San Lucas 24:21 - Wounaan Meu

²¹ Amau i jãgbajupii awia marau khĩirjuawai ichdeuta israelnaan thum Romapien jua eemua por obeer aujupii naajimgui ajim anʉm. Mag khĩirju naajieb mamʉ, viernes i thõotarr ya khãai thãrjup pamgui ajim anʉm, ĩsim khurau i dau aphʉʉ abarm.

Woun Meu

²¹ Hamau hi jãgbajupii hawia marau k'ĩirjuawai hichdëuta israelnaan t'um Romapien jua heemua pör höbeer haujupii naajimgui hajim hanʌm. Mag k'ĩirju naajieb mamʌ, viernes hi t'õotarr ya k'ãai t'ãrjup pamgui hajim hanʌm, hĩsim k'urau hi dau hap'ʌʌ habarm.

San Lucas 24:21 Iomraidhean Croise

San Lucas 1:68

“Ẽwandam, ʉuhcha pua pʉch chaain eeg oowia ĩsin chad maar peerdʉ awaagpam. Magua maar onee nʉmgui ajim anʉm.

San Lucas 2:38

Mag agtha María ich chaai dʉi Aai i jeeujem deg nʉm ee, mag ũan Ana anʉmjã beewi Ẽwandamau ich Chaai pʉitarr khaug athaawai irig, “Ʉu ajim Ẽwandam; purua maar peerdʉ awaag pʉiju aajerr chaai barbaicheewai mʉ onee ʉmgui” ajim anʉm. Magnaa mag ich Ẽwandamaucha pʉiju a jaautarr ĩchab nʉajerr khʉʉnag chi chaaidam igwia, “Ich Ẽwandamau jaautarrjo chamʉguata mʉg atag maach peerdʉ auju ag Chaaidamauwai” aajeejim anaabá.

Hechos 1:6

Maan mʉgta ajim aajem: Mag amau chi Jesús thõowi deeu iiu phiidʉtarr khur ya ãbmiecha ichdeu jʉr autarr khʉʉn dʉi sĩejim aajem. Mag amach aig sĩerr aawai amach garmuata irig, —Señor, marau khap am ig nʉmgui ajierram anʉm, marag jaaubá. ¿Ĩsta pua chadcha chikhamnaan jua eemua maar peerdʉ auwi pʉchta thumaam khʉʉn Porkhaagpá, maach gobierno chaarcha wai nʉisieg?

Hechos 7:28

“¿Wa norr pʉchdeu Egiptopierr thõotarr aawai mʉjã pua agjota thõopʉim ig chirʉ́wa?” ajim anaabá.

Apocalipsis 5:9

Makhʉʉn jooin mag thʉkhokhood thʉnʉmua chi Cordero thumeukharmamua meukhaar iiurta au naajim. Amau meukhaar au narr mʉg ajim: “Pʉchdeupaita ãba jãg ẽsap jua ee auwi chi khaar sĩsidʉmjã thʉrreu werbaju aai sim, pʉchta thumaam khʉʉn kõit ʉdʉraa pʉch thõopitarr aawai. Pʉch thõo nʉm aig bag ãrtarrauta pua õor durrpierram khʉʉn amach meupierr Ẽwandam athee perkha aujim.