Salem anʉm eem rey anaa ĩchab phadkha sĩejim aajem, ich Ẽwandam cha ʉ̃gthaa phuu nʉmua phadkhapitarr. Mag jaar biek ãb jooi Abrán reinaan dʉi werbʉwi ich garmua reinaan podpʉiwi urum ee, chi Melquisedec i khĩirphee mawi ãba thẽubaimam aig, i bendiciemamua irig, “Ĩsmua atag ʉu pʉ Ẽwandamau eeg oo wai chitaju” ajim anaabá chi Abranag.

Hebreos 9:8

Mag sim aig, ĩs Ẽwandam Akharau jaauwai, mag phadnaan dudub aajerr aigta agtha Ẽwandamag jeeu nʉwe chan Lugar Santísimo gar dubaag put parrg eu wejorr agtha weeudʉba sĩerr aawai, pod parhoobam khʉʉn Ẽwandam aarcha dubju khaba naajim a simʉu.

1 Pedro 1:11

Mamʉ ich Ẽwandamau ich Akharagta amag nem jaaupiejerr aawai chadcha chi Akharauta mag Cristoou õor peerdʉ awaan beeju nawejã i igwi, “Woun ãb beewi õor ee aphʉʉ abarmuata nem thum podpʉiwi ichta ʉ̃gthar mawia thumaam khʉʉn khãai chi jua thierrkha sĩsiju” a jaaujeejim amag. Amachdeu mag ũrbaawai warag ajapchata khaphʉ am iigjeejim, chijãg wounchata mag beeju a jaau sĩ maimua mag pierrwaijã jãagwaichata barcheju a khap aag.

Apocalipsis 19:10

Mʉchig magbaawai, mua i bʉkhʉrr phõbkhaimajim irigta Ẽwandamagamjo jewaag. Mamʉ mag mua ich bʉkhʉrr phõbkhabaimaawai mʉrʉg, —Ʉ̃hʉ̃, oob jãgam mʉ dʉi. Ẽwandamagta jeeubá ajim. Mʉjã sĩi pʉ dʉi ãba Ẽwandam chog khabahab ajim, pʉ khodnaan ar Jesús iek amachdeu ʉkhatarrta ogdʉba amachdeu ootarrjo jaau durrum khʉʉnjo. Ẽwandamagta jeeubá ajim mʉrʉg.