San Lucas 23:34 - Wounaan Meu

³⁴ [Maagwai pakuls gaaimua Jesuu, —Tata, õrau mʉ dʉi mʉg nʉm ideu sĩi ich jãg khĩir okhoobapʉi. Amau amachdeu nem wau nʉmjã khaugba naawaita mʉg mʉ dau aphʉʉ wau nʉm aajeejim aajem.] Maagwai chi soldaaunau amach appai, “Magan ¿khaíuta chi khajũa jʉ̃aju khai?” awia, mokdaudam bar nʉmua gan aumajierram aajem.

Woun Meu

³⁴ [Maagwai pakuls gaaimua Jesuu, —Tata, hõrau mʌ dʌ̈i mʌg nʌm hidëu sĩi hich jãg k'ĩir hok'oobapʌ̈i. Hamau hamachdëu nem wau nʌmjã k'augba naawaita mʌg mʌ dau hap'ʌʌ wau nʌm haajeejim haajem.] Maagwai chi soldaaunau hamach happai, “Magan ¿k'aíuta chi k'ajũa jʌ̃aju k'ai?” hawia, mokdaudam bar nʌmua gan haumajierram haajem.

San Lucas 23:34 Iomraidhean Croise

San Mateo 11:25

Ich mag jaar ĩchab ich Jesuu ich Ayag jeeumamua, —Tata, mua pʉrʉg ʉu ajim a chirʉmgui ajim anʉm, pʉchta ʉ̃gtharm magwe nem thum mʉg wejom Por aawai. Mʉ onee chirʉmgui ajim anʉm, õor amach khĩirjug khaug thowia, nem thum khaphʉm khaphʉm aajem khʉʉnaujã amach peerdʉju iek khaugba arrta, jũrr pua khĩirjugdam meraa chaainjo khitheem khʉʉnagta ʉu khaugpibaawai.

San Mateo 11:26

Chadcha puata nem wajapha waaujem Tata, pʉchdeu juau am dʉi magju atarr aawai ajim aajem mag jeeumamua.

San Mateo 5:44

Pari ĩs mua mag chirʉmgui ajim anʉm ich Jesuu: Pãach kha ukhurm khʉʉnjã daupii abat; maimua agjo mʉ iek gaaimua pãach khaibag wauju ẽkhaajem khʉʉn kõitjã warag Ẽwandamagta jeeubat.

San Marcos 15:24

Mag dee nʉmjã doba abaawai ich mag pakuls gaai meerphepʉijierram anaabá. Mag meerphepʉiwia, khaíuta i khajũa wai sĩsiju khai awi, chi soldaaunau i khajũa jũajerr ʉ̃r phatkhon bar jemkha nʉmua amachpierr agdaujo gan aumajierram aajem.

San Lucas 22:42

Mag jeeumamua, —Tata ajim anʉm, pua khõs akhiin, atcha mʉ dau aphʉʉ apibakham. Deeum nem waubarmuajã agjo õor peerdʉ auju ayaa akhiin, mʉ gaai machag mʉgcha ãwatbakhamgui aajeejim anʉm. Mamʉ pʉchdeuta khap chirʉm; mʉchdeu khõsi chirʉmjo khaba, pʉchdeu khõchagpierrta mʉ dʉi abá a iekhamajim aajem.

San Juan 17:9

Mag iekhakhagmamua warag, “Tata, mʉg mʉch dʉi durrum khʉʉn kõitta muan pʉrʉg jeeu chirʉmgui ajim. Mua chan sĩi mʉg durr gaai sĩi mʉch iekjã ʉkhaba nʉm khʉʉn kõit jeeuba, pʉchdeu mʉrʉg deewia pʉch iek ʉkhapi autarr khʉʉn kõitta jeeu chirʉmgui ajim, amjã ĩchab pʉ denkha durraawai.

San Juan 19:11

Magbaawaita jũrr ich Jesús garmua irig, —Ich Ẽwandamauta jãg pʉ iek theeg apiba arr amuan, ĩs pʉ bʉ̃ʉrjã mʉ dʉi iek theeg chukhu chirakhamgui ajim anʉm. Mag pʉchta chi thierr awia mʉ dʉi mag chirʉm gaaimua, pʉchjã dʉi kulp wai chirʉmgui ajim anʉm. Pari ar pʉrʉg mʉ dʉi mʉgamkhĩir õor khaigbamjo mʉ mʉig pʉr waiberr khʉʉnta pʉ khãaijã ʉ̃rʉʉcha kulp paraa nʉmgui ajim anʉm, amachdeu khaphʉ nʉmta mʉ dʉi jãg naawai.

Hechos 16:28

Mag wir aig ich thõogpam oobaawai Pabloou ijẽb aadewi irig, —Kake, oob wir aig pʉch chig a chiram ajim anʉm. Maar ãbjã oberba, maach thumaa agtha mʉig naabahaba ajim anʉm.

Hechos 3:17

Magnaa ich Pedrooupai, —Mua khaphʉ chirʉmgui ajim anʉm, pãrau pãach pornaan dʉimua Jesús pʉrnaa thõopäaiwai chadcha ich Ẽwandamaucha pʉitarr khabampii awiata jãg i thõojierram.

Hechos 7:60

Mag Ẽwandamag jeeu dichwia, jĩeporou jẽkhʉt phõbkhanaa thet, —Señor ajim anʉm, amau mʉ dʉi mʉg khaigba nʉm paarjã oob pua amag mʉgtarr iek eudʉ chitamgui ajim anʉm. Mag iekha khitʉm ee, warag chaaupabaadejim aajem.

Romanos 12:14

Pãach Cristo iek ʉkha nʉm gaaimua õrau khãijã pãach dʉi khaigba aawai oob am thõp iekhamiet. Magju khãai warag am kõit Ẽwandamagta jeeubat, Ẽwandamau am dʉijã ʉu amkhĩir.

1 Corintios 2:8

Ich Ẽwandamau mag Cristo gaaimua õor ich aar auju ayaa apiju a sim chan sĩi mʉg jẽb gaaim thethemnaanau pod khĩirju aubajierram. Amau magʉm khaphʉ arr akhiin, maach Por Jesucristo ʉ̃gtharmua beetarrta amach paarmua pakuls gaai jãg i meerphe thõopibakham.

1 Corintios 4:12

Mag nʉmʉn maach bidam athee maach juadamaucha phidkha durrumua khajeeu durraajem. Maach thõp iyʉʉ aawaijã warag am kõit ʉ̃gthaagta jeeu durraajem. Maach khaibag wawaag maach ẽudee ẽkhaawaijã magʉmjã igba khĩu ãwat durraajem.

1 Timoteo 1:13

Muan warran Cristo eugar khaigba iekha chitajim; magnaa i iek ʉkha nʉm khʉʉn khaibag wawaag am ẽudeejã ẽkhanaa ich Cristo thʉ̃rcha thʉ̃rthʉ̃rnaajã ĩchab i wau iekhakha aajeejim. Mag chitarr ãba, Ẽwandamau mʉ dau aug khaugjim, agtha i iek ʉkhaba chirʉm gaaimuata mʉch mag chitʉmjã khaugba chitaajerr aawai.

1 Pedro 3:9

Chikhamnau pãach dʉi khaigba aawai agjo aju awi oob am khaibag waumiet. Pãach ãaukha thõp iekha thʉnʉʉuwaijã oob am eugarjã amach denjo amiet. Magju khãai mag pãach dʉi khaigba aajem khʉʉn kõitjã warag Ẽwandamag am eeg oopita jeeubat, magamkhĩirta warrjã pãar ich denkha autarr aawai. Magbaawai pãachpata Ẽwandamau ajapha wai sĩeju.