San Lucas 24:30 - Wounaan Meu

³⁰ Mag am dʉi thʉbawia, ãba ohoodo thach khoogpamua pan ich jua ee auwia, Ẽwandamag ʉu ajim anaa, thorreuwia, amag ʉapʉijim aajem, ag na ichdeu aajerrjo.

Woun Meu

³⁰ Mag ham dʌ̈i t'ʌbawia, hãba hohoodö t'ach k'oogpamua pan hich jua hee hauwia, Hẽwandamag hʌ̈u hajim hanaa, t'orreuwia, hamag hʌapʌ̈ijim haajem, hag na hichdëu haajerrjö.

San Lucas 24:30 Iomraidhean Croise

San Mateo 14:19

Mag chadcha ich aig aipierrwai õor pom mag thʉnarrag, —Phũak ee ohood abat ajim. Maimua mag pandam cinco narr dʉi chi ãwarrdampa phe auwia ʉ̃gthaag eerpanaa, Ẽwandamag ag paar ʉu ajim anaa, ichdeupai chi pan thorreunaa marag ʉapʉimajim. Magbaawai jũrr maachdeuta õrag jigmajim.

San Mateo 15:36

mag pandam siete narrjã chi ãwarrdam dʉi ãba jua ee phe auwia, Ẽwandamag ʉu ajim anaa thorreubaadejim. Magnaa maachig ʉapʉimaawai marau jũrr õrag jigmajim.

San Mateo 26:26

Mag iyʉʉ thach kho nʉmua Jesuu pandam jua ee aunaa, Ẽwandamag ag paar ʉu ajim anaa khõreunaa marag ʉapʉijim. Magnaa, —Khobat, mʉ mʉ morou ajim, chi pan igwi.

San Marcos 14:22

Maimua mag iyʉʉ thach kho nʉmua Jesuu pan jua ee auwia, Ẽwandamag ʉu ajim anaa khõreunaa amag ʉapʉinaa, —Mʉg pan khobat. Mʉ mʉ morougui ajim anʉm.

San Marcos 6:41

Magbaawai Jesuu mag pan cinco narr dʉi mag ãwarr dau numí narrpa phe auwia, ʉ̃gthaag eerpanaa, Ẽwandamag ʉu ajim anaa chi pan thorreunaa, jũrr ich khapeenag ʉapʉimajim aajem, tagam khʉʉnag jigmamkhĩir. Ich agjo chi ãwarrjã agdaujo thumaam khʉʉnag jigpʉijim aajem.

San Marcos 8:6

Mag pan siete wai nʉm abaawai Jesuu mag õor pom wejomʉg, —Jẽkhʉt jupkhabat ajim anʉm. Magnaa mag pan siete narrdam jua ee phe aunaa, ag paar Ẽwandamag ʉu ajim anaa thorreuwia, jũrr ich khapeenag ʉapʉimajim aajem, mag õor pom thʉnʉmʉg jigmamkhĩir.

San Lucas 22:19

Maimua agjo panjã jua ee auwia, Ẽwandamag ʉu ajim anaa, thorreuwia, amag deenaa, —Mʉg panan mua mʉch morta pãrag dee chirʉm; mʉg atagjã mʉ khĩirjunaa ich mʉgta khabat a jaaujim aajem.

San Lucas 24:29

Magbaawai amachdeu irig, —Maar aig khãibaje. Ya atcha edau kheeuraa sĩebahab; khʉd pʉ kheujuwai ajierram anʉm. Magbaawai chadcha am dʉi sĩsijim aajem.

San Lucas 24:35

Mag amachig jaaubaawai, amachdeujã jũrr warm khʉʉnag maguimajierram aajem: —Keena, magan maraujã pãrag jaaukhimgui ajierram anʉm, maachdeu i ootarr: Irua khabá maar ẽkha auwia khʉd ee maar i dʉi ãba wetjima ajim anʉm. Mamʉ mag khʉd ee ãba wettarrjã marau pod i khaug auba, sĩi ãba thach kho nʉm aig pan thorreuwia ichdeu ag na jiigjerrjo jigbaadem aigta, marag ich khaugpimjo khaugpibaawai, marau i khaug aujimgui ajierram anʉm jũrr amach khapeenag.

San Lucas 9:16

Magbaawai ich Jesuu mag pan cinco narr chi ãwarrdam numpai narr dʉi ãba phe auwia, ʉ̃gthaag eerpanaa, Ẽwandamag ʉu ajim anaa, thorreuwia, ich khapeenag ʉapʉimajim aajem, jũrr õrag jigmamkhĩir.

San Juan 6:11

Maimua Jesuu makhʉʉn pandam ich jua ee phe auwia, Ẽwandamag ʉu ajim anaa, jũrr marag ʉapʉimajim, jũrr õor pom mag ohood wejomʉg jigmamkhĩir. Maimua jũrr chi ãwarrdam paarjã ich agjo Ẽwandamag ʉu ajim anaa agjo jigpijim, amachdeu khom aig khomkhĩir.

Hechos 2:42

Mag, chi ʉkha durrarr khʉʉn thum ãbam aig podpanaa ich Jesuu pʉitarr khʉʉnau jaau nʉmpierr ich mag am ipierraa wenʉrraajeejim aajem. Amach khapeen dʉi o khaigbajã khaba, ante Ẽwandamag jeeu nʉmua warag thachjã ãba jig khoojeejim aajem.

Hechos 2:46

Mag nʉmua edau ãspapakhampierr Aai i jeeujem deg ãba podpanaa Ẽwandamag jeeujeejim aajem. Maimua amach di aar pawiajã ich mag Ẽwandamag jeeu nʉmua thachjã agdaujoo thoikhanaa thumaa o ãba onee kho dichdimapphʉ aajeejim anʉm.

Hechos 27:35

Pabloou mag iekhapet awi, pan jua ee auwi, thumaam khʉʉn dakhĩir Ẽwandamag jeeuwi, khõor khobaadejim.