San Lucas 23:47 - Wounaan Meu

⁴⁷ Magbaawai capitán Romapierr aig sĩerrau ichdeu mag oobaawai, —Chadchata jãgan mʉg wounan chi ajapham ajimgui ajim anʉm, Ẽwandam na.

Woun Meu

⁴⁷ Magbaawai capitán Romapierr haig sĩerrau hichdëu mag hoobaawai, —Chadchata jãgan mʌg wounan chi hajap'am hajimgui hajim hanʌm, Hẽwandam na.

San Lucas 23:47 Iomraidhean Croise

San Mateo 27:51

Mag i chaaupabaadem dʉi ĩchab Aai i jeeujem deg ierrgajãrcha put nem parrg thuur eu wejorrta ʉ̃gthaamua eeg sʉrr abarmʉn warre jãrrcha thoophem numiita jijirar joisijim. Magbarm dʉi ʉʉur theega duuibaademua mokporpa thorrchecheukham dʉi

San Mateo 27:54

Magbaawaita capitán soldaaun dʉi Jesús pakuls gaai jiir wejom eegar narr khʉʉnau mag ʉʉur theeg duuibaadem ee, mamagkham oophobaadee jãphierr nʉm iekhau warag, —Mʉg wounan chadchata Ẽwandam Iewaa ajim ajierram.

San Mateo 9:8

Magbarm oowia aig narr khʉʉn dauderraa nʉisijim anʉm. Mag nʉm iekhau warag Ẽwandamagta, “Ʉuhcha jãgbarm, Ẽwandam. Jãan pʉch jua theegauta mʉg wounag jãgpibarm” ajierram aajem.

San Marcos 15:39

Mag Jesús äa awia meebaadem oobaawai chi soldaaun am capitán chi Jesús jiir wejom khĩirphee oo dʉnarrau, —Chadchata jãgan mʉg wounan Ẽwandam Iewaaugui ajim anaabá.

San Lucas 23:41

Mag khãyau maachin, chadcha maachdeu khaigba arr gaaimuata mʉg naabahab ajim anʉm. Mamʉ mʉg woun chan bʉ̃ʉrjã pekau chukhu simta amau i mʉg dau aphʉʉ wai nʉmgui ajim anaabá.

San Juan 19:7

Magbaawai chi judionaanau jũrr irig, —Ichdeucha jaauwaijã iita Ẽwandam Iewaa anaawai ichiita thõopʉiju aai simgui ajierram, maar ley gaai jaauwai mʉg maach agdaujopai nʉmta mag iekha simʉn thõopʉiju aai nʉm a jaau sĩewai.