San Lucas 24:32 - Wounaan Meu

³² Magbaawai amach wir aigpai, —Keen, jãguata mʉch thãar eepain muan ich khãijãa a chirajimgui ajim anʉm ãbmua; maimua ĩchab maach dʉi khʉd ee iyʉʉ urumua Ẽwandam iekpa thumaa ajapha jaaupʉpʉigmam ũrwiajã mua khaugaa aadejimgui ajim anʉm ich khaperag.

Woun Meu

³² Magbaawai hamach wir haigpai, —Keen, jãguata mʌch t'ãar heepain muan hich k'ãijãa ha chirajimgui hajim hanʌm hãbmua; maimua hĩchab maach dʌ̈i k'ʌd hee hiyʌ̈ʌ hurumua Hẽwandam hiekpa t'umaa hajap'a jaaupʌ̈pʌ̈igmam hũrwiajã mua k'augaa haadëjimgui hajim hanʌm hich k'aperag.

San Lucas 24:32 Iomraidhean Croise

San Marcos 4:34

Mamʉ ejemplo chuk chan mag õor pom wejomʉg bʉ̃ʉrjã nem jaauba aajeejim anaabá. Mag ejemplodamaupa nem jaaumatarrta ich khapeen dʉi amach appai aadeewain deeu wajapha amag jaaujeejim aajem, wajapcha khap amkhĩir.

San Lucas 24:45

Maimua mag ichdeu Ẽwandam iek gaai phã sĩsidʉm jaautarr khap amkhĩir, ichdeupai am por opherg apijim anaabá. Magbaawain chadau i igwia Ẽwandam iek gaai phã sĩsidʉmjã thum khaphʉ nʉisijim aajem.

San Juan 6:63

Magnaa warre amag, Mua mag mʉch mod khopi jaau chirʉm chan mʉch mod chaarta jaauba chirʉmgui ajim. Mʉ modon chadcha pãrau khowiajã jãgua chan bʉ̃ʉrjã pãar peerdʉ aubajugui ajim, Ẽwandam Akharauta õor iiupiejeewai. Mag mʉ mod chaarta khoju khĩirjuju khãai, cha mua pãach kõit ʉdʉraa mʉch thõopiju jaau chirʉmta ʉkhapi chirʉmgui ajim, chi mag ʉkha nʉm khʉʉnauta Ẽwandam Akhaar õor iiupiejem wai nʉisiju aawai.

Hechos 28:23

Maimua amach garmua Pabloog deeu ũmaai i aig beeju a jaautarr aawai, mag amach beeju arr ed ãspa eebaadee, õor khapan i jẽer sim di aig pos aichejim. Mag ich aig õor pom pierrwai edaupherr garwe jaaubaaderr khĩeb kheeurpamaa ajim, jãga Ẽwandamagta maadeu ʉdʉraa dich Porkhapiju aai nʉ a jaau simua. Mag jaau simua Ẽwandamau ich iek Moiseeg phãpitarr gaaim iek jaaunaa ĩchab warrgar Ẽwandam i jaaumienau phã pʉarr gaaim iekpa jaaumamua Jesús igar ʉkhapi auju ẽkhaajeejim.

Hebreos 4:12

Mʉg Ẽwandam iekhan ich mag chugpaa khaugba sĩerranaa nem jua theeg sĩerrʉm, ich Ẽwandam iek aawai. Maguata thuthui phõpá garm magwe dee sim khãaijã nem degcha sĩewai maach pa akhaar oonaa maach o akhaarjã khaug aaujem. Maach khĩirjugjã khogreu jʉrnaa dichdeu nem wauju dich thãar eepai wai sĩsidʉmjã khaug aumaajem.